«Olar signaldı kütip otır». Ministr salafitterdiñ kimderge bağınatının aytıp berdi
kerey.kz
Din isteri jäne azamattıq qoğam ministri Nwrlan Ermekbaev elimizdegi wstanımı dästürli islamğa jat dini ağım ökilderi men dini ahual turalı aytıptı.
Bwl turalı “Astana” telearnası habarlaydı.
“Ministrlik memlekettik din salasındağı sayasattıñ twjırımdamasın äzirledi. Bwl twjırımdama köptegen sarapşılar men dintanuşılardıñ oy-pikirlerin, wsınıstarın eskerip, keñ talqılaudan ötti. Qazir twjırımdama dayın, jaqın arada ükimettiñ talqılauınan ötip, bekitiletin boladı dep ümittenemiz”, – dedi ministr.
Bwl orayda ministr dästürli emes dini ağımdardıñ taraluınan tuındaytın mäselelerge de toqtalıp ötti.
“Qazir biz destruktivti ağım dep kez kelgen radikaldı fanatizmge negizdelgen, Qazaqstanğa jat dini ağımdardı aytıp otırmız. Biraq olardıñ işinde qazirgi tañda eñ özekti – ol salafizm degen radikaldı ağım. Destruktivti dini ağım, mısal üşin salafizm bolsın, olar qatelik dini tüsinikterdi bizdiñ tarihi dästürlerimizden, mädenietimizden, bizdiñ halqımızdıñ köp etnostı, konfessiyalıq sipatınan joğarı qoyadı. Olar tek şariğatqa, bayağı ejelgi dini talaptarğa negizdelgen memlekettiñ qwrılısın dwrıs jüye dep esepteydi. Mwnday şetin ideyalar san ğasırlıq tarihımızğa, san ğasırlıq mädenietimizge qayşı keletini sözsiz.
Şeteldegi belgili bir şeyhtardan signal kelse, ol kez kelgen uaqıtta qolğa qaru alıp, öz jerlesterine, ükimetke, memleketke qarsı şığa aladı.
Sondıqtan olarğa senim degen joq” – deydi Nwrlan Ermekbaev.
Bwdan sırt ol şetelge dini bilim aluğa ketken jastarğa qatıstı pikirin bildirdi.
«Şetelde jekelegen dini bilim beru oqu orındarına ketken, öz betterimen ketken jastardıñ radikaldı dini ağımnıñ ıqpalına tüsui äbden mümkin. Şetelderdegi türli dini bilim beru ieleri solar arqılı qoğamdı basqarudı qalaydı. Sondıqtan bizdiñ wsınısımız, jastar eger şetelge dini bilim aluğa barğıları kelse, olar aldımen Qazaqstan mwsılmandarı dini basqarmasındağılarmen aqıldasıp, joldama alıp, şetelge barsa bolar edi. Eger öz betterimen şetelge barıp bilim alsa, QMDB olardı jwmısqa qabıldamaydı» – dedi ministr bwl rette. 365info.kz
Pikir qaldıru