|  | 

Жаһан жаңалықтары

Украин әскері Херсонға кірді. Тұрғындар оларды жылы қарсы алды


Херсон түбіндегі Снигиревкадағы украин әскері.

Херсон түбіндегі Снигиревкадағы украин әскері. 

Жұма, 11 қарашада украин армиясы орыс әскері шығып кеткен облыс орталығы Херсон қаласына кірді. Ресми түрде қаланың азат етілгені хабарланған жоқ. Алайда әлеуметтік желіде жарияланған суреттер мен видеолардан қала көшелерінде украин әскерінің жүргені көрінеді.

Херсонның жүздеген тұрғыны украин әскерін қарсы алу үшін украин жалауларын ұстап, көшеге шықты. Орталық алаңда Украина туы көтерілді.

Қалада қандай да бір шайқастың жүріп жатқаны жөнінде ақпарат жоқ. Ресей қорғаныс министрлігі осыған дейін орыс әскері Херсон орналасқан Днепрдің оң жағалауынан шығарылды деп мәлімдеген.

Ресей әскерінің шегінетіні жөнінде генерал Сергей Суровикин сәрсенбі, 9 қарашада хабарлаған. Әскерді әкетуге осылайша екі тәулікке жуық уақыт кеткен. Шегінген Ресей әскері Днепр арқылы өтетін көпірді жарып кеткен.

Бұған қоса, украин әскерінің Херсон облысында Днепрдің оң жағалауындағы өзге елді мекендерді соғыссыз алып жатқаны да хабарланды. Арасында Чернобаевка да бар. Жергілікті тұрғындар “Ресей мұнда мәңгілік” деген жазуы бар плакаттарды алып жатыр.

  • Ресей әскері Херсон мен Херсон облысының басым бөлігін соғыстың алғашқы күндері басып алған. Қыркүйекте облысты Ресейге қосу туралы псевдореферендум өтті. БҰҰ елдерінің басым бөлігі және Украина референдум мен аннексияны мойындаған жоқ. Бұдан соң украин әскері облыстың солтүстігінде контршабуылға көшті. Кейін Ресей әскері Херсоннан әкетті. Шегінердің алдында қаладан советтік ескерткіштер, князь Григорий Потемкиннің күлі, бірқатар музей экспонаттары әкетілген. Орыс солдаттары кетер кезде телемұнараны жарып кеткен. Кремльдің баспасөз хатшысы Дмитрий Песков жұма күні Ресей Херсон облысын әлі өз аумағы деп есептейді деп мәлімдеді.

Азат Еуропа / Азаттық радиосы

Сәтсіздікті мойындау ма, әлде қулық па? Ресейдің Херсоннан шегінуі нені білдіреді?


Мәскеу әскері Херсонды наурызда басып алған. Енді оны тастап кетіп жатқан сыңайлы.

Мәскеу әскері Херсонды наурызда басып алған. Енді оны тастап кетіп жатқан сыңайлы.

Ресей Днепрдің батыс жағалауынан әскерін әкететінін айтты. Бұл – Украинаның тактикалық жеңісі, Мәскеудің тағы бір сәтсіздігі деп қабылданды. Бірақ сарапшылар Ресейдің неліктен мұндай қадамға барғаны түсініксіз дейді.

Украина әскері Харкьов облысындағы қарымта шабуылын бастамай тұрып-ақ Херсон облысында Ресей әскеріне жойқын соққы берген. Оған Батыс қаруы зор үлес қосты.

Қазанның ортасынан бері украин күштері Днепр өзенінің батыс жағалауына біртіндеп жақындап келеді. Мақсаты – стратегиялық және символикалық мәні мықты портты қала Херсонды азат ету. Ал Ресейдің үздік әскери бөлімдері украиндардың екпінін тежеу үшін барын салды. Бірақ 9 қарашада Ресей қолбасшылары Днепрдің батыс жағалауында тұрған орыс әскерін сол жағалауға шегіндіретінін мәлім етті. АҚШ генералының дерегінше, Ресей батыс жағалауда 30 мың жуық әскер ұстап отырған. Егер орыс әскери басшыларының айтқаны рас болса, Мәскеу Херсон қаласынан айырылмақ. Бұл қала ақпанда басталған басқыншылық соғыс кезінде Ресей басып ала алған жалғыз облыс орталығы еді.

