Köptegen aldıñğı qatarlı memleketterde oquşınıñ mektep bitiruine 2-3 jıl qalğanda jalpı pänderdi oqıtu toqtaydı da, ol özi qalağan mamandığına qajet 3-4 pändi ğana tereñdetip oqi bastaydı. Universitetke tüserde sol 3-4 pän boyınşa tapsırğan soñğı emtihandarınıñ nätijesi ğana attestatında körsetiledi. Mwğalimderi men ata-anaları oquşı emtihanda qanday bağa alsa da, tüsine qaraydı. Öytkeni ömirde ärtürli jağday boladı, mıqtı oquşı psihologiyalıq tolquğa wşırap älsizdeu bağa aluı mümkin, sınaq sätterinde özin sergek wstaytın ortaşa oquşı, kerisinşe, jaqsı nätijege qol jetkizui mümkin. Mwnı bäri jaqsı tüsingendikten “naşar bağa” üşin oquşını da, ata-ananı da, mwğalimdi de eşkim jazğırmaydı. Jalpı bilim ministrliginiñ emtihan nätijesinde şatağı joq, jalpı trendterdi ğana baqılap zerttep otıradı. Oquşılar soñğı emtihanda bir-biriniñ qanday bağa alğanın bilmeydi de, nätije ärkimge jeke habarlanadı. Öytkeni emtihan bağası – densaulıq jayı siyaqtı qwpiya jeke bas mälimeti bolıp sanaladı. Al qwjat qabıldağanda universitetter tek soñğı emtihannıñ nätijesine qaramaydı, oquşınıñ şığarmaşılıq äleuetin jeke tekserip, onımen swhbat ötkizedi. Solayşa Batıstağı oquşılardıñ basım böligi özderi qalağan oquğa tüsip jatadı.

Amal ne, bükil post-sovettik keñistikte mektep bitiru emtihandarı ülken bir sayasi nauqanğa aynalğan. Sol nauqannıñ talaptarına layıq nätije körsete almağandarıñ üşin sender kinäli emessiñder. Eger bilmekke şın talap qılğan jas bolsañdar, äli-aq süygen salalarıñ boyınşa mañdayı jarqırağan maman bolıp şığasıñdar. Jasımañdar, kerisinşe, jigerlene tüsiñder!

Ğalım Boqaştıñ facebook parawşasınan alındı