Elimizde süt tağamdarın özgeşe türde öñdeytin iri zauıt iske qosıldı
kerey.kz
Zauıt jılına 110 mıñ tonna süt öñdeydi
Soltüstik Qazaqstan oblısında «Eurasian Milk» iri süt zauıtı iske qosıldı. Eurasian Milk zauıtı tarihı 1928 jılı bastalğan Petropavl qalasınıñ süt käsipornınıñ bazasında aşıladı. Bir ğasırğa juıq uaqıttan keyin aymaqtağı tamaq önerkäsibiniñ tarihı tereñ käsiporındarınıñ biri müldem jaña tehnologiyalıq deñgeyde qayta jandandı. Jaña zauıtta şığarılğan süt önimderiniñ alğaşqı partiyası sauda jelilerine 2020 jıldıñ jeltoqsanında tüsedi. Auqımdı jobanı iske qosu el ekonomikasın twraqtandıruğa üles qosadı. Eurasian Foods Corporation (EFC) holdingi iri salıq töleuşilerdiñ qatarına kiredi, ötken jılı memlekettik byudjetke 9 mlrd.teñgeden astam salıq töledi.
Zauıttı jañğırtuğa $12 mln. jwmsaldı. Zauıtta birneşe jeli ornatılğan: Germaniya öndirisi boyınşa sütti qabıldau jäne öñdeu, sarı may öndiru boyınşa şveycariyalıq jeli, irimşik öndiru boyınşa avstriyalıq jeli jäne «mocarella» tipti irimşikter şığaru üşin arnayı italiyalıq jeli. Zauıttıñ mwnday qwrılımı Qazaqstandağı alğaşqı jäne jalğız zauıt sanaladı. Bwl bastamanı SQO äkimdigi de qoldadı.
Alayda, otandıq süt öñdeu käsiporındarı üşin önerkäsiptik öñdeuge jaramdı sapalı süttiñ jetispeuşiligi bar. Onıñ sebebi şikizat jetkiziliminiñ edäuir böligin qwraytın wsaq fermalardıñ bıtırañqılığı men älsizdiginde, olardıñ sapalı jemşöp bazasına qol jetimdiligi men malğa veterinariyalıq kütimniñ bolmauında. Sarapşılar atap ötkendey, şiki süt – bwl saqtau merzimi öte qısqa jäne sapanı jaqsartu men öndiris kölemin wlğaytu wşin öte wzaq uaqıt aralığın jäne qımbatşılıqtı qamtitın önim.
Eurasian Milk basşılığı käsiporınğa şarua qojalıqtarınan jetkiziletin şiki sütti qabıldaudıñ eñ qatañ talaptarına say boluın qamtamasız etuge wmtıladı. Sondıqtan kompaniya fermerlik önimderge kepildendirilgen jäne wzaq merzimdi swranıstı wsına otırıp, jergilikti şaruaşılıqtarmen ıntımaqtastıq ornatudı josparlap otır. Käsiporındağı negizgi mindetterdiñ biri – fermerlermen seriktestik qarım-qatınas ornatu, olarmen aldın-ala birneşe jılğa kelisim-şarttar jasasu. Eurasian Milk fermerlik şaruaşılıqtardı nesielendirude kepilger boluğa, sonday-aq qajet bolğan jağdayda fermerlerge kerekti jabdıqtardı wsınuğa nietti.
Osılayşa, Eurasian Milk basşılığı öz tarapınan süt salasın damıtu boyınşa öñirlik biliktiñ küş-jigerin qoldaydı. Soltüstik Qazaqstanda qazirdiñ özinde süttiñ sapalıq sipattamaların jaqsartuğa, sala käsiporındarı üşin şikizat jetkizudegi iri şaruaşılıqtardıñ ülesin arttıruğa bağıttalğan süt-tauar fermaların damıtu jönindegi bağdarlama jwmıs isteydi. Sonday-aq, memleket investiciyalardı subsidiyalau tetigi arqılı salağa qoldau körsetedi.
«Eurasian Foods Corporation» AQ basqarma törağasınıñ orınbasarı Ivan Kolesnikovtıñ aytuınşa, Qazaqstan narığındağı poziciyasın küşeytuge mümkindik beredi, sonday-aq qazaqstandıqtardı sapalı jäne qoljetimdi süt önimderimen qamtamasız etuge kömektesedi.
«Käsiporınnıñ mindeti – şikizattan bastap, bärinde maksimaldı sapada eñ tömengi özindik qwndı qamtamasız etu. Degenmen, bwl zamanaui tehnologiyalardıñ, tiimdi wyımdastırudıñ jäne joğarı önimdiliktiñ üylesimimen ğana mümkin. Şağın zauıttar, sonday-aq zamanaui jabdıqtarı, sapalı mal bası men jemşöp bazası joq şağın fermalar, ökinişke qaray, belarus'tik, ukrainalıq nemese Baltıq jağalauı kompaniyalarımen bäsekelese almaydı. Öz kezeginde bizdiñ öndiris jılına kem degende 110 mıñ tonna süt öñdeuge bağıttalğan, bwl – oñtaylı deñgey. Biz süt salasınıñ bäsekege qabilettiligin arttıru üşin qolımızdan kelgenniñ bärin jasaudı josparlap otırmız, fermerlermen wzaq merzimdi senimdi qarım-qatınastar ornatamız, alayda olar ekonomikalıq twrğıdan aqtaluı tiis. «Az öndiremiz, qımbat satamız» qağidatınan «köp öndiremiz, ekonomikanıñ osı segmentinde köşbasşı eldermen bäsekeli bağa boyınşa satamız» qağidatına köşuimiz kerek», – dedi Ivan Kolesnikov.
Eurasian Foods Corporation – Qazaqstan men Ortalıq Aziya elderi tamaq önerkäsibiniñ jetekşi käsiporındarınıñ biri, may önimderin öndiruşiler arasında respublikanıñ tanımal köşbasşısı. 2019 jılı holding qwramına Petropavl qalasındağı «Eurasian Milk» JŞS käsipornı kirdi. Bügingi tañda Eurasian Foods Corporation holdingi 3 400-den astam adamdı jwmıspen qamtamasız etedi.
Kompaniyanıñ qorjınında «3 jelaniya», «Şedevr», «Zolotoy standart», «Zlatıe gorı», «Irtış» brendterimen öndiriletin 200-den astam ataulı sapalı önimder – mayonezder, ketçuptar, twzdıqtar, dämdeuişter, sarı jäne ösimdik mayları, margarinder, tamaqqa qospalar, marinadtar jäne t.b. bar.
Ämirbolat Qwsayınwlı, Almatı
Pikir qaldıru