Сол күні-ақ украин күштерінің Снигиревка қаласында ту көтергені мәлім болды. Херсоннан батысқа қарай 60 шақырым жерде орналасқан Снигиревка портты қалаға апарар күре жолдың бойында тұр.

“Бұл – Ресей үшін үлкен саяси сәтсіздік. Олар бұл облысты 6-7 апта бұрын құрамына қосып алған еді. Оның мәңгі Ресейге тиесілі екені айтылғанын білеміз, енді ол беріліп жатыр” дейді қорғанысты зерттеу жөніндегі стокгольмдік агенттіктің әскери сарапшысы Йохан Норберг.

“Бұл [шегіну] ұзақ мерзімде әскер үшін оң болуы ықтимал, бірақ Ресейдің [шегінуге] саяси ықтияры жоқ, себебі бұл сәтсіздік саналады. Алты-жеті апта бұрын ғана қол жеткізген [жер] уысыңыздан шықса, оны жағымды қырынан көрсету қиын” дейді ол. “Бірақ әскери мұқтаждық дегеніне жеткізген сияқты”.

Британия армиясының бұрынғы бригада генералы және бұрынғы штаб басшысы Бен Барри Ресейдің жария түрде шегінуге осыған дейін де барғанын айтады. Орыс әскері Киевке шабуылдап, оны ала алмаған соң Украинаның солтүстігінен кетіп, Донбассқа шабуылдауға жұмсалған дейді ол.

“Олар операциясы сәтсіздікке ұшыраған соң, шығынын азайту арқылы прагматизм көрсетіп отыр. Мұны осыған дейін де байқағанбыз” дейді Барри. Сарапшы қазір Лондонда халықаралық стратегиялық зерттеулер институтында жұмыс істейді.

“Әскер тілімен айтсақ, олар [Днепрдің батыс жағалауын] басын қатерге тікпей және адам шығынысыз ұстап тұра алмайтынына көз жеткізді” дейді ол.

РЕСЕЙ МҰНДАЙ ҚАДАМҒА НЕЛІКТЕН БАРУЫ МҮМКІН?

Ресей әскері Днепр өзенінің шығыс жағалауында орналасқан Херсон облысының көп бөлігін ұстап отыр. Бұл оларға Украина мен 2014 жылы Мәскеу аннексиялаған Қырымды байланыстыратын көпірді бақылауға мүмкіндік береді.

Ресейдің Днепрдің батыс жағалауындағы позициясы бірнеше апта бойы әлсіз болды.

Батыстың қару жіберуі Украинаға Ресей нысаналарын қауіпсіз қашықтан атуға мүмкіндік берді. Батыс берген қару арасында HIMARS артиллерия жүйесі, M777 гаубицасы, француздардың Caesar гаубицасы, немістердің Panzerhaubitze артиллерия жарақтары бар.

Жаздға HIMARS шабуылынан соң Антонов көпірі жарамсыз болып қалған еді. Ресейдің батыс жағалаудағы әскері қор толтыру үшін немесе орын ауыстыру үшін понтон көпірі мен паром өткелдерін пайдаланған еді. Украиндар оны да атқылады.

Украин күштері HIMARS жүйесінен атқылап жатыр. Херсон облысының солтүстігі, 5 қараша 2022 жыл.

Украин күштері HIMARS жүйесінен атқылап жатыр. Херсон облысының солтүстігі, 5 қараша 2022 жыл.

