Erteñ, yağni 7 qırküyekte sağ 15.00-de Astanadağı QR Wlttıq akademiyalıq kitaphanasında Qazaqstan Respublikasınıñ eñbek siñirgen ğılım qayratkeri, Halıqaralıq joğarı mektepter ğılım akademiyasınıñ qwrmetti akademigi, Qazaqstan Jazuşılar Odağınıñ Säken Seyfullin atındağı sıylığınıñ laureatı, «Parasat» ordeniniñ iegeri, filologiya ğılımdarınıñ doktorı, professor Twrsınbek Käkişevtiñ jeke kitaphanası «Ğalım» zalı aşıladı. Zaldıñ aşıluı ayasında «Mağjan-Säken»kitabınıñ twsauı kesiledi.

İs-şarağa QR Mädeniet jäne sport ministri Arıstanbek Mwhamediwlı, QR Parlamenti Senatı men Mäjilisiniñ deputattarı, elimizdiñ ziyalı qauım ökilderi qatısadı dep josparlanıp otır.

2015 jılı ömirden ötken ğalımnıñ jeke kitaphanasında gumanitarlıq ğılımdar boyınşa bes mıñğa juıq kitap, sonday-aq belgili jazuşılar Säken Seyfullin, Säbit Mwqanovtardıñ ömiri men qızmetine qatıstı qwndı mwrağattıq qwjattar bar. Ğalımnıñ qoljazbaları, mwrağattıq qwjattarı men basqa da materialdarınan qwralğan 83 papka qwjat kitaphanağa sıyğa berilmek.

Ğalım ädebi sın men qazaq ädebieti tarihındağı özekti mäselelerdi zertteuge zor üles qostı. «Qazaq ädebietiniñ tarihı» köptomdığın qwrastıruğa da atsalıstı. «Önegeli adamdar ömiri» seriyası boyınşa jarıq körgen «Säken Seyfullin» kitabınıñ avtorı.

Twrsınbek Käkişevtiñ jeke kitaphanasın ğalımnıñ jwbayı, filologiya ğılımdarınıñ doktorı, professor Küläş Sadıqqızı Ahmet QR Wlttıq akademiyalıq kitaphanasınıñ qorına tartu etti.

Käkişev kitaphanasın öte ülken äri qorı bay jeke kitaphanalardıñ biri dep atauğa boladı. Kitaphanadan iesiniñ öziniñ iri twlğa ekendigi – onıñ enciklopedizmi, keñ oy-örisi, ınta-jigeri, tereñ bilimdiligi körinedi. Sıyğa tartılğan tuındılar qatarında arab tilindegi sirek basılımdar jäne latın älipbiindegi qazaq balalar ädebieti, körkem ädebietter, ädebiettanu, tarih, arhitektura, öner, enciklopediyalar toptamaları, anıqtamalıqtar, otandıq jurnaldar, antikalıq avtorlardıñ kitaptarı da köptep tabıladı, sonday-aq qırğız, qıtay jäne türik tilderindegi tuındılar da kezdesedi.

Twrsınbek Käkişevtiñ kitaphanası jaña «Ğalım» zalında ornalasqan. Jaña zal aqparattıq, mädeni jäne bilim beru mindetterin atqaradı. Negizgi mindeti: paydalanuşılarğa, sol qatarda zertteuşilerge, magistranttarğa, ğalımdarğa aqparattıq-bibliografiyalıq qızmet körsetu, mädeni-köpşilik is-şaralar ötkizu.

Ğalım Twrsınbek Käkişevtiñ jeke kitaphanasınıñ tabıstaluı – QR Wlttıq akademiyalıq kitaphanasınıñ qoldanıstağı dästüriniñ jalğası, kitaphana qorın bayıta tüsudegi mañızdı qadam. Eskeretin jayt, 2015 jılı QR Wlttıq akademiyalıq kitaphanasında «Mırzatay Joldasbekovtıñ memorialdı kitap toptaması» zalı aşılğan bolatın, atalğan zalda akademik M. Joldasbekovtıñ jeke kitaphanası ornalasqan. 2016 jılı QR Memlekettik sıylığınıñ laureatı, jazuşı Äkim Tarazi kitap toptamaların kitaphanağa sıyğa bergen-di, sonday-aq QR Memlekettik sıylığınıñ laureatı, äygili jazuşı Dükenbay Dosjannıñ kitap toptamaların kitaphanağa jazuşınıñ jwbayı Säule Dosjanova tartu etken edi.

adebiportal.kz