ەلىمىزدە ءسۇت تاعامدارىن وزگەشە تۇردە وڭدەيتىن ءىرى زاۋىت ىسكە قوسىلدى
kerey.kz
زاۋىت جىلىنا 110 مىڭ توننا ءسۇت وڭدەيدى
سولتۇستىك قازاقستان وبلىسىندا «Eurasian Milk» ءىرى ءسۇت زاۋىتى ىسكە قوسىلدى. Eurasian Milk زاۋىتى تاريحى 1928 جىلى باستالعان پەتروپاۆل قالاسىنىڭ ءسۇت كاسىپورنىنىڭ بازاسىندا اشىلادى. ءبىر عاسىرعا جۋىق ۋاقىتتان كەيىن ايماقتاعى تاماق ونەركاسىبىنىڭ تاريحى تەرەڭ كاسىپورىندارىنىڭ ءبىرى مۇلدەم جاڭا تەحنولوگيالىق دەڭگەيدە قايتا جانداندى. جاڭا زاۋىتتا شىعارىلعان ءسۇت ونىمدەرىنىڭ العاشقى پارتياسى ساۋدا جەلىلەرىنە 2020 جىلدىڭ جەلتوقسانىندا تۇسەدى. اۋقىمدى جوبانى ىسكە قوسۋ ەل ەكونوميكاسىن تۇراقتاندىرۋعا ۇلەس قوسادى. Eurasian Foods Corporation (EFC) حولدينگى ءىرى سالىق تولەۋشىلەردىڭ قاتارىنا كىرەدى، وتكەن جىلى مەملەكەتتىك بيۋدجەتكە 9 ملرد.تەڭگەدەن استام سالىق تولەدى.
زاۋىتتى جاڭعىرتۋعا $12 ملن. جۇمسالدى. زاۋىتتا بىرنەشە جەلى ورناتىلعان: گەرمانيا ءوندىرىسى بويىنشا ءسۇتتى قابىلداۋ جانە وڭدەۋ، سارى ماي ءوندىرۋ بويىنشا شۆەيتساريالىق جەلى، ىرىمشىك ءوندىرۋ بويىنشا اۆستريالىق جەلى جانە «موتسارەللا» ءتيپتى ىرىمشىكتەر شىعارۋ ءۇشىن ارنايى يتاليالىق جەلى. زاۋىتتىڭ مۇنداي قۇرىلىمى قازاقستانداعى العاشقى جانە جالعىز زاۋىت سانالادى. بۇل باستامانى سقو اكىمدىگى دە قولدادى.
الايدا، وتاندىق ءسۇت وڭدەۋ كاسىپورىندارى ءۇشىن ونەركاسىپتىك وڭدەۋگە جارامدى ساپالى ءسۇتتىڭ جەتىسپەۋشىلىگى بار. ونىڭ سەبەبى شيكىزات جەتكىزىلىمىنىڭ ەداۋىر بولىگىن قۇرايتىن ۇساق فەرمالاردىڭ بىتىراڭقىلىعى مەن السىزدىگىندە، ولاردىڭ ساپالى جەمشوپ بازاسىنا قول جەتىمدىلىگى مەن مالعا ۆەتەريناريالىق كۇتىمنىڭ بولماۋىندا. ساراپشىلار اتاپ وتكەندەي، شيكى ءسۇت – بۇل ساقتاۋ مەرزىمى وتە قىسقا جانە ساپانى جاقسارتۋ مەن ءوندىرىس كولەمىن ۇلعايتۋ ءۇشىن وتە ۇزاق ۋاقىت ارالىعىن جانە قىمباتشىلىقتى قامتيتىن ءونىم.
Eurasian Milk باسشىلىعى كاسىپورىنعا شارۋا قوجالىقتارىنان جەتكىزىلەتىن شيكى ءسۇتتى قابىلداۋدىڭ ەڭ قاتاڭ تالاپتارىنا ساي بولۋىن قامتاماسىز ەتۋگە ۇمتىلادى. سوندىقتان كومپانيا فەرمەرلىك ونىمدەرگە كەپىلدەندىرىلگەن جانە ۇزاق مەرزىمدى سۇرانىستى ۇسىنا وتىرىپ، جەرگىلىكتى شارۋاشىلىقتارمەن ىنتىماقتاستىق ورناتۋدى جوسپارلاپ وتىر. كاسىپورىنداعى نەگىزگى مىندەتتەردىڭ ءبىرى – فەرمەرلەرمەن سەرىكتەستىك قارىم-قاتىناس ورناتۋ، ولارمەن الدىن-الا بىرنەشە جىلعا كەلىسىم-شارتتار جاساسۋ. Eurasian Milk فەرمەرلىك شارۋاشىلىقتاردى نەسيەلەندىرۋدە كەپىلگەر بولۋعا، سونداي-اق قاجەت بولعان جاعدايدا فەرمەرلەرگە كەرەكتى جابدىقتاردى ۇسىنۋعا نيەتتى.