“Украиндар HIMARS көмегімен көпірлерді тас-талқан еткен соң, Ресей әскері [батыс] жағалау ұзақ тұра алмайтынын бірнеше апта бойы айтып келемін”

Украиндар көпірлерден өте алысқа кеткен соң, Ресейдің оң [батыс] жағалауда бола алмайтынын бірнеше апта бойы айтып жүрмін” дейді Польшада тұратын қорғаныс сарапшысы, Rochan Consulting компаниясының иесі Конрад Музыка. Днепр оңтүстікке қарай ағып, Қара теңізге құяды. Батыс жағалауды сол үшін де оң жағалау деп атайды.

“[Орыстарға] тезірек шегінуге тура келіп тұр, енді Днепр де ұрыс алаңына айналады” дейді ол. “Бірақ мұны саябақта серуендеу деп айтуға келмейді. Украиндарға өзеннен өту қиын болады. Орыстардың өзеннің [шығыс] жағалауында қорғаныс салып жатқанын көріп отырмыз”.

“Украиндарға шабуыл қабілетін қалпына келтіру үшін бірнеше апта қажет болады. Харьковтан кейін солай болған еді” дейді Музыка. “Бірақ олар өзенді кесіп өтіп, плацдарм орната ала ма? Мұның қалай болатынын білмеймін”.

Шегініс туралы мәлімдемеден бірнеше сағат өткен соң АҚШ қолбасшылар штабы комитетінің төрағасы Марк Милли АҚШ барлауы 20-30 мыңға жуық әскер шығарылатынын көрсетіп отыр деді.

“Олар мұны күшін сақтап қалу үшін, өзеннің оңтүстігіне қарай қорғанысты қалпына келтіру үшін істеді деп ойлаймын. Бірақ мұны әлі көре жатармыз” деді Милли. “Бұған дейін олар айтқанын істегенін көрдік”.

УКРАИНАНЫҢ КҮМӘНІ

Бұдан әрі шегіну туралы мәлімдеменің қалай айтылғаны туралы сұрақ туындайды.

Өткен айдың басында тағайындалған генерал Сергей Суровикин қорғаныс министрі Сергей Шойгумен кездесуде шегіну қажетін айтты. Кездесу телеарна арқылы көрсетілді.

Путиннің сенімді өкілі, бұрыннан келе жатқан министрлердің бірі Шойгу оның ұсынысына бірден келісті де, қойылымдай көрінген бұйрық берді. Путин бұл шарадан көріне қоймады.

Ресей қорғаныс министрі Сергей Шойгу.

Ресей қорғаныс министрі Сергей Шойгу.

“Сіздің түйіндеріңізбен және ұсыныстарыңызбен келісемін” деді Шойгу Суровикинге. “Біз үшін Ресей әскерилерінің өмірі мен денсаулығы үнемі басымдыққа ие. Бейбіт халыққа төнетін қауіпті де ескеруіміз керек. Әскерді әкетуге кірісіп, жеке құраманың, қару-жарақ пен техниканың Днепр өзені арқылы қауіпсіз өткізуге жағдай жасаңыз”.

Ресей прайм-тайм уақытта бұйрықты көрсетіп, жағдайдың жоспар бойынша жүріп жатпағанын мойындағандай болды. Бірақ бұл сарапшылардың күмәнін туғызды.

“Мені таң қалдырғаны, мұны соншалық салтанатты түрде істегендері” деді Норберг. “Ресй телеарнасынан сондай шу көтерудің не қажеті бар?”

“Шойгудың әлі де қорғаныс министрі болып отырғанына таң қаламын” деді Музыка Азаттық радиосына. Ресей Украинаға басып кіргелі Шойгу қатты сынға ұшырап келеді. “Ол тірі қалу үшін Путинге өте жақын болуы керек еді, себебі Ресей қарулы күштеріне, соғысқа дайындықтың төмен болуына сол жауапты. Ол он жыл бойы министр болды”.

