ادەبي الەم

ايتىلاتىن ءسوز ەدى…

kerey.kz

 |  Feb 1, 2018

                                 ءبىزدىڭ جاقتا قىس ۇزاق

سول قىستا نەبىر عاجاپ بار

سوعىم-شۇيگىن، ءۇي-جىلى،

ۆەسەلياتسيا قازاقتار

شەن تارتىلعان شاناسى

تابانداۋلى پيماسى

گۋلياي، ءبىزدىڭ مەكەندە،

ورىستىڭ ليۋتايا زيماسى!

نوۆىي گود بولسىن ءسوزباسى-

نۇر قۇياتىن جۇزدەرگە

دەد موروز سنەگۋروچكامەن

تۋىس بوپ كەتكەن بىزدەرگە 

قازاقتى قازاق قۇتتىقتاپ

روجدەستۆومەن قۋانىپ،

كرەششەنيەدە، «ءبىسمىللا!»،

كۇرشىمگە سۇڭگىپ شىعالىق،

ودان كەيىن بوشكەلەپ،

ءتۇن اۋعاندا سۋ الىپ

ءوزىمىز ءىشىپ، مالدى دا،

اگۇروتتى دە سۋارىپ

شيپا تاپساق ەم-دومنان

جەل-قۇزدى بويدان شىعارىپ

وسىلاي پرازدنيكتەردى

قاپىسىز تويلاپ الايىق،

سودان كەيىن جۇمىلىپ

شىعارىپ قىستى سالايىق:

                                 سار ساماۋرىن قايناتىپ،

اق شاينەككە ءشاي دەمدەپ

قىز-كەلىنشەك جۇيتكىپ ءجۇر

سىي كىسىگە ءشاي بەرمەك

                                 قارالا ءشالى جامىلىپ،

جەردى تەۋىپ شىڭعىرىپ

چاستۋشكا ايتقىش ايەلگە

كەتتى مە، دەرسىڭ، جىن كىرىپ

ناسكيشەڭ جىگىت جۇلدە الماق

ستولبىعا ورمەلەپ

«داباي،براتان، داباي!»-دەپ

كوپشىلىك شۋلاپ دەم بەرەد

توپ-توپ ارقان تارتىسقان

سچەت پوكا: 5 تە 2

اينالا گۋ-گۋ اڭگىمە-

قۇيتىرقى دا بوستەكى

                                 چۋچەلو جاساپ،ونى ورتەپ

ءمارت قازاق اق تەر،كوك تەر بوپ

پروۆودى زيمىعا

ەڭبەگى سىڭگەن بەكتەر كوپ

 مىنا ءبىر توپ- جيۋري مە..،

                                    قولىندا قاعاز-قالامى،

                                    ارالاپ ءوتىپ بارادى،

                                    باعالاپ كەتىپ بارادى

                                    قاتاڭ-دەيدى-تالابى: 

                                    نا ۆىسوكوم ۋروۆنە 

                                    وتكىزبەك كەرەك… شارانى 

جاز قالاي بولار،قىس قالاي

بولجام جاساپ وتىر-اۋ-

(قازاقى امال ۇمىت بوپ)

ابدىكەي مەن بوقىراۋ

 …تول مەيرام بىزدە از،بىلەم ،-

ەكى ايت پەن ناۋرىز-جىل باسى

ونىڭ دا تەگىن تۇپتەسەك،                                     

اراب پەن پارسى-سۇلباسى 

قازاققا سودان جات ەمەس

قىزىعى كىم-كىمنىڭ دە،

ياعني، تويلاي بەرەمىز

تالعاماستان بۇل كۇندە،

پو-ليۋبومۋ كەتىرىپ   

قادىرىن ءتىلدىڭ، ءدىننىڭ دە…

                                    قاجىساڭىز ناقىلدان

مىنا اقىلعا كونىڭىز: 

جولورتادا توقتاي قاپ

…سنيكەرستەنىڭىز!

ءجون بە وسى قىلىعىم،

كورياۆىيلاۋ ءسوزىم شە؟!.

جازدىم،مىنە، ستيشوك-

پريكول ۇستاپ وزىمشە…

ۇقساماق بولعان بارىنە

مىناۋ ءتۇرىم-قاي ءتۇرىم؟!.

الا شۇبار ءبارى دە

مىناۋ ءتىلىم-قاي ءتىلىم؟!.

                                                                                    قۇماربەك قاليەۆ

ولەڭدەگى ورىس تىلىنەن اۋعان سوزدەر مەن اتاۋلار: پيما-پيمى،ۆالەنكي; روجدەستۆو،كرەششەنيە-پراۆوسلاۆيەلىق حريستيان مەيرامدارى; بوشكە-بوچكا; اگۇروت-وگورود; ساماۋرىن-ساموۆار; -شاينەك-چاينيك; ءشالى-شال; ناسكي-نوسكي;ستولبى-ستولب; ارقان-اركان،ۆەرەۆكا; قۇيتىرقى-حيتوركا; بوستەكى-پۋستياكي،پۋستياكوۆىي; پروۆودى زيمى-ورىس حالقىنىڭ مەيرامى; ابدىكەي-دەن سۆياتوي ەۆدوكي،14-مارتا; بوقىراۋ-پوكروۆ،14-وكتيابريا;