Resey, Iran jäne Türkiyanıñ resmi ökilderi Astanada ayaqtalğan Siriya beybit kelissöziniñ qorıtındısı boyınşa Siriyadağı älsiz bitimge baqılau jasau mehanizmin qwruğa kelisti. Biraq olar Siriyadağı altı jılğa sozılğan soğıstı sayasi jolmen toqtatu bağıtında ilgeri qadam jasay almadı.

Eki kündik kelissözdiñ qorıtındısı boyınşa jasalğan birlesken mälimdemede Iran, Resey jäne Türkiya 30 jeltoqsanda jariyalanğan “qaqtığıstı toqtatu rejiminiñ saqtaluı men kez-kelgen arandatudıñ aldın aludı” birlese baqılaytını jäne bitimniñ tehnikalıq mäselelerin anıqtaytını aytılğan.

Bwl qorıtındı mälimdemege kelissözge qatısqan Siriya oppoziciyasınıñ köñili tolmadı. Oppoziciya ökilderi qaqtığıstı toqtatu rejimin bwzuğa baqılau jasaudıñ öz josparın wsındı. Siriya oppoziciyası delegaciyasınıñ basşısı Mohammed Alluş oppoziciyanıñ kelissözdiñ qorıtındısı turalı ortaq mälimdemege qatıstı bastı eskertpeleriniñ biri qwjattağı “retteu” söziniñ qoldanıluı ekenin mälimdedi.

“Biz mwnda retteu üşin kelgen joqpız. Biz dağdarıstı bilikti almastıruğa alıp keletindey etip sayasi şeşetin kelissöz jürgizuge keldik. Bwl şeşim alğaşqı kezeñ, yağni qaqtığıstı toqtatu arqılı iske asadı” dedi Alluş. Ol sonımen birge oppoziciya “territoriyalarda qaqtığıstı toqtatu rejimi naqtı ornatılmayınşa” dağdarıstı sayasi jolmen şeşu mehanizmderin talqılamaytının jetkizdi.

Alluştıñ sözinşe, qaqtığıs rasımen toqtağan soñ “gumanitarlıq şaralar qabıldanuı tiis”, oppoziciya sodan keyin ğana dağdarıstı ıqtimal sayasi jolmen şeşuge kirisedi. Ol bwğan qosa bitimdi baqılaudıñ balamalı mehanizmderi “bitimniñ qanşalıqtı bwzılğanın, onıñ auqımı men kim bwzğanın” anıqtauğa kömektesedi. Alluştıñ aytuınşa, bwl turalı qwjat Astanada kelissözge qatısqan Resey, Türkiya jäne BWW ökilderine berilgen.

Al Siriya oppoziciyası delegaciyasınıñ ökili, “Siriya erikti armiyasınıñ” da ökili sanalatın Osama Abu Zeyd oppoziciyanı jasaqtarı bitimge monitoring jasau mehanizmi jönindegi kelisimge qospağanın aytadı. “Bwl – Türkiya, Resey jäne Iran arasındağı kelisim. Olar egemen memleketter jäne özderi qalağan kez-kelgen kelisim jasay aladı. Qorıtındı mälimdeme qabıldanatın kezde biz biraz eskertpemiz barın ayttıq. Bwğan qosa, Iran “kepil beruşi memleket” dep körsetilipti” dedi Osama Abu Zeyd.

Damask ökilderi Türkiyamen memlekettik deñgeyde kelissöz jürgizuge nemese türkiyalıq resmi adamdar qol qoyğan qanday da bir kelisimge qol qoyuğa nietti emesin mälimdedi. Türkiya bwğan deyin dağdarıstı şeşu üşin Siriya prezidenti Başar Asadtı bilikten ketuge aşıq şaqırğan.

Astanadağı kelissözge bastamaşı bolğan Resey, Türkiya jäne Iran ekstremistik “Islam memleketi” (IM) wyımına jäne “”Jabhat Fateh äl-Şam” tobına qarsı küresti jalğastıra beru jäne olarğa özge qarulı oppoziciyaşıl toptardan bölekşe qarau nieti barın rastadı.

Resey, Türkiya jäne Iran Siriya oppoziciyasınıñ kelissözdiñ 8 aqpanda Jenevada josparlanğan kelesi kezeñine qatısqanın qoldaytının mälimdedi.

Azat Europa / Azattıq radiosı