Шегініс туралы бұйрықтың бір ерекшелігі, содан алты апта бұрын Путин Херсон мен Украинаның бірнеше облысын Ресей аумағы деп жариялаған еді. Бұл бұйрық Мәскеу өзінің бір бөлігі санайтын жерден бас тартып отыр дегенді білдіреді.

Сонымен қатар ақпанда басқыншылық бастағалы Херсонның Ресей басып алған жалғыз облыс орталығы болғанын ескерсек, одан айырылу да тағы бір жеңіліске пара-пар.

Мамырда Херсонға барған “Единая Россия” партиясының мүшесі Андрей Турчак қаланың мәңгіге Ресей құрамында болатынын айтқан еді.

“Херсон тұрғындарына тағы да айтқым келеді, Ресей мұнда мәңгі [қалады]” деген еді ол. “Бұған еш күмән болмауы керек”.

“Саяси тұрғыда бұл Ресей үшін нашар жаңалық, себебі Путин Украинадан бөліп алғысы келген жерден бас тартып отыр” деді Вашингтондағы халықаралық стратегиялық зерттеулер орталығының сарапшысы Марк Кансиан.

“Әскери тұрғыда бұл ақылға қонымды” деп жазды Кансиан электронды хатында. “Днепрдің батысындағы Ресей күштері әлсіз болды. Оларды шығыс жағалауға алып кету олардың қауіпсіздігін қамтамасыз етіп, әскердің белгілі бір бөлігін басқа жерді күшейтуге қолдана алады”.

“Бұл шегініс төңірегінде PR көп болып жатыр, соны түсінбеймін. Бәрін барынша байланыстыруға тырысып жатырмын” дейді Музыка. “Орыстардың мұны жария түрде істегені сонша, олардың не ойлағаны бар деп күмәндана бастадым. Бұл соғыста және дәл осы жағдайда белгісіздік көп”.

АЛДАҒЫ МІНДЕТТЕР

Украина ресми тұлғалары да бұған күмәнмен қарап отыр. Олар мұны Украина күштеріне қойылған қақпан болуы мүмкін дейді.

Бұл Ресей жоспарын жасыруға бағытталған психологиялық операция болуы мүмкін деді Украинаның оңтүстік қолбасшылығының баспасөз хатшысы Наталья Гуменюк Ресейдегі “Дождь” телеарнасына.

Владимир Зеленскийдің кеңесшісі Михаил Подоляк “Ресейдің Херсонды соғыссыз тастап кететінін көріп отырған жоқпыз. Украина жерді барлау деректері негізінде азат етеді, телеарнадан көрсетілетін жалған мәлімдемелер арқылы емес” деді.

Украин күштері "Пион" артиллериялық жүйесімен жау позициясын атқылап жатыр. Херсон облысы, Украина. 9 қараша 2022 жыл.

Украин күштері “Пион” артиллериялық жүйесімен жау позициясын атқылап жатыр. Херсон облысы, Украина. 9 қараша 2022 жыл.

Дегенмен, Украиндардың қалаға қарай оңтүстікке немесе өзен жағалауына қарай оңтүстік-батысқа жылжуына қақпандар кедергі келтірсе, орыстар қиратқан көпірлер мен өткелдер оны бәсеңдетуі мүмкін.

Украинаның оңтүстік қолбасшылығы әскердің Ресей қойған миналар мен блокбекеттерге тап болып жатқанын айтты. Подоляктың сөзінше, Ресей күштері Херсонда пәтерлер мен канализацияны ғана емес, шамасы келген жердің бәрін миналаған.

“Әскери тілмен айтсақ, орыстар оны тегін бере салмайды” дейді Норберг. “Олар сонда біраз болып, мина мен қақпандар қойып отырды. Олар сондай-ақ украиндар кіргенде оларға қарсылық таныту үшін кісі қалдыруы мүмкін”.

