Сыр өңіріндегі коронавирус қым-қуыты
kerey.kz
Елімізді дүрліктірген осы жалған (виртуалдық) науқас Қызылорда аймағын да қинауда. Қоғамдық көліктің жүрісі тоқтатылған. Тіпті, нацисттердің қоршауында қалған Ленинградта қоғамдық көлік жолаушыларға қызмет көрсетті. Адам баласының тазалығын қамтамасыз ететін монша, шаштараздар жабылған. Тіпті, темір тордың ар жағында қалған жандар шаштараз бен моншадан айырылған жоқ. Кафе-ресторандарда тамақтанудан қағыс қалғандығы былай тұрсын, тіршіліктің тірегі – еңбек – қызылордалықтардың басым көпшілігі үшін қолжетпес арманға айналды.
Жалпы алғанда, Сыр өңірі әлем бойынша ең сорлы аймақтардың бірі. Арал теңізінің қасіреті, у шашатын Байқоңыр ғарыш айлағы, лепра сұмдық ауруының ошағы және тағы басқа кесірлі жағдайлар әлгі аймақтың көркін кетіреді. Жергілікті сайланбаған әкімдер парақорлыққа белшесінен батып, қызылордалықтардың қамын жемейді. Түрлі кемшіліктер – шаш етектен. Мысалы, Қызылорда қаласының Ұзақ Бағаев көшесі, 2, мекенжайында орналасқан “Уют” қонақ үйінде қол жуатын орындарда сабын мен антисептик жоқ. Айтуға ұят, оның туалеттерінде унитаз қақпағы да жоқ. Әлихан Бөкейхан көшесіндегі Әнипа Назарбаеваның SMALL дүкенінде мерзімі біткен тауарлар сатылады: https://m.youtube.com/watch?v=
Жергілікті тәртіп сақшылары қызметінің сапасы да онша емес. Мысалы, мен өз басым комендант сағатын төрт рет бұзып, түнгі Қызылорданы жаяу араладым. Ал, егер менің орнымда террорист, тыңшы болса?! Менің қыдыру туралы бір ғана үзінді: https://m.youtube.com/watch?v=
Күні бүгінгі дейін, Қызылорда өңірі геронтократия (кәрілердің билігі) темір шеңгелінен құтылмай жатыр. Зейнеткер Назарбаев пен қартайған Көшербаевты жырлайтын жарнама күні-түні қала тұрғындарының миын жейді: https://m.youtube.com/watch?v=
Шетелдіктердің шешендік сөздеріне ден қойсақ, үлгі аларлық өнегелер баршылық. Беларусь президенті Лукашенко коронавирусты “пневмония” деп атап, өз елінде ешбір карантин жарияламады. Орыс полковнигі Квачков коронавирусты “әлем үкіметінің оқу-жаттығулары” деп есептейді. Расында, менің туыс-таныстарым, сіздердің дос-жарандардың арасында коронавируске шалдыққандар бар ма осы? Есесіне, Ұлыбритания премьер-министрі Борис Джонсон, ресейлік әнші Лев Лещенко немесе Киев қаласы полициясының бастығы Крищенко сынды бай-атқамінерлер қақсап тұр: “Мен коронавируспен ауырып қалдым!” Әрине, жарнама, саяси ұпайларды түгендеудің бір түрі осындай байбалам.
Жалған науқастан гөрі, шын мәніндегі қиыншылықтармен күрескеніміз жөн. Өкпе ауруы қазақ ұлттық індетіне айналған. Мыңдаған қазақ балалары парақор қазақстандық дәрігерлердің өтірік диагнозымен аурушаң деп танылып, шетелге сатылған. Көшелерімізді бұралқы иттер қаптап кеткен. Тышқан, егеуқұйрықтан тазарту жұмыстары тиісті дәрежеде жүргізілмейді. Есесіне, әлем үкіметінің жергілікті нөкерлері еліміздің халық шаруашылығы мен мәдениетінің тамырына балта шабу үшін өтірік науқасты қолдан жасауда. Айтпақшы, коронавирус сары орыс пен қара қытайға да тиімді. Өйткені, жалған науқастың салдарынан Сирия мен Украинадағы орекеңдердің әскери қылмысы ұмытыла бастады. Ал, ханзу еліндегі ұйғырлар, қазақтар мен басқа түркітілдес ұлттарға арналған концлагерьлер де әлем назарынан тыс қалуда.
Мырқымбай! Сен сайланбаған аудандық әкім екеш аудандық әкімге де өз шағымымен жете алмайсың. Торонтодағы Халықаралық азаматтық авиация ұйымы (ИАТА) немесе Базельдегі Халықаралық есептесу банкі (The Bank for International Settlements) секілді әлем үкіметінің бөлімшелеріне қалай бас сұғасың?! Орыс патшаларының отаршыл саясаты, Голощекиннің ашаршылығынан әрең аман қалдың, Мырқымбай. Әлем үкіметінің темір қамыты бұндай еркіндік бере қоймас. Қосанов, Тайжан, Мәмбеталин іспеттес оппозиционерсымақтар сені құтқарар емес. Кенесары Қасымов, Амангелді Иманов ата-бабаларымыздай жаһандық қанішерлерге қаруланған тойтарыс бермесек, күніміз қараң болмақ. Себебі, әлем үкіметінің түпкі мақсаты – адамзаттың санын азайтып, қалған халайықты іріктелген мырзалар мен оған құлшылық ететін малайларға бөліп тастау.
Данияр НАУРЫЗ
Пікір қалдыру