پارلامەنت ءماجىلىسىنىڭ دەپۋتاتى مەيرام بەگەنتاەۆ قىسقاشا ۇزىلىستەن كەيىن قازاقستاننىڭ شەكسىز دالاسىن جىلجىمالى ۇيىمەن ارالاۋدى جالعاستىردى. ول ءوزىنىڭ ساپارى جونىندە Facebook جەلىسىندەگى پاراقشاسىنا جازادى، سول جەردە ءوز تولعانىسىمەن بولىسەدى. مىسالى، دەپۋتاتتى جولداردىڭ ساپاسى، كەمپينگكە جاسالعان جاعدايلاردىڭ ناشارلىعى مەن ادەمى جەرلەردەگى تولىپ جاتقان قوقىس تولعاندىرادى، – دەپ حابارلايدى Tengrinews.kz تىلشىسى.

“اۆتوساياحاتتى جالعاستىردىق. كەشە قاراعاندىعا جول تارتتىق، سودان كەيىن بالقاشقا. بالالار جولدا بىردەن ۇيىقتاپ قالدى. تاڭەرتەڭ ەرتە ساعات 06.00-دە شىقساق تا، تاس جولدا كولىك كوپ. جولدىڭ قارسى باعىتىنا شىعاتىن جەرگىلىكتى كولىكتەر جەتەرلىك. جول بويى جۇك كولىكتەرگە تولى جەرلەرگە ءجيى كەزدەستىم، تاس جول جاپ-جاڭا. مۇنىڭ ەكى سەبەبى بولۋى مۇمكىن: جول جابىندىسى ساپاسىز نەمەسە كولىك ينسپەكتسياسى بايقاماي 25 تونناعا ارتىق تيەلگەن قىتايدىڭ 40 توننالىق كولىكتەرىن تاس جولعا جىبەرگەن. مەنىڭ بىلۋىمشە، ولار كارەرلەردە جۇمىس ىستەۋگە ارنالعان. ءبىز جولدار كوتەرمەيتىن جۇكتەردى تاس جولدار ارقىلى تاسىمالداپ، ءوز ىدىسىمىزعا ءوزىمىز تۇكىرەمىز. ءبىر قولىمىزبەن جاساپ، ەكىنشى قولىمىزبەن بۇلدىرەمىز”، – دەپ ءوز ويىمەن ءبولىستى بەگەنتاەۆ جانە ءوز تولعانىسىن سۋرەتىمەن تۇيىندەدى.

مەيرام بەگەنتاەۆتىڭ Facebook جەلىسىندەگى پاراقشاسىنان الىنعان سۋرەت

“رۋلدە وتىرعاندا وي كوپ كەلەدى. مەنىڭ ويىما مىناۋ كەلدى. جولدار – كەز كەلگەن ەلدىڭ كۇرەتامىرى. ءبىز جولدا ءبىر-بىرىمىزگە جۇرگىزۋشىلىك داستۇرمەن كومەگىمىزدى كورسەتەمىز، جولدا ماي قىزمەتكەرلەرى تۇرسا بەلگى بەرەمىز. بىراق بۇل ءوزارا كومەك پە؟ جاقىندا ماعان بىرەۋ ءبىر وقيعانى ايتىپ بەردى، ءبىر بەدەلدى ادام جىلدامدىقتى اسىرعانى ءۇشىن ۇستالعان بالاسىن كەزەكتى رەت اقتاپ الىپتى. ەڭ سوراقىسى، جىگىت بوساپ شىققاننان كەيىن 20 مينۋت وتكەندە جول اپاتىنا تۇسكەن. ايتۋىنشا، اكەسى بالاسىن ءوز قولىممەن ءولتىردىم دەپ ءوزىن جازعىرادى ەكەن. سوندىقتان جولداعى كەزەكتى ءبىر ماجوردى كورىپ، اتا-اناسىنا جانىم اشىپ كەتتى”، – دەپ جازدى دەپۋتات.

ودان ءارى ول دەمالىس ورىندارىنداعى قوقىس ماسەلەسى تۋرالى ايتتى.

“بينگو، ءبىز بالقاش كولىنە قاراي جول تارتتىق! بۇعان دەيىن ايتقانىمداي – دەمالىس توڭىرەكتى تازارتۋدان باستالدى. قاسىمىزدا دەمالىپ جاتقانداردىڭ قولداۋ كورسەتكەنىن ايتا كەتۋدىڭ ءوزى جاعىمدى ء(تىپتى ۇلكەن قىزىم سىپىردى، ءبىز ولارعا وسىلايشا ۇلگى بولعان شىعارمىز؟)”، – دەپ ءوز ويىمەن ءبولىستى بەگەنتاەۆ.

ول چەليابينسكتەن كەلگەن تۋريستەرمەن ايتقان اڭگىمەسى تۋرالى جازدى، دەپۋتات ولارمەن بالقاشتا جولىعىپتى.

“شايانداردى ۇستاعانشا اڭگىمەلەسۋدىڭ ءساتى ءتۇستى. جىگىتتەردىڭ ول جەردە ءۇش كۇن بويى تۇرىپ جاتقاندارى انىقتالدى. باسىندا ولار دەمالىس ورىندارىنىڭ بىرىنە توقتاپتى، ال كەلەسى كۇنى ول جەردەن كەتىپ قالعان. سونىمەن قاتار، بالقاش جاعالاۋىندا دا تاعىلىققا تاپ بولىپتى، ولار دا اينالانى قوقىستان ۇزاق تازارتقان. ولاردىڭ التاۋى ەرەسەك ادامدار جانە ءتورت بالا بار ء(ۇش وتباسى – ءۇش باۋىر جۇبايلارىمەن جانە بالالارىمەن). ايتۋلارىنشا، جاعالاۋدان سىرانىڭ ءجۇز شولمەگىن تەرىپ الىپتى، ولار ءبىر قارۋدان اتىلعان ەكەن (بۇل دەگەنىڭىز جاعاجايدا سۇمدىق قوي!!!) ەلىم ءۇشىن قاتتى ۇيالدىم، سەبەبى ولار ءبىزدىڭ قوناق قوي، ونى وزدەرىنە ايتىپ، مويىندادىم دا. ولار بىلاي دەپ جاۋاپ بەردى: “ەشتەڭە ەتپەيدى، مۇنداي كوپتەگەن جەردە كەزدەسەدى”، – دەپ اياقتادى اڭگىمەسىن دەپۋتات.

مەيرام بەگەنتاەۆتىڭ Facebook جەلىسىندەگى پاراقشاسىنان الىنعان سۋرەت

ەسكە سالا كەتەيىك، دەپۋتات ءوزىنىڭ ساياحاتى جونىندە 23 شىلدە كۇنى الەۋمەتتىك جەلى ارقىلى حابارلادى. سودان بەرى ول بارلىق اسەرىمەن الەۋمەتتىك جەلى ارقىلى ءبولىسىپ ءجۇر.

مەيرام بەگەنتاەۆتىڭ Facebook جەلىسىندەگى پاراقشاسىنان الىنعان سۋرەت

Tengrinews.kz