Ukrainanıñ arnayı qızmeti operaciyanı jüzege asıruğa bir jarım jıl boyı dayındalıptı. Operaciya barısın Ukraina prezidenti Vladimir Zelenskiydiñ özi baqılağan, al onıñ orındaluın SBU basşısı Vasiliy Malyuk pen arnayı jasaqtardıñ üylestirilgen wjımı atqarğan.

Ukraina tarabı aldımen FPV-drondardı Reseyge kontrabandalıq jolmen jetkizedi. Artınşa – ağaştan jasalğan şağın üyler jiberedi. Drondar sol üylerdiñ şatırınıñ astına tığılğan. Keyin bwl üyler jük kölikterge tielip, Reseydiñ işki aumaqtarına jetkiziledi. Däl sät tuğanda, şatırı qaşıqtan aşılıp, drondar kökke köteriledi de, strategiyalıq bombalauşı äue tehnikasına däl soqqı bergen. Mwnda bastı qaru – wşu emes, oylau qabiletiniñ şırqau şegin bayqauğa boladı.

Soqqı tört birdey reseylik äskeri äuejayda wyımdastırılğan. Olar – “Belaya”, “Dyagilevo”, “Olen'ya”, jäne “Ivanovo”. Atalğan nısandar – Reseydiñ strategiyalıq aviaciyasınıñ tirek nükteleri ekeni barşağa mälim. Mwnda yadrolıq nemese qaşıqtan basqarılatın bombalardı tasımaldaytın wşaqtar ornalasqan.

Clash Report derekterine süyensek, Resey äskeri äuejaylarınıñ qauipsizdigi – absolyuttik nöl deñgeyinne tüsken. Birneşe milliard dollar twratın äskeri wşaqtar angarsız, qarulı küzetsiz, aerodromda qañtarılıp twrğan ğoy. Bwl – Kreml'diñ äskeri basqaru jüyesindegi institucionaldı degradaciyanıñ anıq körinisi.

Bwl şabuılan ekonomikalıq tiimdilik koefficienti rekordtıq deñgeygen jetkenin bayqaymız. Bir dron – 600 dollar. Bir Tu-95MS – 100 million dollar. Ukraina bir soqqıda onjıldıqtar boyı jinalğan keñestik-reseylik aviaciya qorınıñ talqanın şığardı.

Älem elderi endi Tu-95 pen S-300 jüyelerine emes, FPV-dron men cifrlıq basqaru algoritmderine investiciya saladı. SBU bwl twrğıda qorğanıs qwrılımınan emes, jaña buın äskeri-innovaciyalıq laboratoriyasınan şıqqanday äreket etti.