«ولار سيگنالدى كۇتىپ وتىر». مينيستر سالافيتتەردىڭ كىمدەرگە باعىناتىنىن ايتىپ بەردى
kerey.kz
ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ ەلىمىزدەگى ۇستانىمى ءداستۇرلى يسلامعا جات دىني اعىم وكىلدەرى مەن ءدىني احۋال تۋرالى ايتىپتى.
بۇل تۋرالى “استانا” تەلەارناسى حابارلايدى.
“مينيسترلىك مەملەكەتتىك ءدىن سالاسىنداعى ساياساتتىڭ تۇجىرىمداماسىن ازىرلەدى. بۇل تۇجىرىمداما كوپتەگەن ساراپشىلار مەن ءدىنتانۋشىلاردىڭ وي-پىكىرلەرىن، ۇسىنىستارىن ەسكەرىپ، كەڭ تالقىلاۋدان ءوتتى. قازىر تۇجىرىمداما دايىن، جاقىن ارادا ۇكىمەتتىڭ تالقىلاۋىنان ءوتىپ، بەكىتىلەتىن بولادى دەپ ۇمىتتەنەمىز”، – دەدى مينيستر.
بۇل ورايدا مينيستر ءداستۇرلى ەمەس ءدىني اعىمداردىڭ تارالۋىنان تۋىندايتىن ماسەلەلەرگە دە توقتالىپ ءوتتى.
“قازىر ءبىز دەسترۋكتيۆتى اعىم دەپ كەز كەلگەن راديكالدى فاناتيزمگە نەگىزدەلگەن، قازاقستانعا جات ءدىني اعىمداردى ايتىپ وتىرمىز. بىراق ولاردىڭ ىشىندە قازىرگى تاڭدا ەڭ وزەكتى – ول سالافيزم دەگەن راديكالدى اعىم. دەسترۋكتيۆتى ءدىني اعىم، مىسال ءۇشىن سالافيزم بولسىن، ولار قاتەلىك ءدىني تۇسىنىكتەردى ءبىزدىڭ تاريحي داستۇرلەرىمىزدەن، مادەنيەتىمىزدەن، ءبىزدىڭ حالقىمىزدىڭ كوپ ەتنوستى، كونفەسسيالىق سيپاتىنان جوعارى قويادى. ولار تەك شاريعاتقا، باياعى ەجەلگى ءدىني تالاپتارعا نەگىزدەلگەن مەملەكەتتىڭ قۇرىلىسىن دۇرىس جۇيە دەپ ەسەپتەيدى. مۇنداي شەتىن يدەيالار سان عاسىرلىق تاريحىمىزعا، سان عاسىرلىق مادەنيەتىمىزگە قايشى كەلەتىنى ءسوزسىز.
شەتەلدەگى بەلگىلى ءبىر شەيحتاردان سيگنال كەلسە، ول كەز كەلگەن ۋاقىتتا قولعا قارۋ الىپ، ءوز جەرلەستەرىنە، ۇكىمەتكە، مەملەكەتكە قارسى شىعا الادى.
سوندىقتان ولارعا سەنىم دەگەن جوق” – دەيدى نۇرلان ەرمەكباەۆ.
بۇدان سىرت ول شەتەلگە ءدىني ءبىلىم الۋعا كەتكەن جاستارعا قاتىستى پىكىرىن ءبىلدىردى.
«شەتەلدە جەكەلەگەن ءدىني ءبىلىم بەرۋ وقۋ ورىندارىنا كەتكەن، ءوز بەتتەرىمەن كەتكەن جاستاردىڭ راديكالدى ءدىني اعىمنىڭ ىقپالىنا ءتۇسۋى ابدەن مۇمكىن. شەتەلدەردەگى ءتۇرلى ءدىني ءبىلىم بەرۋ يەلەرى سولار ارقىلى قوعامدى باسقارۋدى قالايدى. سوندىقتان ءبىزدىڭ ۇسىنىسىمىز، جاستار ەگەر شەتەلگە ءدىني ءبىلىم الۋعا بارعىلارى كەلسە، ولار الدىمەن قازاقستان مۇسىلماندارى ءدىني باسقارماسىنداعىلارمەن اقىلداسىپ، جولداما الىپ، شەتەلگە بارسا بولار ەدى. ەگەر ءوز بەتتەرىمەن شەتەلگە بارىپ ءبىلىم السا، قمدب ولاردى جۇمىسقا قابىلدامايدى» – دەدى مينيستر بۇل رەتتە. 365info.kz
پىكىر قالدىرۋ