Көктемде Ресей әскері Азов теңізіндегі Мариуполь портты қаласын басып алды. Украина оны табанды түрде қорғаумен болғандықтан, қала жерме-жексен болды. Ал Херсон салыстырмалы түрде аман қалды. Бұл “Мәскеу маңызды қаланы қирату үшін украиндарды қалада ұрыс жүргізуге тартқысы келе ме?” деген сұраққа жетелейді.

“Бұл – әскери емес, саяси мәселе. Мәскеу украиндардың қала үшін қаншалық күрескенін және қаншалық қиратқанын қалайтынына байланысты” дейді Музыка. “Орыстар мобилизацияланған әскерінің бір бөлігін қала үшін өлгенше күресуге қалдырып кетуі мүмкін”.

Ресейлік әскери блогерлер шегініс туралы мәлімдемені Ресей армиясының терең институционалды проблемасының дәлелі ретінде қабылдады.

“Болып жатқан нәрсе үлкен қателердің, жылдар мен айлар бойы шешілмеген проблемалардың, қажетті жарақтардың болмағанының [нәтижесі]” деп жазды“Военный осведомитель” арнасы. Онда “жүйелі түрде қате шешім қабылдау мен қатені түзете алмау осындай жағдайға алып келді” делінген.

Азат Еуропа / Азаттық радиосы

Related Articles

  • Соғысқа “Леопард” араласпақ. Немістің бұл танкісі несімен мықты?

    The Associated Press Reuters агенттігі Немістің “Леопард 2″ (Leopard 2) танкісі. Германия билігі Украинаға “Леопард 2″ (Leopard 2) танкісін беруге және басқа елдерге де бұл танкіні Украинаға жеткізуге рұқсат берді. Бұл танкіні Украина билігі Германиядан бұрыннан сұрап келген еді.Бірақ Берлин “Леопард” танкісін Киевке ұзақ уақыт бергісі келмеді. Украина қызыққан бұл танк қаншалықты мықты? Түсіндіреміз.  “ЛЕОПАРД 2″ ДЕГЕН ҚАНДАЙ ТАНК?  “Леопард 2″ танкісін Германияның Krauss-Maffei Wegmann компаниясы жасаған. Компания “Леопардты” ату қабілеті, қорғанысы, жылдамдығы, айласы жағынан “әлемдегі ең мықты танк” деп сипаттайды әрі кез келген жағдайдағы шайқасқа жарайды дейді. 55 тонна танкіге төрт адам сыяды, ең жоғарғы жылдамдығы – 68 км/сағат. Бұл танкінің алғашқы нұсқасы 1979 жылы жасалған. Содан бері Германия 3500-ден

  • WP: ЦРУ басшысы Киевке жасырын келіп, Ресей жоспары туралы айтқан

    Уильям Бернс АҚШ орталық барлау басқармасының (ЦРУ) басшысы Уильям Бернс өткен аптада Киевке жасырын келіп, Украина президенті Владимир Зеленский және украин барлау қызметінің басшыларымен кездескен. Бұл жөнінде дереккөзге сүйенген The Washington Post басылымы жазды. Басылым дереккөзінің айтуынша, Бернс Зеленскийге Ресейдің Украинада жоспарлап отырған әрекеттері туралы хабар берген. Америка барлаушылары мен батыс сарапшылары Мәскеу украин армиясының оқ-дәрі таусылып бара жатқанын пайдаланып, алдағы уақытта жаңа шабуыл дайындап отырғанын жоққа шығармайды. Дерекөздің айтуынша, Зеленский АҚШ Конгресінің өкілдер палатасында бақылау демократтардан республикалықтарға көшкеннен кейін Украина АҚШ пен Батыс елдеріне қаншалықты арқа сүйей алады деген сұрақтың жауабын білгісі келген. Басылымның жазуынша, Бернс көмек алу сәл қиындай түсетінін растаған. WP жазуынша, дегенмен Зеленский мен көмекшілері кездесуден Байден әкімшілігінің

