Vesti.kz portalınıñ tilşisi osı materialğa baylanıstı Sidneyde ötken Olimpiada oyındarınıñ kümis jüldegeri, älem çempionatınıñ kümis jüldegeri Mwhtarhan Dildäbekovtiñ pikirin swrap körgen edi.

“Qanattı sınau üşin, aldımen Islamday bolıp alsın jwrt. Qazaq dese öziñe tiedi. Ayaqtan şalğannan basqa eşteme bilmeytin siyaqtımız. Qarañızdarşı, qaysibir orıs tildi sayt Golovkinniñ osı deñgeyge jetkenge deyin sınğa alğan edi. Kim tiisip, tırnaq astınan kir izdedi?

Iä, Qanat – halıqtıñ boksşısı. Qazir bilesizder käsipqoy boks – käsip. Biraq, Qanat aqşanıñ artınan ne belbeudiñ artınan quıp ketken joq. Ol barlığın elim üşin, jerim üşin dep istep jür. Al, sizder onı mazaq etesizder!

Eger ataq pen belbeu jäne aqşa kerek bolatın bolsa, ol bayağıda-aq qol jetkizer edi. Aytıñız, qazir Qanattan basqı qay qazaq boksşısı osınşama tanımal. Ol osı bir qiın joldı birinşi bolıp ötip, inilerine jol körsetkisi keledi. AQŞ-ta Golovkin dese qazir Qazaqstan degen el kökeylerine keledi. Ol bolsa endi “Qanat” degendi estigende, külli älem qazaq halqı bar ekenin, mıqtı ekenin däleldeu üşin osı qiın joldı ötip jatır.

Jası kep qaldı deydi. 18 ben 25 aralığında qazaqtan qay boksşı älem çempionı atanğan edi. Tipti, 30 jasında kim çempion boldı? Qanattıñ jası qazir 33-te. Onıñ da josparı bar. AQŞ-qa keterdiñ aldında jolığıp, söylestik. Bwyırsa, 1-2 jıldıñ işinde Qanat Islam da älem çempionı degen belbeudiñ birin aladı. Sol kezde kimniñ-kim ekenin körermiz.

Qorıta aytarım, bir-birimizdiñ ayağımızdan şala bermeyik. Kersinşe, bir-birimizge tireu bolayıq, Qanattıñ bağındırar biigi äli alda, “Elim, jerim” dep twrğan adamdı özekten teppeyik”, – deydi dañqtı boksşı.                                                                                                  vesti.kz