Senat törağası Qasım-Jomart Toqaev joğarı palatağa keletin zañ jobalarına köñili tolmaydı. Törağa zañ qwjatına jauaptı ministrlikter jwmısqa atüsti qaraydı dep sın ayttı.

Senat deputattarı ötken jıldıñ 1 qırküyeginen beri 113 zañ jobasın qabıldaptı. Törağa ükimetti jaña jwmıs mausımında Qazaqstannıñ DSW-ğa enuine qatıstı qaralatın jaña zañ qwjattarında wqıptıraq boluğa ündedi dep habarlaydı Astana arnası.

“Qabıldanatın zañ jobalarınıñ sapası äli de özekti bolıp qaluda. Keyde ministrlikter zañdardıñ mazmwndıq jağına tiisti nazar audarmay, asığıs dayındap jatadı. Mümkindikti paydalana otırıp, ükimettiñ nazarın osı mäselege audarğım keledi. Sebebi mwnday jağdaylar zañnamadağı qayşılıqtarğa alıp keletini sözsiz”, – dedi Qasım-parlament senatınıñ törağası Jomart Toqaev.

Al Senator Birğanım Äytimova diplomatiyalıq qızmettegi şağın toptıñ zeynetaqımen qamsızdandırıluına köñili tolmaydı. Nebarı 1250 adamdı qwraytın topqa eñ tömengi bazalıq zeynetaqı esepteletinin alğa tartqan deputat, diplomatiyalıq qızmetkerlerdiñ eñbegi älemdik täjiribe boyınşa erekşe ötelui tiis, deydi.

“Mısalı, meniñ zeynetaqımdı eseptegende, ol turalı aytuğa da ıñğaysız siyaqtı, biraq ta endi şındıqtı aytu kerek. Tek qana 0,25 payız qazaqstandıq aqşamnan esepteldi. Endi arasında basqa jwmıstarğa baylanıstı meniñ zeynetaqım äyteuir ortañğı deñgeyde bolıp şıqtı. Al, eger de men bükil ömir boyı diplomatiyada jwmıs istesem, onda meniñ zeynetaqım bügingi tañdağı esep boyınşa tipti eñ tömengi zeynetaqığa teñeledi”, – deydi parlament senatınıñ depuatı Birğanım Äytimova.

Birğanım Äytimova diplomat jarlarınıñ soñınan şetel asatın azamattarğa da eñ tömengi bazalıq zeynetaqı tağayındaluına qarsı. Mısal retinde, on jıldan astam sırttağı qızmeti üşin, joldasına on jıl ğana eñbek ötili eseptelip, tömen zeynetaqı belgilengenin aytıp, Densaulıq saqtau jäne äleumettik damu ministrine qolqa saldı.