  • NYT: АҚШ Украинаға Қырымға соққы жасау бойынша көмек беруді қарастырып жатыр

    Қырым көпірі.  “Украина әскерінің Ресей аннексиялап алған Қырымға соққы жасау мүмкіндігі болуы тиіс, бұл Киевке болашақ келіссөздерде қоятын шарттарының салмағын арттыруға жағдай жасайды. АҚШ президенті Джо Байден әкімшілігінің пікірі осы жаққа қарай ойысып барады” деп жазды New York Times (NYT) басылымы. Газеттің жазуынша, Ресей басқыншылығы басталғалы бері әкімшілік өкілдері қақтығыс ушығып кетпес үшін Киевке түбекке соққы жасайтын қару беруден бас тартқан. Енді басылымның мәліметінше, Байден әкімшілігі украин шенеуніктерімен мәселені талқылағаннан кейін Киевке мұндай қару-жарақ керек екеніне көзі жете бастаған тәрізді. Басылымның жазуынша, Америка шенеуніктері мен сарапшыларының Ресей ядролық қару қолданады деген күдігі де сейіле бастаған. Дегенмен мұндай қатер әлі жойылмаған. Бірақ мәселе Украинаға алысқа ұшатын ракеталарды беру жөнінде болып отырған

  • “Вагнер” тобы Соледар қаласын алдық дейді. Украинадағы майданда не болып  жатыр?

    Азаттық радиосы Соледар қаласынан шыққан түтін. 5 қаңтар 2023 жыл. Украинаның Донецк облысындағы шағын Соледар қаласы үшін кескілескен шайқас жүріп жатыр. Ресейдің жалдамалылардан құралған “Вагнер” әскери тобы қаланы толық бақылауға алдық деп мәлімдесе, Украина мұны жоққа шығарады. Соледардағы шайқастың жай-жапсары. ПРИГОЖИН МЕН СЕПАРАТИСТЕР НЕ ДЕЙДІ? “Ресейдің “Вагнер” тобы бірнеше аптаға созылған шайқастан соң Украинаның Донецк облысындағы Соледардың басым бөлігін бақылауға алды” деп мәлімдеді Ұлыбритания қорғаныс министрлігі соғыс жайлы хабарламасында. Соледар – Бахмуттан он шақырымда орналасқан шахталы қала. Ал Ресей әскері бірнеше айдан бері Бахмут қаласын алуға тырысып жатыр. Соледардың орталығына ресейлік әскерилер кіргенін Ресейдің телеграм каналдары да жазып жатыр. Ал 10 қаңтар кешкісін сепаратистік “ДХР” аймағының Кремль тағайындаған басшысы Денис

  • Украина қарулы күштері әлемдегі ең қуатты 15 армия қатарына енді

    Украина қарулы күштері халықаралық Global Firepower (GFP) рейтингісіндеалғаш рет әлемдегі ең мықты 15 армияның бірі ретінде танылды. Былтыр Украина 22-орынды иеленген. Биыл Украина қарулы күштері Иран, Израиль, Австралия, Сауд Арабиясы, Испания, Тайвань, Германияны басып озған. Рейтингіде 145 ел бар. “Украина Ресейге тойтарыс беріп жатқандықтан, 2022 жылы GFP индексі бойынша көрсеткішін жақсартты. Ол қарымта жауап қайтарып, Батыстың қаржылай, материалдық қолдауының нәтижесінде, сонымен бірге жаңа маңызды категориялар енгізгендіктен жалпы тізімдегі жағдайын жақсартты” деп жазылған хабарламада. Рейтингіде бірінші орында – АҚШ, екінші орында – Ресей, үшінші орында Қытай тұр. АҚШ, Еуропа елдері, Жапония, Австралия Украинаға миллиардтаған доллар көлемінде әскери, қаржылай және гуманитарлық көмек көрсетті.Көмек көлемі жағынан бірінші орында АҚШ, одан кейін Ұлыбритания, Германия, Канада және

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: