تالانتتى جاس ءانشى دينارا قىرىقباەۆا وسى جىلى ، ياعني 24 — مامىر كۇنى ۇزاتىلدى. دينارانىڭ تاڭداۋى 1985 جىلى تۋعان تالدىقورعان قالاسىنىڭ تۋماسى ولجاس ەسىمدى ازاماتقا تۇسكەن.

21 جاسار ءانشى ديناراعا 5- مامىر كۇنى سۇيگەنى ۇسىنىس ءبىلدىرىپتى. بۇل جايىندا ءوزىنىڭ ينستاگرىمندا «05.05.2015» دەگەن اتپەن سۇيىكتىسى ۇسىنعان گۇلدەر مەن جۇزىگىن سالعان.

سونداي-اق، 10- مامىر كۇنى انشىگە قازاقتىڭ سالتىمەن سىرعا سالىنعان. بۇل جايىندا ءانشى گۇلنۇر ورازىمبەتوۆا الەۋمەتتىك جەلىسىندە ءسۇيىنشى سۇرادى. سەبەبى، دينارا گۇلنۇر حانىمعا ءارى كەلىن، ءارى ابىسىن بولىپ كەلەدى. ەكەۋى دە تالدىقورعاندىق ۇلى جۇزدەرگە كەلىن بولعان.

كەشە، ياعني 24- مامىر كۇنى دينارا الماتى قالاسىنىڭ ءبىر ۇلكەن رەستورانىندا ۇزاتۋ تويىن جاسادى. توي زالى دينارانىڭ سۇيىكتى ءتۇسى سيا كوك (فيولەتوۆىي) تۇسىمەن ساندەلدى. تويدى ازۋلى اسابانىڭ ءبىرى ازامات ساتىبالدى مەن گۇلجان حانىم باسقارسا، قازاقي سالتتى ناسيحاتتاپ جۇرگەن «داريعا شوۋ» ورتالىعى تويدىڭ ءسانىن كەلتىرىپ بيمەن-جىردان شاشۋ شاشقان.

تويدى ءانشى قىز ءوز جارى ولجاسپەن بىرگە «دەرجي مەنيا» انىمەن باستاعان. تويعا باس قۇداعي بولىپ كەلگەن گۇلنۇر ورازىمبەتوۆادان باستاپ، قۇرالاي مەن ميراس، مەرۋەرت تۇسىپباەۆا، ادىلەت جەڭىس، قايرات تۇنتەكوۆ، سەيفۋللين جولبارىس، «رينگو» توبى سىندى تانىمال ادامدار كەلدى. تويدى ۇيىمداستىرۋعا تانىمال اسابالاردىڭ ءبىرىرۋسلان ىسقاق كومەكتەسكەن ەكەن.

ءومىردىڭ جاڭا پاراعىن اشقان ءانشى دينارا قىرىقباەۆاعا نەكە.كز سايتى باقىت تىلەيدى! اتتاعان قادامىڭىزعا نۇر جاۋسىن، ەلىمىزدىڭ ماقتاۋلى ءبىر وتباسى بولۋلارىڭىزعا تىلەكتەسپىز!

neke.kz