Әр ғасырдың белгілі тұлғалары болады. Ол адам қанын суша ағызған жендет пе, әлде ғажайып дарынымен әлемге танылған өнер адамы ма, мәселе онда емес. Бастысы, артында ертегіге бергісіз аңыздың қалғанында. Соның бірі Адольф Гитлер.

Бүгінгі күнге дейін құпиясы ашылмаған дүние ол – Екінші дүниежүзілік соғысты ашқан, «бүкіл әлемді табаныма салып таптасам» деп армандаған, қанды қырғында 50 миллионға тарта адамның опат болуына себепші болған Адольф Гитлердің мүрдесі.

1945 жылы Кеңес әскері неміс жерінің басым бөлігін жаулап алып, бас қала Берлинді қоршауға алған тұста, масқара болып қолға түспес үшін Гитлер өзін-өзі өлтіруге бел-буғаны белгілі.

Әйелі Ева Браунмен қатар сүйікті итін қоса өлтірткен. Орыс әскері оның жасырынған бункерінің маңынан өртенген қос мүрдені тапқан. Және оның Гитлер екеніне де шүбә келтірмеген.

Мүрде жер қойнына берілгенімен, арада көп уақыт өтпестен Сталин Гитлердің өлген-өлмегеніне көз жеткізу мақсатымен, қаңқаны қаздырып алып, арнайы орындарға тексеруге берген. Арада ондаған жыл өкен соң, яғни 1970 жылы КГБ-ның қызметкерлері қаңқаны өртеп, күлін Эльба өзеніне шашып жіберген көрінеді.

Алайда

2009 жылы Гитлердің арнаулы жерде сақталған бас сүйегінің бір бөлігіне қайтадан сараптама жасалғанда, жұрт таңқалысты. Жағасын ұстады.

Гитлер деп келген бас — жасы қырықтарға келіп қалған белгісіз бір әйел адамның сүйегі болып шыққан.

Осының өзі-ақ, тағы бір құпияға жетелейтін сынды.

Өйткені 1970 жылы Гитлердің қаңқасы деп өртеп, күлін өзенге шашып жіберген КГБ бункер түбінен табылған мүрденің Гитлер емес екенін біліп, әдейі сондай әрекетке барды ма, екен?

Белгісіз. Жұмбақ.

Гитлер сол 1945 жылы 30 сәуір күні өлді ме, жоқ па? Бұл да көп құпия.

Өйткені

кейбір нақтылығы бұлтартпас деректер Гитлердің Аргентинада 1972 жылға дейін рахатта өмір сүргені жөнінде сыр шертеді.

kaz.365info.kz