|  |  | 

Жаһан жаңалықтары Саясат

Мобилизациядан не пайда? Путиннің дөң-айбаты не береді? Сарапшылар пікірі


Украина жауынгерлері осыдан біраз уақыт бұрын өздері басқыншылардан азат еткен, Ресеймен шекараға жақын орналасқан Казачья Лопань ауылында. Харьков облысы, Украина, 16 қыркүйек 2022 жыл.

Украина жауынгерлері осыдан біраз уақыт бұрын өздері басқыншылардан азат еткен, Ресеймен шекараға жақын орналасқан Казачья Лопань ауылында. Харьков облысы, Украина, 16 қыркүйек 2022 жыл.

23-27 қыркүйекте Украинаның Донецк және Луганск өңірлеріндегі “халық республикалары” бақылауындағы, Херсон мен Запорожье облыстарының Ресей басып алған жерлерін Ресейге қосу жайлы “референдум” өтпек. Бұл шара Украина әскерінің қарсы шабуылы мен Ресейдің “ішінара мобилизация” жариялауымен тұспа-тұс келді.

“РЕФЕРЕНДУМ” НЕНІ КӨЗДЕЙДІ?

Ресей президенті Владимир Путин 21 қыркүйектегі мәлімдемесінде Мәскеу “референдумның қауіпсіз өтуі үшін бәрін істейтінін” айтып, Украинадағы соғыстың басты мақсаты – Донбассты азат ету деді. Киев болса Кремльдің бұл жоспарына жауап ретінде, Украина оккупацияланған жерін азат етуді жалғастыра беретінін, егер “референдум” өтетін болса Мәскеумен қандай да бір келіссөзден бас тартатынын мәлімдеді.

Ресей армиясымен келісімшартқа отырып, әскери қызмет атқаруға үгіттейтін жарнаманың қасынан өтіп бара жатқан адам. Санкт-Петербург, 20 қыркүйек 2022 жыл.

Ресей армиясымен келісімшартқа отырып, әскери қызмет атқаруға үгіттейтін жарнаманың қасынан өтіп бара жатқан адам. Санкт-Петербург, 20 қыркүйек 2022 жыл.

“Украинаның оккупацияланған жерінде псевдореферендум өткізу Кремльдің Киевпен және Батыспен келіссөздер өткізуін қиындатады. Мұның майдандағы қазіргі жағдайды қайтсем сақтап қалам деген тырысу амалы екені сөзсіз, себебі Ресей күшпен, әскери жолмен жаңа аймақтарды басып алу мүмкіндігінен айырылды деп ойлаймын” деді Украина болашақ институтының сарапшысы Игорь Попов Азаттықтың Орыс қызметіне.

Поповтың сөзінше, Мәскеу референдум жариялай отырып эскалацияға барып, басып алған жерлерді Ресей құрамына қосу үшін тезірек шешім қабылдауға дайын екенін көрсетіп отыр.

“Бірақ шекараның қалай анықталатыны белгісіз қалып отыр. Донецк, Луганск, Запорожье мен Херсон облыстарының Украина бақылауындағы жері де ескеріле ме, әлде ескерілмей ме?” дейді ол.

Ал украин әскери сарапшысы Сергей Грабский Украинаның төрт облысындағы “референдумдар” Украина армиясының қарсы шабуылын тоқтата алмайтынын айтады.

Украин әскери сарапшысы Сергей Грабский.

Украин әскери сарапшысы Сергей Грабский.

“Бұл “референдумдардың” еш мәні жоқ, себебі Ресей әскері бұл аудандарды толық бақыламайды. Әрине, қаласа, сондай іс-шара өткізе алады, бірақ Украина мен оның армиясы үшін ештеңе өзгермейді. Псевдореферендумнан кейін Мәскеу басып алған жерлерді Ресейге тиесілі деп жариялап, Киевтің реакциясына қоқан-лоқы көрсетеді десек, онда біз Мәскеу белгілеген “қызыл сызықтан” баяғыда өтіп кетіп, Қырымдағы әскери нысандарды шабуылдадық. Ресейдің реакциясы қандай болды? Ешқандай. Ал Қырым Ресей үшін Донбасс немесе Херсонға қарағанда маңыздырақ қой” деді ол.

