مادەنيەت رۋحانيات سۋرەتتەر سويلەيدى الەۋمەت
الماتىدا كوپ بالالى وتباسىلارعا دومبىرا تاراتىلدى.
kerey.kz
الماتىدا كوپ بالالى وتباسىلارعا دومبىرا تاراتىلدى. قايىرىمدىلىق شاراسى بارىسىندا قولدارىنا دومبرا العان بالالار ءان-كۇيدەن شاشۋ شاشتى. رۋحاني جاڭعىرۋ جوباسى اياسىندا ۇلتتىق بۇيىمداردى ناسيحاتتاپ جۇرگەن باستاماشىل توپ ءار وتباسىنا ءبىر دومبىرادان سىيلاۋدى ءجون ساناپتى. الايدا ىنتالى بالالار كوپ بولعانادىقتان ءبىر جانۇياعا ەكىدەن، ۇشتەن ۇلتتىق اسپاپ بەرىلدى.
“بالالار تەلەفون، تەلەديدارعا تەلمىرمەي، قوڭىر دومبىرامەن سىرلاسسا الدەقايدا پايدالى بولماق. قازاق ارمان-تىلەگى، قايعى-مۇڭى مەن قۋانىشىن قوس ىشەككە سىيدىرعان، قولىنا قوڭىر دومىرا السا بالانىڭ ارمانى اسقاق، ويى ۇشقىر بولادى”، – دەدى يگى ىسكە ۇيىتقى بولعان ۇلت جاناشىرى سالتانات ءومىرالى.
قازاقتىڭ كونە مۇرالارىن بۇگىنگى زامانعا ساي عىپ ناسيحاتتاۋدى مۇرات قىلعان سالتانات ءومىرالىنىڭ ايتۋىنشا بۇنداي شارا الىدە جالعاسىن تابادى. “ەلباسىمىز دومبىرا كۇنىندە ارنايى بەكىتىپ بەردى. دومبىرا كۇنى قارساڭىندا كۇي شەرتەتىن، ۇلتتىق اسپاپتا وينايتىن ۇرپاقتىڭ قاتارى نەعۇرلىم كوپ بولسا دەگەن نيەت” دەدى. ال كوپ بالالى اتا-انالار، ء“وزىمىز كوبىنە قۇنتتاماي جۇرسەك، كەيدە بارىنە بىردەي دومبىرا الىپ بەرۋگە اقشادا بولماي قالادى. تىپتەن ءبىز الىپ بەرسەكتە بۇلاي قۋانباس ەدى، مەرەكەنىڭ قارساڭىندا سىيلىق العان بالالارىمىزدىڭ قۋانىشىندا شەك جوق” دەپ العىستارىن ءبىلدىردى.
ناۋرىز مەرەكەسى قارساڭىندا قولعا الىنعان شارا بارىسىندا ۇلتتىق بۇيىمداردىڭ دا كورمەسى ۇيىمداستىرىلىپ، شەبەرلەردىڭ اعاشتان، سۇيەكتەن، اسىقتان، تەرىدەن جاساعان زاتتارى قويىلدى. كونەدەن كەلە جاتقان بۇيىمداردى قازىرگى زامانعا قالاي بەيىمدەپ، قولدانۋعا بولاتىنى دا تانىستىرىلدى
kerey.kz
پىكىر قالدىرۋ