Nazarbaev tağı bir aqtöbelikke üy sıyladı. Ata-anasınıñ qiın jağdayın jazğan aqtöbelik oquşı bir japıraq qağazın prezidenttiñ qolına wstattı dep habarlaydı NUR.KZ tilşisi.

Elbası Aqtöbege saparında Nazarbaev atındağı ziyatkerlik mektep oquşılarımen kezdesti. Mekteptiñ tehnikalıq bazasımen tanısqan prezident oquşılarmen äñgimelesip ketudi wmıtqan joq. Prezidentti qarsı alıp, mekteptegi jağdaydı aytıp twrğan oquşı jeke basına qatıstı äñgimeni «Qaltamda bir japıraq qağaz bar edi» dep bastadı. «Äkel onda bir japıraq qağazıñdı» degen Nwrswltan Nazarbaev qobaljığan oquşığa senimdilik berip, hatın aldı.

Ol qolına wstağan hattı «Mınanı qazir oqiın ba, älde keyin oqiın ba?» dep swrap, oquşığa qarağan bolatın.

«Öziñiz qalağan uaqıtta oqırsız» degen oquşı sözinen keyin elbası hattı bir şolıp şıqtı.

Qısqaşa dialog kezinde elbası «Üyiñ qayda ornalasqan?» dep balanıñ jağdayın da swradı.

«Äke şeşem Qarabwtaq auılında twradı. Üyde kämelettik jasqa tolmağan tört bala bar. Üydegiler bizdi oqıtu üşin qalağa köşip keledi» degen balanıñ tilegi jerde qalğan joq.

Qolına hattı wstap twrğan küyi Nwrswltan Äbişwlı «mınanı äkimge tapsıramın, bwl üy sağan emes, seniñ ata anaña boladı» dep ketti.

Aqtöbelikterdiñ Nazarbaevtıñ aldınan şığıp, üy swrauı bwl birinşi ret emes. Osıdan on jıl bwrın Aqtöbege prezident kelgen kezde qanşama küzettiñ arasınan sıtılıp şıqqan kişkentay qız köpti tañ qaldırğanı esimizde. Onda büldirşin anasınıñ elbası atına jazğan hatın qolına qısıp jügirgen bolatın.

Kişkentay qız jügirgen boyımen hatın prezidenttiñ qolına wstattı. Sol kezde hattı kömekşilerine bergen Nwrswltan Äbişwlı kişkentay büldirşinniñ nietin, ananıñ tilegin orındadı.

Elbası saparınan keyin Şolpan esimdi qızdıñ otbası baspanalı bolğanı habarlanğan bolatın.

Bwl jolı tağı bir aqtöbelik jüregi daualap, prezident qolına hat wstattı. Ülken qonaq bala köñilin qaqqan joq. Naq şeşimin aytıp, uädesin berip ketti.