Abay küni qarsañında Almatı qalasında aşıq aspan astındağı sahnada mıñdağan körermender Qazaqstan Respublikası Mädeniet jäne aqparat ministrliginiñ «Wlttıq kinonı qoldau memlekettik ortalığı» qoldauımen tüsirilgen Abaydıñ twñğış şığarmalar jinağınıñ jarıq köru tarihın bayandağan «Alğaşqı kitap» attı derekti fil'mdi tamaşaladı, dep jazadı Muztaumedia.kz.
Dokudrama janrındağı bwl derekti fil'm qazaqtıñ neşe ğasırlıq ruhani tarihındağı tañ qalarlıq wlı oqiğa — 1909 jılı Peterbor qalasında Il'yas Boraganskiy baspasınan jarıq körgen Abaydıñ twñğış kitabınıñ qilı tağdırın beynelegen.
Fil'm jalğız özi twtas bir älem jasap, şığarmaşılıqpen aynalısqan nebäri jiırma jıldıñ işinde qazaqtıñ tilin de, körkemdik, etikalıq tanımın da kürt özgertip, bwrın-soñdı türik jwrtı jetpegen biikke kötergen Abaydıñ alğaşqı kitabı qalay basılıp şıqtı, Abay közi tirisinde öziniñ şığarmaların jinaqtap, kitap qılıp şığaruğa äreket etpedi me, jalpı, kitaptı kim dayındadı, qalay baspa betin kördi, nege Semeyde emes, qiyandağı Peterborda basıldı, nege kitaptı şığaru isinde köptegen kedergiler payda boldı, t.t.s.s. saualdarğa jauap izdegen eken.
Prem'era soñı Almatı qalası äkimdiginiñ Mädeniet basqarması wyımdastırğan Abay mwrasın nasihattağan koncerttik bağdarlamağa wlastı.
Talğat Küzembaev, Lidiya Kädenova, Erlan Biläl, Darhan Süleymenov, Asan Mäjit, Dinara Kemelhan, Erden Jaqsıbek, «Alaşwlı» tobı men Hor kapellasınıñ qatısuımen muzıkalıq-poetikalıq qoyılım boldı.
Keş arı qaray Abay künine arnalğan, wlı aqın-ağartuşınıñ änderi şırqalıp, sözderi oqılğan «Almaty summer fest» festivaline jalğastı. Festival'de Maqpal Jünisova, Janar Dwğalova, Ashat Tarğın, Nwrlan Berdibaev, Serik Isahan, Ayarai, Birzhan Demeuuly, Nurtore, Magsoul, «Kesh you», «6ellucci», «IL Canto», t.b. öner körsetti.
Merekelik keş soñında mıñdağan astam adam aşıq aspan astında Abay änderin birge şırqadı.
Pikir qaldıru