Ал саясаттанушы Олеся Яхно Мәскеудің “референдум” арқылы саяси нәтижеге қол жеткізуді көздеп отырғанын айтады.

“Мысалы, Украинаның басып алынған жерінің қайтарылуын қиындату. Бірақ Кремль оны жүзеге асыра алмайды. Псевдореферендум өткізбек болып отырған жерлерде 2014-2015 жылдары Ресейге іштарта қарайтын азаматтар бар еді, ал Ресей Украинаға басқыншылық жасағаннан кейін ондай иллюзия жоқ” деді Яхно.

Ресей президенті Путин ішінара мобилизация жариялаған cәт. 21 қыркүйек 2022 жыл.

ОҚИ ОТЫРЫҢЫЗ

Ресей ішінара мобилизацияда 300 мың адамды әскерге шақырмақ. Путин Батысты ядролық қарумен қорқытты

ЯДРОЛЫҚ СОҒЫС БОЛА МА?

Кремль “ішінара мобилизация” жариялай отырып, шабуыл мүмкіндіктерін арттырғысы келеді. Бірақ соғысқа қатысуға ықылас танытпаған азаматтарды мобилизациялау Ресейді көздеген мақсатына жеткізе қояры екіталай, сондықтан Кремльдің жалғыз амалы – ядролық қару қолданамын деп доқ көрсету болып отыр дейді сарапшылар.

Ресейдің әскери доктринасында ел еумағына шабуыл жасалған және мемлекетке қауіп төнген жағдайда ядролық және басқа да жойқын қару қолдануға болатыны жазылған.

Украина болашақ институтының сарапшысы Игорь Попов.

Украина болашақ институтының сарапшысы Игорь Попов.

“[Украина армиясының] Мәскеу Ресей құрамына қосқалы отырған Херсонға шабуылын ядролық қару қолдануға сылтау қылуға болмас. Бірақ Украинаға қарсы мұндай қаруды қолдану мүмкіндігінің өзі халықаралық аренадағы реакцияны айтарлықтай өзгертіп, Ресей соғыс ашқалы бейтарап болып келген Қытай, Үндістан секілді басқа да елдерге әсер етеді” дейді Игорь Попов.

АҚШ президенті Джо Байден CBS телеарнасына берген сұхбатында Путинге химиялық немесе тактикалық ядролық қару қолданбауын ескертті. Бірақ ол “Ресей ондай қадамға барса, АҚШ қалай жауап береді?” деген сұраққа ештеңе айтқан жоқ. Ал америкалық дипломат Курт Уолкер Ресей Украинаға қарсы ядролық қару қолданса, Батыс оған тікелей әскери жауап қайтарады деп топшылайды.

“Кремльдің ондай қадамына Батыс пен НАТО-ның жауабы қатаң болады. Батыс лидерлерінің тұспалдап айтқан сөзіне сенсек, [Ресейдің] Украинада ядролық қару қолдануы НАТО-ға мүше елдердің радиоактивті заттармен ластануына алып келеді. Бұл Солтүстік-атлантикалық одаққа шабуыл ретінде қабылданады. Яғни, Батыстың Ресейге шабуыл жасауына қолбайлау болмайды” деді Игорь Попов. Ол Ресей ядролық қару қолданған жағдайда Батыс алдымен ядролық қарумен емес, зымыран шабуылымен қарсы шығатын болар деген болжам айтады.

“Батыс саясаткерлерінің мәлімдемелеріне қарасақ, Ресей басшылығына Украинаға қарсы ядролық қару қолданған жағдайда Батыстың бірден жауап қайтаратыны ескертілген” дейді ол.

“ІШІНАРА МОБИЛИЗАЦИЯ” СОҒЫСҚА ҚАЛАЙ ӘСЕР ЕТЕДІ?

Украинаның әскери сарапшысы Сергей Грабский Ресейдің әскери күші сарқылды деуге әлі ерте деп есептейді.