وسىلايشا، Eurasian Milk باسشىلىعى ءوز تاراپىنان ءسۇت سالاسىن دامىتۋ بويىنشا وڭىرلىك بيلىكتىڭ كۇش-جىگەرىن قولدايدى. سولتۇستىك قازاقستاندا قازىردىڭ وزىندە ءسۇتتىڭ ساپالىق سيپاتتامالارىن جاقسارتۋعا، سالا كاسىپورىندارى ءۇشىن شيكىزات جەتكىزۋدەگى ءىرى شارۋاشىلىقتاردىڭ ۇلەسىن ارتتىرۋعا باعىتتالعان ءسۇت-تاۋار فەرمالارىن دامىتۋ جونىندەگى باعدارلاما جۇمىس ىستەيدى. سونداي-اق، مەملەكەت ينۆەستيتسيالاردى سۋبسيديالاۋ تەتىگى ارقىلى سالاعا قولداۋ كورسەتەدى.
«Eurasian Foods Corporation» اق باسقارما توراعاسىنىڭ ورىنباسارى يۆان كولەسنيكوۆتىڭ ايتۋىنشا، قازاقستان نارىعىنداعى پوزيتسياسىن كۇشەيتۋگە مۇمكىندىك بەرەدى، سونداي-اق قازاقستاندىقتاردى ساپالى جانە قولجەتىمدى ءسۇت ونىمدەرىمەن قامتاماسىز ەتۋگە كومەكتەسەدى.
«كاسىپورىننىڭ مىندەتى – شيكىزاتتان باستاپ، بارىندە ماكسيمالدى ساپادا ەڭ تومەنگى وزىندىك قۇندى قامتاماسىز ەتۋ. دەگەنمەن، بۇل زاماناۋي تەحنولوگيالاردىڭ، ءتيىمدى ۇيىمداستىرۋدىڭ جانە جوعارى ونىمدىلىكتىڭ ۇيلەسىمىمەن عانا مۇمكىن. شاعىن زاۋىتتار، سونداي-اق زاماناۋي جابدىقتارى، ساپالى مال باسى مەن جەمشوپ بازاسى جوق شاعىن فەرمالار، وكىنىشكە قاراي، بەلارۋستىك، ۋكراينالىق نەمەسە بالتىق جاعالاۋى كومپانيالارىمەن باسەكەلەسە المايدى. ءوز كەزەگىندە ءبىزدىڭ ءوندىرىس جىلىنا كەم دەگەندە 110 مىڭ توننا ءسۇت وڭدەۋگە باعىتتالعان، بۇل – وڭتايلى دەڭگەي. ءبىز ءسۇت سالاسىنىڭ باسەكەگە قابىلەتتىلىگىن ارتتىرۋ ءۇشىن قولىمىزدان كەلگەننىڭ ءبارىن جاساۋدى جوسپارلاپ وتىرمىز، فەرمەرلەرمەن ۇزاق مەرزىمدى سەنىمدى قارىم-قاتىناستار ورناتامىز، الايدا ولار ەكونوميكالىق تۇرعىدان اقتالۋى ءتيىس. «از وندىرەمىز، قىمبات ساتامىز» قاعيداتىنان «كوپ وندىرەمىز، ەكونوميكانىڭ وسى سەگمەنتىندە كوشباسشى ەلدەرمەن باسەكەلى باعا بويىنشا ساتامىز» قاعيداتىنا كوشۋىمىز كەرەك»، – دەدى يۆان كولەسنيكوۆ.
Eurasian Foods Corporation – قازاقستان مەن ورتالىق ازيا ەلدەرى تاماق ونەركاسىبىنىڭ جەتەكشى كاسىپورىندارىنىڭ ءبىرى، ماي ونىمدەرىن وندىرۋشىلەر اراسىندا رەسپۋبليكانىڭ تانىمال كوشباسشىسى. 2019 جىلى حولدينگ قۇرامىنا پەتروپاۆل قالاسىنداعى «Eurasian Milk» جشس كاسىپورنى كىردى. بۇگىنگى تاڭدا Eurasian Foods Corporation حولدينگى 3 400-دەن استام ادامدى جۇمىسپەن قامتاماسىز ەتەدى.
كومپانيانىڭ قورجىنىندا «3 جەلانيا»، «شەدەۆر»، «زولوتوي ستاندارت»، «زلاتىە گورى»، «يرتىش» برەندتەرىمەن وندىرىلەتىن 200-دەن استام اتاۋلى ساپالى ونىمدەر – مايونەزدەر، كەتچۋپتار، تۇزدىقتار، دامدەۋىشتەر، سارى جانە وسىمدىك مايلارى، مارگاريندەر، تاماققا قوسپالار، مارينادتار جانە ت.ب. بار.
ءامىربولات قۇسايىنۇلى، الماتى
پىكىر قالدىرۋ