Almatıda qalasındağı «Almatı arena» sport sarayında Qanat Islam men Patrik Alloteydiñ arasında bolğan boks sayısında Qanat Islam jeñiske jetti, – dep habarlaydı Abay-aqparat.
Almatıdağı boks keşi qazaqtardıñ jeñisimen ayaqtaldı. Qanat Islam qarsılasımen 12 raund, yağni 36 minut şayqasıp, ayqın basımdıqpen Patrik Alloteydi tize büktirdi.
Alğaşqı raundta qos boksşı birin-biri zerttep, osal twstarın bağamdap körgenmen, kezdesudiñ qalğan böligi jerlesimizdiñ basımdılığımen ötti. Birinşi nömirmen jwdırıqtasqan boksşımız Alloteydi bwrıştan-bwrışqa tıqsırıp, sät sayın öz şabuılı men joyqın soqqıların üdete tüsken. Äytkenmen ganalıq bahadür kezdesudiñ soñına deyin şıdas berip, layıqtı qarsılıq tanıta aldı.
Osılayşa, “Qazaq” bügingi jeñisiniñ arqasında WBA Fedelatin jäne WBO Intercontinental altın belbeuin ielenip otır.
Halıqqa rizaşılığın bildirgen Qanat Islam “Qara bala molodec” dep qarsılasına da alğısın ayttı.
Oñtüstik astanamızda ötken halıqaralıq boks keşinde ringke şıqqan barlıq jerlesterimiz jeñiske jetip, Alaş balasınıñ ruhın bir köterip tastadı. Alğaşqı bolıp ringke şıqqan qazaqstandıq Jwman Jwmabekov qarsılası Belarus' boksşısı Vladimir Ivanovtı alğaşqı raundta-aq nokautqa jiberdi
63 keli salmaq därejesinde öner körsetken boksşımız qarsılasın birden qıspaqqa alıp, jwdırıq astına aldı. Birinşi raundtıñ 23-inşi sekundında Jwman Jwmabekov Vladimir Ivanovtı nokautqa jiberip, jekpe-jek toqtatıldı. Boksşılar barlığı 4 raun ötkizui tiis bolatın.
Ringke ekinşi bolıp qazaqstandıq Aydar Şäribaev pen ispaniyalıq Huan Akuro şıqtı.
60 keli salmaq därejesinde qolğap tüyistirgen Aydar Şäribaev jeñilip jatıp, jekpe-jek soñına qaray esesin qaytarıp, jeñiske jetti.
Al, ringke üşinşi bolıp şıqqan qazaqstandıq Äli Ahmetov äzerbayjandıq boksşı Äli Mammedovtı birinşi raunda nokautpen jeñdi. 78 keli salmaq därejesinde qolğap tüyistirgen boksşılar 6 raund ötkizui tiis bolatın. Alayda, jekpe-jek nebäri 1 minut 44 sekundqa jalğastı.
Al, ringke törtinşi bolıp, şıqqan 99 kelidegi otandasımız Ruslan Mırsataev ganalıq Nuhu Azumidi 44 sekundtıñ işinde swlatıp tüsirse, sayıstağı altınşı qazaq Janqoş Twrarov ganalıq boksşı Isaak Arieni 10 raundtıq kezdesudiñ 4 raundında tize büktirdi.
Al, käsipqoy boksta alğaşqı qadamın jasağan Jänibek Älimhanwlı Nun'esti alğaşqı raunda tize büktirdi.
Jänibektiñ soqqılarınan eki ret tizerlep otırğan Nun'es üşinşi joyqın soqqıdan twra almadı. 1 raundtıñ 2 minutında otandasımız amerikalıqtı jeñdi.
P/S
Pikir qaldıru