“Ішінара мобилизацияны есепке алмаған күннің өзінде, Ресейдің соғысқа еріктілер жасағын, сотталған адамдарды жіберіп жатқанын, аймақтық батальондар құрылғанын көріп отырмыз. Мұның бәрі жеңіл жаяу әскер саналады. Ресейдің ресурсы сарқылды деген қате пікір айтылып жүр. Өкінішке қарай, олай емес. Украина әскерінің қалай әрекет еткеніне қарасақ, сәуірдің екінші жартысында Ресей әскерінің шабуылын тоқтату үшін осындай жеңіл жаяу әскермен Донбасста уақыт ұттық. Қазір Ресей тарапы шамамен сондай алгоритммен әрекет етіп жатыр” деді Грабский.

Осылайша Ресей армиясы Украина әскерінің қозғалысын тоқтатуға тырысып, сол уақытта қарумен және әскери техникамен қамтылған әскери бөлімдер құрады дейді сарапшы.

Ресей президенті Владимир Путин (сол жақта) мен Ресей қорғаныс министрі Сергей Шойгудың суреттерінен коллаж.

Ресей президенті Владимир Путин (сол жақта) мен Ресей қорғаныс министрі Сергей Шойгудың суреттерінен коллаж.

Путин “ішінара мобилизация” жариялаған кезде Ресей қорғаныс министрі Сергей Шойгу әскерге 300 мың адам шақырылатынын мәлімдеген. “Пента” саяси зерттеулер орталығының директоры, саясаттанушы Владимир Фесенко Путин Еуропаға сес көрсетіп отыр дейді.

“Ол бұл қадам Батыстың Киевті келіссөздерге көндіруіне әкелуі мүмкін деп ойлайды. Бірақ ақыр соңында Кремль Путинді қолдағанына қарамастан, Украинадағы соғысқа барғысы келмейтін азаматтарды қорқытады” дейді Фесенко.

azattyq.org

Азат Еуропа / Азаттық радиосы

Related Articles

  • Соғысқа “Леопард” араласпақ. Немістің бұл танкісі несімен мықты?

    The Associated Press Reuters агенттігі Немістің “Леопард 2″ (Leopard 2) танкісі. Германия билігі Украинаға “Леопард 2″ (Leopard 2) танкісін беруге және басқа елдерге де бұл танкіні Украинаға жеткізуге рұқсат берді. Бұл танкіні Украина билігі Германиядан бұрыннан сұрап келген еді.Бірақ Берлин “Леопард” танкісін Киевке ұзақ уақыт бергісі келмеді. Украина қызыққан бұл танк қаншалықты мықты? Түсіндіреміз.  “ЛЕОПАРД 2″ ДЕГЕН ҚАНДАЙ ТАНК?  “Леопард 2″ танкісін Германияның Krauss-Maffei Wegmann компаниясы жасаған. Компания “Леопардты” ату қабілеті, қорғанысы, жылдамдығы, айласы жағынан “әлемдегі ең мықты танк” деп сипаттайды әрі кез келген жағдайдағы шайқасқа жарайды дейді. 55 тонна танкіге төрт адам сыяды, ең жоғарғы жылдамдығы – 68 км/сағат. Бұл танкінің алғашқы нұсқасы 1979 жылы жасалған. Содан бері Германия 3500-ден

  • WP: ЦРУ басшысы Киевке жасырын келіп, Ресей жоспары туралы айтқан

    Уильям Бернс АҚШ орталық барлау басқармасының (ЦРУ) басшысы Уильям Бернс өткен аптада Киевке жасырын келіп, Украина президенті Владимир Зеленский және украин барлау қызметінің басшыларымен кездескен. Бұл жөнінде дереккөзге сүйенген The Washington Post басылымы жазды. Басылым дереккөзінің айтуынша, Бернс Зеленскийге Ресейдің Украинада жоспарлап отырған әрекеттері туралы хабар берген. Америка барлаушылары мен батыс сарапшылары Мәскеу украин армиясының оқ-дәрі таусылып бара жатқанын пайдаланып, алдағы уақытта жаңа шабуыл дайындап отырғанын жоққа шығармайды. Дерекөздің айтуынша, Зеленский АҚШ Конгресінің өкілдер палатасында бақылау демократтардан республикалықтарға көшкеннен кейін Украина АҚШ пен Батыс елдеріне қаншалықты арқа сүйей алады деген сұрақтың жауабын білгісі келген. Басылымның жазуынша, Бернс көмек алу сәл қиындай түсетінін растаған. WP жазуынша, дегенмен Зеленский мен көмекшілері кездесуден Байден әкімшілігінің

