Jaqsılıq Üşkempirov: «15 jıl boyı bir tüyir nan jegen joqpın»
kerey.kz
«Qazaqstan sport salasınan köştiñ basında boluı kerek». Bügin Oñtüstik Qazaqstan memlekettik pedagogikalıq institutınıñ studentterimen kezdesken halıqaralıq därejedegi sport şeberi Jaqsılıq Üşkempirov osılay dedi.
Sport ardageriniñ aytuınşa, 30 jastan asqan adam da älemdi moyındatuğa qauqarlı. Sondıqtan dayındıq-eñbekti qalt jibermeu qajet. Grek-rim küresinen Qazaqstannan şıqqan twñğış Olimpiada çempionı studentter aldında qazir de sporttan qol üzbegenin ayttı.
Qazirgi tañda Jaqsılıq ağa şäkirt tärbielep, sport salasınıñ damuına sep boluda. Älem çempionı studentterdiñ qoyğan saualdarına ıjdahatpen jauap berdi. Maqsatına jetui üşin türli täuekelderge de barğanın ayttı.
Jaqsılıq Üşkempirov, QR Eñbegi siñgen sport şeberi, Olimpiada oyındarınıñ çempionı: «Özim kezinde aş jürip küresken kezim boldı. Men tamaqtıñ dämin ğana bilip jürdim. 15 jıl boyı nan jegen joqpın, tek özge tamaqtardı twtındım. Mwnıñ barlığı semirip ketpeuim üşin, salmağımdı twraqtı wstap twru üşin jasaldı. Al Keñes Odağı zamanında säl ğana salmağıñ asıp ketse, bitti, sayıstarğa qatıstırmaydı. Özge de ümitkerler tolıp jatır, «Men çempion bolamın! Joq, men çempion bolamın!» dep özge de odaqtas respublikanıñ jigitteri talasqa tüsetin. Sol bäsekelestikti boldırmas üşin, özim jeñimpaz bolu üşin osınday täuekelderge bardım. Qazir mwnı aytuğa oñay, biraq ol kezde bwl men üşin ülken mäsele boldı. Men jağdaydı tek jetistikke jetu arqılı jeñildetip otırdım».
Qazaqstanğa eñbegi siñgen sport şeberi qazir käsipkerlik salağa de bet bwrıptı. İri qara mal şaruaşılığına den qoyğan. Sport şeberi öziniñ bwl isi ata käsipti jalğau ğana emes, qoğamda jwmıssızdardıñ qatarın da azaytu ekenin aytadı.
Kezdesu soñında studentter sport sañlağına arnağan öleñderin oqıp, patriottıq än-tartuların şırqadı.
kz.otyrar.kz
Pikir qaldıru