КЕЙКІ БАТЫРДЫҢ БАСЫ ЕЛГЕ ЖЕТКІЗІЛДІ

Жаңалықтар Зуқа батыр 150 жыл Тұлғалар Қазақ хандығына 550 жыл

КЕЙКІ БАТЫРДЫҢ БАСЫ ЕЛГЕ ЖЕТКІЗІЛДІ

| Oct 6, 2016

Қалың қазаққа Кейкі батыр деген атпен таныс Нұрмағамбет Көкембайұлының бас сүйегі бүгін Ресей астанасынан Қазақстанға әкелінді. Бұл туралы “Егемен Қазақстан” сайты хабарлады.

Осыған дейін белгілі саясаткер Берік Әбдіғали мырза “Фейсбук” желісіндегі жеке парақшасында батырдың басын алып келе жатқандығын жазған болатын.

Саясаткердің айтуынша Астана уақытымен ертең таңғы сағат 04:50-де 1916 жылғы Ұлт азаттық көтерілісінің қаһарманы Кейкі батырдың (Нұрмағамбет Көкембайұлының) бас сүйегі арнайы бортпен Астанаға жеткізілді.

Сондай-ақ, жерлеу рәсімін ұйымдастыру үшін Үкімет жанынан арнайы комиссия құрылатыны да мәлім болды.

Айта кетейік, биылғы жылдың мамыр айында ҚР Мәдениет және спорт министрі Арыстанбек Мұхамедиұлы батыр бабамыздың бас сүйегі елге қайтарылатыны туралы хабарлаған болатын.

“Қазір біз бұл мәселені шеше аламыз. Ресейден келісім келді. Біздің ғалымдар да керек мәліметтерді жинап қойды. Тек оны әкелудің техникалық процедураларын шешу ғана қалды”, – деген болатын министр мырза.

Кейін өзінің ресейлік әріптесімен Мәскеуде кездескен экс-премьер-министр Кәрім Мәсімов те кунскамерада жатқан қазақтың соңғы ханы Кенесары мен Кейкі батырдың бас сүйегін елге қайтару мәселесін талқылайтынын мәлімдеген.

Кейін Кәрім мырзаның Ресей премьерімен кездесуінде тек Кейкі батырдың сүйегі туралы сөз қозғалғанын және келіссөздердің оң нәтиже бергенін айтқаны да есімізде.

Әйтсе де РФ басшылары Кейкінің басын қайтаруға сонау мамырда келісімдерін бергенін ескерсек, бұл мәселеге қатысты 25 жылда жақ ашпаған экс-премьердің пәрмені себеп болды деу қисынсыздау, рас. Дегенмен, “азаттық жолында мерт болған батырдың басы елге қайтарамын” деген уағда сөз жұрт ішінде беделі түсе бастаған Кәрім Қажымқанұлына ұпай жинап берді десек те жалған айтпаған болар ек.

Осыған дейін Қазақстан тарихшылары бабаларымыздың бас сүйектерін елге қайтару мәселесін қотара-қотара көтергенімен еш нәтиже болмаған еді.

Қос-қосынан одақтас болып отырған Ресейдің топырағында енді, Хан Кененің басы қалды. Әлемдік геосаясатта іргелесіп, түрлі жағдайларда Ресейге әм оның саяси бастамаларына демеуші болып келе жатқан Қазақстанның және оның негізін құрушы қазақ ұлтының тағы бір ұлы Кенесары ханның бас сүйегін қайтару мәселесі күн тәртібінде болуы талап!

Нұрзат Тоғжан

Abai.kz

Аттыға жол, ауыздыға сөз бермеген Тұрым батыр

kerey.kz

Әр дәуірде халықтың пана тұтар, қормал санар құрметті азаматтары болады, солардың бірі заманы Аттыға жол, ауыздыға сөз бермейтін, батырлығымен халқы жақта тұрып, мынау ортасы мен мекенін қорғау жолында сырт жауға сес болып келген Тұрым батырды туған халқы мәңгі ұматпайды. Тұрым бала күнінен балуандығымен, қамшыгерлігімен аты шыққан, есейіп ат жалын тартып міне көз алартқан жауларының бетін қайтарып көзге түскендіктен «бұл өңірде Тұрым бар» деп сырт жаулар аттап баспайтын болған. Тұрым өмірінің соңында зиратын қазып, қабырын тұрғызып қойып қажылық сапарға аттанып, қайтарында бүгінгі Семей өңірі маңына келгенде тұйықсыз дүние салып, жол жолдастары сүйекте бұзбай Сартеректегі өзі әзірлеп кеткен қабырға жеткізіп, ел, жұртына табыс етіді. Ителі руының бір мұнша атасы Ажы гүң болып
ЖАСТАР ҚАЛАСЫНДАҒЫ РУХАНИ КЕШ: АЛМАТЫ АСПАНЫ АБАЙ ӘНДЕРІМЕН КӨМКЕРІЛДІ

