كوز قاراس سۋرەتتەر سويلەيدى

سىر وڭىرىندەگى كوروناۆيرۋس قىم-قۋىتى

kerey.kz

 |  Apr 27, 2020

ەلىمىزدى دۇرلىكتىرگەن وسى جالعان (ۆيرتۋالدىق) ناۋقاس قىزىلوردا ايماعىن دا قيناۋدا. قوعامدىق كولىكتىڭ ءجۇرىسى توقتاتىلعان. ءتىپتى، ناتسيستتەردىڭ قورشاۋىندا قالعان لەنينگرادتا قوعامدىق كولىك جولاۋشىلارعا قىزمەت كورسەتتى. ادام بالاسىنىڭ تازالىعىن قامتاماسىز ەتەتىن مونشا، شاشتارازدار جابىلعان. ءتىپتى، تەمىر توردىڭ ار جاعىندا قالعان جاندار شاشتاراز بەن مونشادان ايىرىلعان جوق. كافە-رەستورانداردا تاماقتانۋدان قاعىس قالعاندىعى بىلاي تۇرسىن، تىرشىلىكتىڭ تىرەگى – ەڭبەك – قىزىلوردالىقتاردىڭ باسىم كوپشىلىگى ءۇشىن قولجەتپەس ارمانعا اينالدى.

جالپى العاندا، سىر ءوڭىرى الەم بويىنشا ەڭ سورلى ايماقتاردىڭ ءبىرى. ارال تەڭىزىنىڭ قاسىرەتى، ۋ شاشاتىن بايقوڭىر عارىش ايلاعى، لەپرا سۇمدىق اۋرۋىنىڭ وشاعى جانە تاعى باسقا كەسىرلى جاعدايلار الگى ايماقتىڭ كوركىن كەتىرەدى. جەرگىلىكتى سايلانباعان اكىمدەر پاراقورلىققا بەلشەسىنەن باتىپ، قىزىلوردالىقتاردىڭ قامىن جەمەيدى. ءتۇرلى كەمشىلىكتەر – شاش ەتەكتەن. مىسالى، قىزىلوردا قالاسىنىڭ ۇزاق باعاەۆ كوشەسى، 2, مەكەنجايىندا ورنالاسقان “ۋيۋت” قوناق ۇيىندە قول جۋاتىن ورىنداردا سابىن مەن انتيسەپتيك جوق. ايتۋعا ۇيات، ونىڭ تۋالەتتەرىندە ۋنيتاز قاقپاعى دا جوق. ءاليحان بوكەيحان كوشەسىندەگى ءانيپا نازارباەۆانىڭ SMALL دۇكەنىندە مەرزىمى بىتكەن تاۋارلار ساتىلادى: https://m.youtube.com/watch?v=3BdEbZI8L1U مىنە، ءدال سونداي انتيسانيتاريا جاعدايلار قانداي بولسا دا ناۋقاسقا جول بەرمەك!

جەرگىلىكتى ءتارتىپ ساقشىلارى قىزمەتىنىڭ ساپاسى دا ونشا ەمەس. مىسالى، مەن ءوز باسىم كومەندانت ساعاتىن ءتورت رەت بۇزىپ، تۇنگى قىزىلوردانى جاياۋ ارالادىم. ال، ەگەر مەنىڭ ورنىمدا تەرروريست، تىڭشى بولسا؟! مەنىڭ قىدىرۋ تۋرالى ءبىر عانا ءۇزىندى: https://m.youtube.com/watch?v=gzcbYy9-in0 قىزىلوردا ايماعى ىشكى ىستەر دەپارتامەنتىنىڭ باستىعى – پوليتسيا پولكوۆنيگى ۇلتان. الدە، ۇلتاراق پا؟ نە دە بولسا، تاس قامالداي قورعالعان دەپارتامەنت عيماراتىندا تىعىلعان الگى قارا پولكوۆنيك جەكە باسىنىڭ قاۋىپسىزدىگىن تولىعىمەن قامتاماسىز ەتتى، ال بۇقارا حالىقتىڭ قاۋىپسىزدىگىن اياق استى ەتتى ۇلتان مىرزا.

كۇنى بۇگىنگى دەيىن، قىزىلوردا ءوڭىرى گەرونتوكراتيا (كارىلەردىڭ بيلىگى) تەمىر شەڭگەلىنەن قۇتىلماي جاتىر. زەينەتكەر نازارباەۆ پەن قارتايعان كوشەرباەۆتى جىرلايتىن جارناما كۇنى-ءتۇنى قالا تۇرعىندارىنىڭ ميىن جەيدى: https://m.youtube.com/watch?v=6ZE7EmoVUL4 سوز جۇزىندە پرەزيدەنت توقاەۆ پەن سايلانباعان حاتشى-اكىم ابدىقالىقوۆانىڭ شىنايى سالماعىن وسىنداي سىرتقى جارناما كورىنىسىنەن اڭعارۋ قيىن ەمەس. مال تۇمىلدىرىعى تارىزدەس ماسكانى كيگەن توبىر دا ءۇنسىز، مومىن. باسىن سالبىراتىپ، ساندالىپ جۇرەدى ايتەۋىر.

