Kafedra professorı Matematikter künine arnalğan «Tañğı Studio» tañğı şouında

14 naurız – Matematikter künine oray «Tañğı Studio» tañğı şouınıñ qonağı belgili ğalımdar: fizika-matematika ğılımdarınıñ doktorı, professor Qangujin Baltabek Esmatwlı men PhD-doktor Jwmabay Mädibaywlı boldı. Efirde olar matematikanıñ mañızdılığın, merekeniñ tarihın, qazaq matematikteriniñ ğılımnıñ damuına qosqan ülesin talqıladı.

Professor Baltabek Esmatwlı matematikanıñ ğılımdardıñ patşayımı sanalatındığına toqtaldı. Ol bir jağınan ğılımi bilimniñ şıñında twrsa, ekinşi jağınan basqa pänderdiñ damuına negiz bolatın kömekşi ğılım ekenin atap körsetti. Ğalım şeksizdik pen matematikalıq esepteulerdiñ däldigin bildiretin π sanınıñ şığu tarihına da toqtaldı.

Doktor Jwmabay Mädibaywlı bwl künniñ 1988 jıldan bastap «π sanı küni» (π – irracional san, şamamen 3,14142… teñ) retinde toylana bastağanın atap ötti. Al 2019 jıldan bastap bwl kün matematika men onıñ ökilderiniñ mañızdılığın körsetetin «Matematikter küni» märtebesine ie boldı.

Äñgime barısında ğılımnıñ damuında eleuli röl atqarğan qazaq matematikteriniñ tarihına erekşe nazar audarıldı. Olardıñ arasında:

• Sälimgerey Jantörin – matematikalıq bilim beruge üles qosqan Alaş qozğalısınıñ ökili;

• Älimhan Ermekov – Qazaqstan kartasın jasauğa qatısqan alğaşqı qazaq matematikteriniñ biri;

• Säduaqas Boqaev pen Aqbergenov Ibaydolla – otandıq matematikalıq mekteptiñ damuına üles qosqan körnekti ğalımdar.

Swhbat soñında Baltabek Esmatwlı adam boyında tabıluı kerek negizgi üş qasietti atap ötip, körermenderge qwndı keñester berdi:

1. Küş-jiger – älemdi jaqsı jaqqa özgertuge wmtılu.

2. Şıdamdılıq – özgerte almaytın närsege şıdamdılıq tanıtu.

3. Intellekt – neni özgertip, neni özgertuge bolmaytının ajırata bilu.

Bağdarlama jürgizuşileri qonaqtarğa qızıqtı swhbatı men ğılımnıñ damuına qosqan ülesi üşin alğıs aytıp, densaulıq pen ğılımi eñbekte jaña jetistikter tiledi.

Imanberdiev Kanjarbek,

Matematika kafedrasınıñ meñgeruşisi

Muhambetkaliev Murat,

Matematika kafedrasınıñ oqıtuşısı

https://farabi.university/news/94948