kerey.kz

Әмірболат Құсайынұлы Абай күні қарсаңында Алматы қаласында ашық аспан астындағы сахнада мыңдаған көрермендер Қазақстан Республикасы Мәдениет және ақпарат министрлігінің «Ұлттық киноны қолдау мемлекеттік орталығы» қолдауымен түсірілген Абайдың тұңғыш шығармалар жинағының жарық көру тарихын баяндаған «Алғашқы кітап» атты деректі фильмді тамашалады, деп жазады Muztaumedia.kz. Докудрама жанрындағы бұл деректі фильм қазақтың неше ғасырлық рухани тарихындағы таң қаларлық ұлы оқиға — 1909 жылы Петербор қаласында Ильяс Бораганский баспасынан жарық көрген Абайдың тұңғыш кітабының қилы тағдырын бейнелеген. Фильм жалғыз өзі тұтас бір әлем жасап, шығармашылықпен айналысқан небәрі жиырма жылдың ішінде қазақтың тілін де, көркемдік, этикалық танымын да күрт өзгертіп, бұрын-соңды түрік жұрты жетпеген биікке көтерген Абайдың алғашқы кітабы қалай басылып шықты, Абай көзі тірісінде өзінің
«Сен есірке, тыныш ұйықтат, бақ сөзіме!» /АБАЙ/

kerey.kz

Біздің қазақта «малға достың малдан басқа мұңы жоқ» – «малдан боғы ғана бөтен» талай жарымес Абайдың атына неше түрлі сөз айтқан. Оның ішінде саудагер ғана емес, өзін “сөз ұстаған”, “ел ұстаған” санайтындар да болды. Бұларға Абайдың өзі жауап беріп кеткен: «Тыныш ұйықтат, сен есірке, бақ сөзіме!». Ал, анау жігіт «малдың буымен» негізгі ойын дұрыс жеткізе алмаған сияқты. Ол, «Құнекең малын шығындап, Абайды оқытып, жағдай жасамағанда қалай болар еді… Біз де сол Құнекең сияқтымыз…» дегенді айтпақшы болды – ау деймін… Құнекең қайда, сен қайда… «Қуаты күшті нұрлы сөз, Қуатын білген абайлар…» – дейді Абай. Сөздің қуатын білмеген өте қиын, күйіп қалуың мүмкін… Осы арада Британияның Премьер – министрі болған Бенджамин Дизраэлидің
Президенттің Бенилюкс гамбиті немен аяқталады?

kerey.kz

Еуропа жүрегінде ашылған гештальт. Президенттің Бенилюкс гамбиті немен аяқталады? Елімізде Алматы халқы жаңа такси ашып, ал Шымкент халқы өзбек көршісімен бірге кешкі матчты тамашалайын деп отырғанда қазақ үмітін арқалаған Airbus моторын дүрілдетіп, Брюссельге ұшып кеткен болатын. Президент Тоқаев геосаяси қақтығыстар, сауда соғыстары, санкциялық қысым мен логистикалық тәуекелдер күшейіп жатқан бұл заманда Қазақстанның инвестиция үшін ең тыныш айлақ екенін тағы бір еске салу үшін бара жатқаны анық. Тура осы сапар алдында Fitch Қазақстанның ВВВ рейтингін растап, мықты аргументті қалтамызға салып жіберді. Брюссель Еуропа капиталының сөресі екенін білеміз. Сол сөреде жатқан миллиард еуро инвестицияға біз қол салғанда, бастысы ешкім “тәйт” демеуі керек. Сондықтан Қазақстан Президенті Қасым-Жомарт Тоқаевтың Бельгия Премьер-министрі Барт де Вевермен
Ғалым Боқаш мерейлі 50 жаста

kerey.kz

Altyn Magauina Бүгін Атамыздың ең жақын шәкірттерінің бірі, біздің бауырымыз, қазақтың мақтан тұтатын жастарының бірі Ғалым Боқаш мерейлі 50 жасқа толып отыр. Біз үшін бұл күн – жай ғана Ғалымның туған күн емес, бұл – оның жарты ғасырлық өнегелі өмір жолының, адал еңбегінің, биік парасат пен адамгершілігінің мерекесі. Біз Ғалымды тек терең білімі үшін емес, үлкен жүрегі үшін қадірлейміз. Ғалымның әлемнің ең беделді оқу орындарының бірі – Оксфорд университетінде білім алып, “Азаттық радиосында жемісті еңбек етіп, бүгінде Америка Құрама Штаттарының мемлекеттік қызметінде абыройлы жұмыс атқарып жүргені оның табандылығының, білімге құштарлығының және еңбекқорлығының айқын көрінісі. Алайда адамның шынайы бағасы оның қызметімен немесе жеткен жетістіктерімен ғана өлшенбесе керек. Адамның қадірі оның жүрегінде,