Malaiziyalıq Boeing-777 layneriniñ Ukrainanıñ oñtüstik şığısında äue apatına wşırauın tergegen Niderland prokurorı Fred Vesterbeke “Russkaya slujba Bi-bi-si” basılımına bergen swhbatında tergeuşilerdiñ wşaqtı Donbass aymağınan iske qosılğan “Buk” jüyesiniñ atıp tüsirgeni turalı boljamdı şındıqqa janasadı dep esepteytinin mälimdedi.

“Bwl şındıqqa janasatın jalğız boljam, bwl bizdiñ tergeuimizdiñ negizgi rastalğan boljamımız. Alayda biz özge de scenariylerdi qarastırıp otırmız. Olardıñ biri “Buk” zımıranınıñ özge öñirden, özge jerden wşırılğanı turalı. Sonımen qatar, wşaqtı “äue-äue” klassındağı zımırannıñ tehnikalıq mümkinşiligin zerttep jatırmız. Bwl sot tıñdauında özge boljamdardıñ negizsiz ekenin körsetuimiz üşin qajet”, – dep habarladı prokuror.

Vesterbekeniñ aytuınşa, qayğılı oqiğanıñ bolğanına bir jıl ötse de küdiktilerdi tergeu atay almaydı. “Ärine, biz küdik keltirip otırğan adamdar bar, alayda tergeudiñ qazirgi kezeñi naqtı küdiktilerdi anıqtauğa mümkindik bermeydi”, – dedi ol.

Zımırandı wşırğan naqtı adamdı anıqtau turalı swraqqa prokuror bılay dep jauap berdi: “Bizdiñ jwmısımız sol adamdı tabuğa bağıttalğan. Biraq jauapkerşilik bir ğana adamğa artılmaydı. Basşılıqta bwyrıq bergen adamdar bar, qoldağandar boldı. Sol sebepti biz bir adamdı emes, osı qayğılı oqiğağa jauaptı barlıq adamdı izdestirip jatırmız”.

Mwnımen qatar, prokuror tergeudiñ şabuıl jasaudağı nietti, yağni ol qasaqana jasaldı ma, älde kezdeysoq jasaldı ma – osını anıqtauğa arnalıp otırğanın atap ötti. “Osınday köp beybit twrğındarı bar wşaqtı atıp tüsirudiñ kimge qajet bolğanın elestetudiñ özi qiın. Mwnıñ qasaqana jasalğanına kümänim bar. Alayda qazir şeşim jasauğa äli erte”, – dedi Vesterbeke.

Vesterbeke tergeuge Resey biliginiñ kömektesip jatqanın habarladı. “Tergeudi jürgizip jatqan negizgi el bola otırıp, aqparattıq jäne zañgerlik kömekke jügindik. Eki ay bwrın men Mäskeuge bardım, tergeuge jauaptı reseylik äriptesterimmen kezdestim. Olar özderinde bar mälimetti bölisti. Qazirgi uaqıtta biz olardı qarap, olardı qalayşa qoldanıp, iske tartuğa bolatının şeşip jatırmız. Onda ne bolğanın tüsinip qana qoymay, qalğan negizsiz boljamdardı ısırıp tastauımız kerek, sondıqtan biz özge de boljamdardı qarastırıp otırmız”, – dedi ol.

Prokurordıñ aytuınşa, ol malaiziyalıq wşaqtıñ oqiğasın tergeudiñ jıl soñına deyin ayaqtalatınına ümit bildiredi. Sol kezde tergeuşiler äue apatınıñ negizgi sebebin aytıp, jauaptı adamdardıñ atı-jönderin atauı mümkin.

Eske sala keteyik, malaiziyalıq Boeing-777 MH17 reysimen Amsterdamnan Kuala-Lumpurğa wşıp bara jatıp, 2014 jıldıñ 17 şildesinde Doneck oblısınıñ Grabovo eldi mekeniniñ mañında, reseylik şekaradan 50 şaqırım jerde apatqa wşırağan bolatın. Laynerdiñ barlıq 283 jolauşısı men ekipajdıñ 15 müşesi qaza boldı.

tengrinews.kz