  • NYT: АҚШ Украинаға Қырымға соққы жасау бойынша көмек беруді қарастырып жатыр

    Қырым көпірі.  “Украина әскерінің Ресей аннексиялап алған Қырымға соққы жасау мүмкіндігі болуы тиіс, бұл Киевке болашақ келіссөздерде қоятын шарттарының салмағын арттыруға жағдай жасайды. АҚШ президенті Джо Байден әкімшілігінің пікірі осы жаққа қарай ойысып барады” деп жазды New York Times (NYT) басылымы. Газеттің жазуынша, Ресей басқыншылығы басталғалы бері әкімшілік өкілдері қақтығыс ушығып кетпес үшін Киевке түбекке соққы жасайтын қару беруден бас тартқан. Енді басылымның мәліметінше, Байден әкімшілігі украин шенеуніктерімен мәселені талқылағаннан кейін Киевке мұндай қару-жарақ керек екеніне көзі жете бастаған тәрізді. Басылымның жазуынша, Америка шенеуніктері мен сарапшыларының Ресей ядролық қару қолданады деген күдігі де сейіле бастаған. Дегенмен мұндай қатер әлі жойылмаған. Бірақ мәселе Украинаға алысқа ұшатын ракеталарды беру жөнінде болып отырған

  • Америка генералы Бен Ходжес: Ресей Ираннан дрон алады, ал Украинаға 50 ел көмектесіп жатыр

    Важа ТАВБЕРИДЗЕ Ресей ракетасы түскен Днепрдегі көпқабатты тұрғын үй. 14 қаңтар 2023 жыл. АҚШ армиясының отставкадағы генералы Бен Ходжес Азаттыққа берген сұхбатында Ресей әскерінің жүйесіз қимылдап жатқанын атап өтіп, Батыстың жаңа қару-жарағы Украинаға соғысты қалай өзгертуге мүмкіндік беретінін айтты. Отставкадағы генерал Бен Ходжес 2014-2017 жылдары АҚШ-тың Еуропадағы құрлық әскерін басқарған. Қазір Вашингтондағы Еуропа саясатын талдау орталығының стратегиялық зерттеулер кафедрасына жетекшілік етеді. Генерал Азаттықтың Грузин қызметіне сұхбатында Украинаға жаңа әскери техника жеткізу соғыс барысын өзгертуге қалай көмектесетінін айтып, Ресей операциясында жүйе жоғын түсіндірді. Азаттық: Украинаның Бахмут және Соледар қалалары “Вагнер” жалдамалы әскерінің үздіксіз шабуылына ұшырап отыр. Елдің шығысындағы Бахмутты алу неге сонша маңызды? «Вагнер» тобының басшысы Евгений Пригожин Бахмутта қандай нәтижеге

  • Бүгін дипломатиялық марафонымыздың жаңа кезеңі.

    Бүгін дипломатиялық марафонымыздың жаңа кезеңі. Еуропа мемлекеттерінің басшыларына соғыс алаңындағы жағдай туралы айттым: Донецк облысындағы қиын жағдай туралы, Ресейдің үнемі шабуылдары туралы және Ресейдің өз халқымен санаспайтыны, жергілікті тұрғындарды аямайтыны туралы және ешқандай қылмыстық әрекет алдында тоқтамайды. Бұған рұқсат етіледі – және керек! – Украинаны серіктестерден ала алатын заманауи әскери техниканың жаңа деңгейіне ғана қарсы шығыңыз. Бізге көмектесетін барлық көшбасшыларға алғыс айтамын, қазір жаңа қуатты шешімдердің, жаңа қуатты қолдаудың уақыты екенін түсінгендері үшін. Еркін әлемде Ресейдің агрессиясын тоқтату және террористік мемлекетті тарихи жеңіліске апару үшін барлық нәрсе бар. Және бұл тек біз үшін ғана емес маңызды. Бұл жаһандық демократия үшін – бостандықты бағалайтындардың барлығына өте маңызды. Ресей агрессиясының жеңілуі безальтернативно

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: