10 aqpanda Erlan Sağadiev QR bilim jäne ğılım ministri bolıp tağayındaldı. Konferenciyalardıñ birinde ol balalardı qay tilde oqıtu kerektigin aytqan bolatın, – dep habarlaydıTengrinews.kz tilşisi.

Äleumettik jelilerde köptegen qazaqstandıq qoldanuşılar, sayasattanuşılar, jurnalister Sağadievtiñ ministr lauazımına tağayındaluın eñ dwrıs şeşimderdiñ biri dep atadı. Sağadiev öziniñ jañaşıl ideyalarımen belgili. Ol “TEDxAlmaty 2013″ şarasında üş tilde bilim beru jüyesi turalı söz qozğadı. Ayta keteyik, qazaqstandıq mektepterge jappay üş tilde bilim beru jüyesin engizu 2023 jılı iske asırıladı.

Sağadievtiñ aytuınşa, ata-analar mektepti tañdauğa kelgende ünemi qinaladı (ministrdiñ bes balası bar): mısalı balanı qay tilde oqıtatın mektepke bergen dwrıs. Onıñ aytuınşa, ata-analar mektepti tañdağan kezde belgili bir mälimetterge, sandarğa jäne trend degen wğımdarğa süyenui kerek. Sonımen qatar, ministr bilim beru jüyesi turalı öz közqarastarın bölisti.

Ministr mälimdemesinde öziniñ 7 jasqa deyin auılda ösip, tek qazaq tilinde söylep, 7 jasınan 21 jasına deyin orıs tildi ortada öskendigin aytıp ötti. Al keyin 8 jıl boyı AQŞ-ta ağılşın tilin üyrengendigin ayttı.
Sağadiev mädeni tärbie men bilim berudiñ maqsattarı men mindetterin ajırata biludiñ qajettiligin ayttı. Bilim ministri ädebiettiñ köbi tek ağılşın tilinde şığarılatındığın eske saldı. Sonımen birge, ol statistikalıq mälimetter boyınşa, ağılşın tilinde jıl sayın 500 mıñnan asa kitaptıñ basılıp şığatının eske saldı.

“Qazaqstandağı bilim reforması turalı aytatın bolsaq, bizge mekteptiñ bir ülgisi kerek. Qazirgi mektepter siyaqtı emes. Bwl mektepte barlıq tehnikalıq mamandıqtar ağılşın tilinde, Qazaqstan tarihı men mädenieti qazaq tilinde, TMD elderiniñ tarihı men mädenieti orıs tilinde oqıtıladı. Üş tilde oqıtu mindetteledi. Balalarımız da qattı qinalmaydı. Alğa jılju bar. (…) Elbası üş tilde bilim beru jüyesi turalı jariyaladı, barlıq mektepti mindetti türde osı jüyege auıstıruğa nwsqau berdi. YAğni, sayasi şeşim qabıldanıp qoydı. Endi osı jüyeni tek jıldam iske asıru qajet. Meni dwrıs tüsiniñizder. Men anam aytqanday, amerikalıq mädeniettiñ nemese ağılşın tiliniñ tabınuşısı emespin. Iä, ol mağan wnaydı. Biraq bizdiñ balalarğa osınday kitaptardı aluğa mümkindik kerek, äytpese biz jeñilip qalamız”, – dedi ministr.

“Bizge bolaşaqta mädenietimizdi özgertetin trendterdi tüsinu üşin ğılım qajet. (…) Biz ata-ana retinde bilim berudiñ barlıq maqsatı men tapsırmasın ajırata biluimiz kerek. Eger osını bilsek, mäsele özdiginen şeşilip, balanı qay tilde oqıtu kerektigi jaylı mäselege nükte qoyıladı”, – dedi ol.

https://youtu.be/kgH8Qs0QvAM

Sağadiev Qazaq wlttıq universitetin bitirgen. AQŞ-tıñ Minnesota ştatındağı oqu ornın bitirip, magistr atağın alğan. Ol Halıqaralıq IT universiteti men Halıqaralıq Biznes universitetiniñ negizin qalağandardıñ biri. Onıñ äkesi – Kenjeğali Sağadiev belgili ekonomist, qoğam qayratkeri.

© primeminister.kz

Jaña lauazımğa tağayındalğan ministrdi wjımğa prem'er-ministr Kärim Mäsimov tanıstırdı.
Degenmen, Bilim jäne ğılım ministrliginiñ baspasöz qızmetinde bwrınğı bilim ministr Aslan Särinjipovtiñ qanday lauazımğa tağayındalğanı turalı aqparat berilmegen.

tengrinews.kz