Vesti.kz پورتالىنىڭ ءتىلشىسى وسى ماتەريالعا بايلانىستى سيدنەيدە وتكەن وليمپيادا ويىندارىنىڭ كۇمىس جۇلدەگەرى، الەم چەمپيوناتىنىڭ كۇمىس جۇلدەگەرى مۇحتارحان دىلدابەكوۆتىڭ پىكىرىن سۇراپ كورگەن ەدى.
“قاناتتى سىناۋ ءۇشىن، الدىمەن يسلامداي بولىپ السىن جۇرت. قازاق دەسە وزىڭە تيەدى. اياقتان شالعاننان باسقا ەشتەمە بىلمەيتىن سياقتىمىز. قاراڭىزدارشى، قايسىبىر ورىس ءتىلدى سايت گولوۆكيننىڭ وسى دەڭگەيگە جەتكەنگە دەيىن سىنعا العان ەدى. كىم ءتيىسىپ، تىرناق استىنان كىر ىزدەدى؟
ءيا، قانات – حالىقتىڭ بوكسشىسى. قازىر بىلەسىزدەر كاسىپقوي بوكس – كاسىپ. بىراق، قانات اقشانىڭ ارتىنان نە بەلبەۋدىڭ ارتىنان قۋىپ كەتكەن جوق. ول بارلىعىن ەلىم ءۇشىن، جەرىم ءۇشىن دەپ ىستەپ ءجۇر. ال، سىزدەر ونى مازاق ەتەسىزدەر!
ەگەر اتاق پەن بەلبەۋ جانە اقشا كەرەك بولاتىن بولسا، ول باياعىدا-اق قول جەتكىزەر ەدى. ايتىڭىز، قازىر قاناتتان باسقى قاي قازاق بوكسشىسى وسىنشاما تانىمال. ول وسى ءبىر قيىن جولدى ءبىرىنشى بولىپ ءوتىپ، ىنىلەرىنە جول كورسەتكىسى كەلەدى. اقش-تا گولوۆكين دەسە قازىر قازاقستان دەگەن ەل كوكەيلەرىنە كەلەدى. ول بولسا ەندى “قانات” دەگەندى ەستىگەندە، كۇللى الەم قازاق حالقى بار ەكەنىن، مىقتى ەكەنىن دالەلدەۋ ءۇشىن وسى قيىن جولدى ءوتىپ جاتىر.
جاسى كەپ قالدى دەيدى. 18 بەن 25 ارالىعىندا قازاقتان قاي بوكسشى الەم چەمپيونى اتانعان ەدى. ءتىپتى، 30 جاسىندا كىم چەمپيون بولدى؟ قاناتتىڭ جاسى قازىر 33-تە. ونىڭ دا جوسپارى بار. اقش-قا كەتەردىڭ الدىندا جولىعىپ، سويلەستىك. بۇيىرسا، 1-2 جىلدىڭ ىشىندە قانات يسلام دا الەم چەمپيونى دەگەن بەلبەۋدىڭ ءبىرىن الادى. سول كەزدە كىمنىڭ-كىم ەكەنىن كورەرمىز.
قورىتا ايتارىم، ءبىر-ءبىرىمىزدىڭ اياعىمىزدان شالا بەرمەيىك. كەرسىنشە، ءبىر-بىرىمىزگە تىرەۋ بولايىق، قاناتتىڭ باعىندىرار بيىگى ءالى الدا، “ەلىم، جەرىم” دەپ تۇرعان ادامدى وزەكتەن تەپپەيىك”، – دەيدى داڭقتى بوكسشى. vesti.kz
پىكىر قالدىرۋ