شەتەلدىكتەردىڭ شەشەندىك سوزدەرىنە دەن قويساق، ۇلگى الارلىق ونەگەلەر بارشىلىق. بەلارۋس پرەزيدەنتى لۋكاشەنكو كوروناۆيرۋستى “پنەۆمونيا” دەپ اتاپ، ءوز ەلىندە ەشبىر كارانتين جاريالامادى. ورىس پولكوۆنيگى كۆاچكوۆ كوروناۆيرۋستى “الەم ۇكىمەتىنىڭ وقۋ-جاتتىعۋلارى” دەپ ەسەپتەيدى. راسىندا، مەنىڭ تۋىس-تانىستارىم، سىزدەردىڭ دوس-جارانداردىڭ اراسىندا كوروناۆيرۋسكە شالدىققاندار بار ما وسى؟ ەسەسىنە، ۇلىبريتانيا پرەمەر-ءمينيسترى بوريس دجونسون، رەسەيلىك ءانشى لەۆ لەششەنكو نەمەسە كيەۆ قالاسى پوليتسياسىنىڭ باستىعى كريششەنكو سىندى باي-اتقامىنەرلەر قاقساپ تۇر: “مەن كوروناۆيرۋسپەن اۋىرىپ قالدىم!” ارينە، جارناما، ساياسي ۇپايلاردى تۇگەندەۋدىڭ ءبىر ءتۇرى وسىنداي بايبالام.

جالعان ناۋقاستان گورى، شىن مانىندەگى قيىنشىلىقتارمەن كۇرەسكەنىمىز ءجون. وكپە اۋرۋى قازاق ۇلتتىق ىندەتىنە اينالعان. مىڭداعان قازاق بالالارى پاراقور قازاقستاندىق دارىگەرلەردىڭ وتىرىك دياگنوزىمەن اۋرۋشاڭ دەپ تانىلىپ، شەتەلگە ساتىلعان. كوشەلەرىمىزدى بۇرالقى يتتەر قاپتاپ كەتكەن. تىشقان، ەگەۋقۇيرىقتان تازارتۋ جۇمىستارى ءتيىستى دارەجەدە جۇرگىزىلمەيدى. ەسەسىنە، الەم ۇكىمەتىنىڭ جەرگىلىكتى نوكەرلەرى ەلىمىزدىڭ حالىق شارۋاشىلىعى مەن مادەنيەتىنىڭ تامىرىنا بالتا شابۋ ءۇشىن وتىرىك ناۋقاستى قولدان جاساۋدا. ايتپاقشى، كوروناۆيرۋس سارى ورىس پەن قارا قىتايعا دا ءتيىمدى. ويتكەنى، جالعان ناۋقاستىڭ سالدارىنان سيريا مەن ۋكرايناداعى ورەكەڭدەردىڭ اسكەري قىلمىسى ۇمىتىلا باستادى. ال، حانزۋ ەلىندەگى ۇيعىرلار، قازاقتار مەن باسقا تۇركىتىلدەس ۇلتتارعا ارنالعان كونتسلاگەرلەر دە الەم نازارىنان تىس قالۋدا.

مىرقىمباي! سەن سايلانباعان اۋداندىق اكىم ەكەش اۋداندىق اكىمگە دە ءوز شاعىمىمەن جەتە المايسىڭ. تورونتوداعى حالىقارالىق ازاماتتىق اۆياتسيا ۇيىمى (ياتا) نەمەسە بازەلدەگى حالىقارالىق ەسەپتەسۋ بانكى (The Bank for International Settlements) سەكىلدى الەم ۇكىمەتىنىڭ بولىمشەلەرىنە قالاي باس سۇعاسىڭ؟! ورىس پاتشالارىنىڭ وتارشىل ساياساتى، گولوششەكيننىڭ اشارشىلىعىنان ارەڭ امان قالدىڭ، مىرقىمباي. الەم ۇكىمەتىنىڭ تەمىر قامىتى بۇنداي ەركىندىك بەرە قويماس. قوسانوۆ، تايجان، مامبەتالين ىسپەتتەس وپپوزيتسيونەرسىماقتار سەنى قۇتقارار ەمەس. كەنەسارى قاسىموۆ، امانگەلدى يمانوۆ اتا-بابالارىمىزداي جاھاندىق قانىشەرلەرگە قارۋلانعان تويتارىس بەرمەسەك، كۇنىمىز قاراڭ بولماق. سەبەبى، الەم ۇكىمەتىنىڭ تۇپكى ماقساتى – ادامزاتتىڭ سانىن ازايتىپ، قالعان حالايىقتى ىرىكتەلگەن مىرزالار مەن وعان قۇلشىلىق ەتەتىن مالايلارعا ءبولىپ تاستاۋ.


دانيار ناۋرىز