الەۋمەت

ۇستاز جالاقىڭىزدى ەسەپتەي الاسىز با؟

kerey.kz

 |  May 24, 2015

كوپتەگەن ۇستازدار وزدەرىنىڭ جالاقىسىن ەسەپتەۋگە كەلگەندە ەسەپكە جوق بولىپ شىعادى. مۇعالىمدەر بىلە ءجۇرسىن دەگەن ويمەن وتكەندە جازىپ ەدىم، ەندى جاريالاپ وتىرمىن. مۇمكىن قاجەتى بولىپ قالار.

ەلىمىزدە ءبىلىم سالاسىنىڭ قىزمەتكەرلەرىنە مەملەكەت تاراپىنان جالاقىلارىنا ءتۇرلى ۇستەمەاقىلار قوسىلادى. بۇگىن ءبىز باستاۋىش، نەگىزگى جانە ورتا نەمەسە ورتالاۋ ءبىلىم بەرەتىن وقۋ ورىندارىنداعى قىزمەتكەرلەردىڭ جالاقىسىنا قوسىلاتىن ۇستەمەلەر مەن ولاردىڭ كولەمى تۋرالى كەڭەسىمىز مىنە:

جوعارىدا اتاپ وتكەن ءبىلىم سالاسى قىزمەتكەرلەرىنىڭ جالاقىسى قر ۇكىمەتى 2009 جىلى 29 جەلتوقساندا بەكىتكەن №1400 قاۋلىسىمەن ەسەپتەلەدى. قۇجاتتىڭ تولىق اتاۋى «ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسى تۋرالى» دەپ اتالادى.

وسى قاۋلىعا سايكەس، بارلىق ساناتتاعى ۇستازدار G-9 ساناتىنا جاتقىزىلادى (ەگەر ءبىلىمى جوعارى بولسا). اتالعان ساناتقا سايكەس مۇعالىمدەردىڭ ەڭبەك وتىلدەرىنىڭ ايىرماسى وسى پوستتاعى سۋرەتتە بەرىلگەن.

بۇل جەردە شىققان شىعىندى ءسىزدىڭ 18 ساعاتقا ارنالعان لاۋازىمدىق جالاقىڭىزدىڭ كولەمى. ەگەر ساعات سانى 18-دەن از نەمەسە كوپ بولسا 50 514 تەڭگەنى 18-گە ءبولىپ، شىققان شىعىندىنى ءوزىڭىزدىڭ ساعاتتىق جۇكتەمەڭىزگە كوبەيتەسىز. مىسالى سىزدە 25 ساعات جۇكتەمەسى بار. دەمەك، 50 514 تەڭگەنى 18-گە بولگەندە 2806 تەڭگە. ەندى وسىنى 25 ساعاتقا كوبەيتكەندە 70 158 تەڭگە شىعادى. بۇل ءسىزدىڭ ءبىر اي بويعى جالاقىڭىزدىڭ كولەمى. ەندى وسى جالاقىعا ءسىزدىڭ بىلىكتىلىگىڭىز نەمەسە قوسىمشا وزگە جۇكتەمەڭىزگە بايلانىستى مىناداي ءتۇرلى قوسىمشالار قوسىلۋى مۇمكىن: مىسال: جوعارىداعى كەستەدەن ءوزىڭىزدىڭ ەڭبەك ءوتىلىڭىزدى (تەك پەداگوگيكالىق) تابىڭىز. ءسىزدىڭ ەڭبەك ءوتىلىڭىز 4 جىل 3 اي 11 كۇن دەلىك. دەمەك ءسىز كەستەدەگى 3-5 جىل ارالىعىنداعى 2,53 كوەففيتسەنتى بويىنشا ءوز جالاقىڭىزدىڭ كولەمىن بىلە الاسىز. كوەففيتسەنتتى، ياعني 2,53-ءتى بلج (بازالىق لاۋازىمدىق جالاقى) مولشەرىنە كوبەيتەمىز. 2,53ح19 966 = 50 514

1. سىنىپ جەتەكشىلىگى ءۇشىن: 1-4 سىنىپتاردىڭ جەتەكشىلەرىنە بلج-دان 25 پايىز، 5-12 سىنىپتاردىڭ جەتەكشىسىنە بلج-دان 30 پايىز ۇستەمە. جوعارىدا اتاپ وتكەندەي بلج-نىڭ كولەمى قازىرگى ۋاقىتتا 19 966 تەڭگەنى قۇرايدى.

