Özbektiñ şekaraşısı qazaqtı atıp öltirdi degen suıt habar tüsti
kerey.kz
ÖZBEK OĞINA WŞQAN QAZAQTIÑ JETİ BALASI JETİM QALDI
28 mausım küni, keşki 9 jarım şamasında qazaq-özbek şekarasında Qazaqstan azamatına oq atıldı. Şekara mañında balıq aulap jürgen 37 jastağı Uälihan Ahmetovtı körşi memlekettiñ şekaraşıları avtomattan oq jaudırıp, ölim qwştırdı. Bwnı özbek şekaraşıları «balıqşılar şekaranı kesti» dep tüsindiredi.
Marqwmmen birge balıq aulauğa barğan, oqiğa ornınan tiri qalğan kuäger, marqwmnıñ dosı Jeñisbek Bekeşov özbek şekarası tarabına ötpegenderin aytadı. Oqiğa kuägeri özbek şekaraşıları olardı qarañğıda bayqap, jarıq tüsirgende jağalauğa qaray jüzgenderin, osı sätte on şaqtı avtomattıñ oq jauğanın jetkizdi. Ahmetovtiñ dosı alğaşqıda dosınıñ ölip ketkenin bilmey jağalauğa alıp şıqqan.
Telearnalardıñ habarlauınşa, Oñtüstik öñirdiñ şekara şendileri osı istiñ anığın tekseruge kirisip ketti. Al, marqwmnıñ egile jılağan anası Dänegül oq atqandarğa jaza swrauda.
Äzirge Özbekstan jağı resmi türde oq atu deregin moyındağan. Olar şekara asqandarğa tosqauıl retinde oq attıq dep aqtaladı. Al qazaqstandıq şekara qızmetiniñ baspasöz ortalığı balıq aulağan jer rwqsat etilgen aymaqqa kiredi deydi. Marqwmnıñ artında 7 bala jetim qaldı.
“Endi Özbekstan jağımen kezdesu boldı. Özbekstan jağınıñ aytuına qarağanda, bwlar şekaradan ötip ketken deydi. Al tiri qalğan jigittiñ sözinşe, ol Özbekstan jağında bolmağan. Qazaqstan şekara sızığımen balıq aulağan”, – deydi WQK Şekara qızmeti baspasöz qızmetiniñ jetekşisi Mwhtar Anarbek.
Esteriñizde bolsa, bwl eki el şekarasındağı alğaşqı kisi ölim oqiğası emes. 2002-2006 jıldar arasında 10 oqiğa tirkelip, altı azamat jaraqat alıp, bir adam ölgen. Mısalı, 2003 jılı qırküyekte şekaraşılar şatısıp qalğan. 2010 jılı mausım ayında qazaq-özbek şekarasında bolğan atıs saldarınan eki azamat jaralanğan. 2012 jılı Oñtüstik Qazaqstan oblısı Sarıağaş audanındağı «Intımaq» şekara beketine belgisiz bireuler şabuıl jasağan.
2012 jılı mamırda bolğan eñ ülken şekaralıq oqiğa «Arqankergen» tragediyasınan keyin şekaralıq baqılaular men küzet qırağılığı küşeytilgen edi. Solay bolsa da Qazaqstan şekarasınıñ dauğa ilikpey aman ötkizgen jılı joq. Jıl sayın tım bolmasa şekaralıq beketten äsker qaşu jağdayları tirkelip jatadı. Örtke oranıp ketetin beketter de az emes. Şekaralıq tärtip temirdey bolğanda aydıñ-künniñ amanında ajal qwşqan arıstay azamattarımız ortamızda jürer edi. Jeti jetimektiñ obalı özbektiñ oğında ğana emes, özimizdiñ bostığımızda da bolar.
Abai.kz
Mwhtar Tayjan
-Bügin özbektiñ şekaraşısı qazaqtı atıp öltirdi degen suıt habar tüsti. Qandasımızdıñ aruağı imandı bolğay!
Meniñ aytarım, bwl ülken problemanıñ bası ğana, ağayın.
Mäsele mınada. Özbekstandağı jäne Türkmenstandağı şeqaramızda bizdiñ äskerlerimiz joq. Bwğan meniñ 2012 j Qazaqstandı aralağanda közim jetti. Ahual qazir de özgergen joq dep oylaymın.
Mısalı, Aqtöbe oblısı Şalqardıñ äri jağında Bozoy degen auılınan Aqtaudağı Beyneuge (450 km) tikeley kölikpen jüru qauipti. Özbek şeqaraşılar bizdiñ territoriyamızğa kirip (özimizdiñ äskerlerimiz joq bolğansoñ) adamdı qamauğa aladı eken. Zindanğa tığıp tastaydı, şeqaranı bwzdı dep. Sosın qalın aqşağa ğana bosatıp jiberedi. Aqşası tabılmasa tipti jaman, aytpay-aq qoyayın. Sondıqtan Qzılordadan Mañğıstauğa baru üşin anau Aqtobe arqılı baruğa mäjbürsiñ.
Mañğıstaudağı Beyneu men Jañaözen arasındağı tikeley jolı däl sonday, jergilikti jwrt türkmen şeqaraşılardan qorqadı.
Qazir mine qazaqtı özbek şeqaraşılar atıp öltirdi. Al qazaq özbekti atıp öltirdi degen bir de bir habar estideñizder me?
WQK talap – tügel şeqaramızdıñ boyında Qazaq eliniñ äskerleri twru mindet!
Ämirjan Qosanov
-Şekarada özbek şekaraşıları tapa-tal tüste atıp öltirgen qandasımızdıñ tağdırına baylanıstı Sırtqı ister ministrligi minez tanıtıp, qabağın şıtıp, arnayı narazılıq nota jasauın kütip otırmın.
Özbek – dosım, biraq aqiqat qımbattıraq. Balıq aulap otırğan azamattı birden ata salu degen ne swmdıq! Eskertu degen siyaqtı basqa da şaralar bar emes pe?!
facebook paraqşasınan alındı
Pikir qaldıru