ءبىرىنشى سۋرەتتە، ىبىرايىم جايناقۇلى جانە زايىبى گۇلسىم داداباەۆا

ەكىنشى سۋرەت، ىبىرايىمنىڭ زايىبى گۇلسىم داداباەۆا (اكەسى وزبەك، شەشەسى تاتار)

ءۇشىنشى سۋرەت، ورتادا ىبىرايىم جايناقوۆ، شىعىس تۇركىستان، قۇلجا ق. 1930 ج.

ەسكەرتۋ: تاريحي سۋرەتتەر الفيا گاتياتۋلينانىڭ جەكە ارحيۆىنە ءتان. الفيانىڭ ۇلى شەشەسى ماريام ىبىرايىمنىڭ زايىبى گۇلسىم حانىمنىڭ تۋعان اپكەسى.

ىبىرايىم جايناقۇلى جەتىسۋداعى بەلسەندى الاش قايراتكەرلەرىمەن بىرۋاقىتتا شىعىس تۇركىستانعا ءوتىپ كەتكەن. قۇلجا ولكەسىنە وتكەن جايناقوۆتار سول جاقتا سوۆەت ۇكىمەتى بالشابەكتەرىنە (بولشەۆيك) قارسى قارۋلى ۇيىمدار ۇيىمداستىردى. 1928′دەن كەيىن باستالعان كامپەسكى كەزىندە جانە 1931-33 جىلدارداعى اشارشىلىق كەزىندە قىتايعا اۋعان قازاقتاردى ورنالاستىرۋ قىزمەتتەرىمەن اينالىستى. 1934 جىلدان سوڭ ىلە ۋالاياتى قازاق-قىرعىز مادەني، اعارتۋ ۇيىمىنىڭ جۇمىستارىمەن اينالىستى. وسىعان بايلانىستى تەكەس جانە ورتەكەس اۋداندارىندا كوپ ءجۇردى. 1938 جىلدان كەيىن شىڭ ۇكىمەتى جاعىنان تۇتقىندالىپ ۇرىمجىدە اباقتىدا جاتتى. ودان كەيىنگى ءومىرى بەلگىسىز. تاريحشى ەركىن راحمەتوللا اعامىزدىڭ جەتىسۋ ەنتسيكلوپەدياسىنا سىلتەمە جاساي وتىرىپ كەلتىرگەن ەڭبەگىندە اكەسى جايناقوۆتى ءۇرىمجى تۇرمەسىنەن سەمەيگە الىپ كەتكەنىن بالاسى ومارعا عابدي سايبولاتۇلى ايتقان ەكەن.

دەرەكتەرگە سۇيەنسەك، 1938-1939 جج اراسىنداعى تۇتقىنداۋ مەن تەرگەۋ جۇمىستارىنا قازاقستاننان كەلگەن نكۆد تەرگەۋشىلەرى دە اتسالىسقان.

ەلدەس وردا

03.02.2021