2. داپتەر تەكسەرگەنى ءۇشىن: 1-4 سىنىپتاردىڭ مۇعالىمدەرىنە بلج-دان 20 پايىز، ورىس تىلىندەگى مەكتەپتەردىڭ قازاق ءتىلى مۇعالىمدەرىنە بلج-دان 25 پايىز، بارلىق مەكتەپتەردىڭ بارلىق پاندەرىنەن 5-12 سىنىپتاردىڭ داپتەرىندەگى جازبا جۇمىستارىن تەكسەرگەنى ءۇشىن بلج-دان 25 پايىز ۇستەمە قوسىلادى.

3. ورتا مەكتەپتەردىڭ (ينتەرناتتاردى قوسا العاندا) كابينەت مەڭگەرۋشىلىگى ءۇشىن بلج-نىڭ 20 پايىزى كولەمىندەگى ۇستەمە بەلگىلەنگەن.

ەسكەرتۋ: جوعارىداعى 3 پۋنكتتە اتالعان ۇستەماقىلار وقۋشى سانى 15-تەن كەم بىردەن 2 ەسە قىسقارادى. مىسالى، 30 پايىز ورنىنا 15 پايىز بەلگىلەنەدى.

سونىمەن قاتار، مۇعالىمدەرگە ۇكىمەت تاراپىنان مىناداي ۇستەماقىلار قاراستىرىلعان:

1. اۋىلدىق جەردە قىزمەت ەتكەنى ءۇشىن لاۋازىمدىق جالاقىسىنىڭ 25 پايىزى كولەمىندەگى ۇستەماقى.

2. بىلىكتىلىگى ءۇشىن:

جوعارى ساناتتاعى ۇستازعا – بلج-نىڭ 100 پايىز كولەمىندە;

ءى ساناتتاعى ۇستازعا – بلج-نىڭ 50 پايىزى كولەمىندە;

ءىى ساناتتاعى ۇستازعا – بلج-نىڭ 30 پايىزى كولەمىندە ۇستەمە قوسىلادى. بۇگىنگى ۋاقىتتا بلج-نىڭ كولەمى 19 966 تەڭگە ەكەنىن ەستەرىڭىزگە سالا كەتەيىك.

تاعى ءبىر ايتا كەتەتىن ءجايت، اسكەري ءبىلىم بەرەتىن، پسيحيكالىق اقاۋى بار بالالارعا ساباق بەرەتىن جانە زياندى تەحنيكالىق زاتتارمەن جۇمىس جاساعان قىزمەتكەرلەر ءۇشىن دە قوسىمشا اقىلار قاراستىرىلعان.

جالاقىڭىزعا ءتۇرلى ۇستەمەلەر قوسىلعانىمەن ءسىزدىڭ لاۋازىمدىق جالاقىڭىزدان ءتۇرلى الىمدار ۇستالاتىنىن دا ەسكەرۋ كەرەك. لاۋازىمدىق وكلادتان اۋەلى مىندەتتى زەينەتاقى تولەمى (10 پايىز), كاسىپوداق جارناسى (1 پايىز) (ەگەر ءسىز كاسىپوداققا مۇشە بولساڭىز), تەك ەڭ سونىڭدا وسىلاردان قالعان سۋممانىڭ قورىتىندىسى بويىنشا تابىس سالىعى (10 پايىز) ۇستالادى.

kazbilim.kz