“Birinşiden, äleumettik jeli degen öziñniñ moynıñdı kendir jippen baylap, bireudiñ qolına wstatıp qoyumen birdey. Men tipti üydegi adamdarğa aytpaymın, qayda jürip, qayda ketip bara jatqanımdı. Qazir bireuden swrasañ, anau ana jerde tamaq işip otır, anau büytip otır, süytip otır deydi. Demek, bwl bireudiñ nazarında bolu, Alladan basqa”, – dep kesip ayttı Zayıtov.

“Keyin bwl adam balasına qajet emes “meniñ bälenbay tıñdarmanım bar”, “meniñ bälenbay dosım bar”, “meni bälenbay adam oqidı eken” degen qaydağı joq, eşqanday mäni, mağınası joq bir jaqqa adamdardı jetelep jatır”, – dep küyinedi aqın.

Rinat Zayıtov äleumettik jelidegi tanımaldılıq adamdardı eriksiz ersi ädepterge jeteleytinin de alğa tarttı.

“Soğan jetu üşin adamdar jalañaştanadı, şeşinedi, bireu ölip jatsa suretke tüsiredi. Qoğam bwzıldı degen osı. Bizde bireu qwlap jatsa, qol berudiñ ornına, telefonğa barıp tüsiredi. Sebebi onıñ maqsatı: ana adamdar neğwrlım köp layk bassa boldı. Qız ben jigit otıradı kafede, bir-birimen söylespeydi, telefon şwqılaydı”, – dep bügingi zamannıñ şındığın bükpesiz ayttı.

Aytıskerdiñ pikirinşe, bwl qwbılıs – qarapayım adamdardı aralasuınan ajıratu, bauırmaldılıqtı suıtudıñ birden-bir belgisi. Bir-birine degen janaşırlıqtı joyudıñ bastaması. Eñ bolmasa adamnıñ ıntasın basqa jaqqa bwru.

Alayda, aqınnıñ jan jarı Zülfiya Zayıtova Instagram jelisinde jañalıqtarımen bölisip otırudı jat sanamaytın körinedi. Joldasınıñ suretterin de ärkez jükteudi wmıt qaldırmaydı.