Parlament Mäjilisiniñ deputatı Meyram Begentaev qısqaşa üzilisten keyin Qazaqstannıñ şeksiz dalasın jıljımalı üyimen aralaudı jalğastırdı. Ol öziniñ saparı jöninde Facebook jelisindegi paraqşasına jazadı, sol jerde öz tolğanısımen bölisedi. Mısalı, deputattı joldardıñ sapası, kempingke jasalğan jağdaylardıñ naşarlığı men ädemi jerlerdegi tolıp jatqan qoqıs tolğandıradı, – dep habarlaydı Tengrinews.kz tilşisi.

“Avtosayahattı jalğastırdıq. Keşe Qarağandığa jol tarttıq, sodan keyin Balqaşqa. Balalar jolda birden wyıqtap qaldı. Tañerteñ erte sağat 06.00-de şıqsaq ta, tas jolda kölik köp. Joldıñ qarsı bağıtına şığatın jergilikti kölikter jeterlik. Jol boyı jük kölikterge tolı jerlerge jii kezdestim, tas jol jap-jaña. Mwnıñ eki sebebi boluı mümkin: jol jabındısı sapasız nemese kölik inspekciyası bayqamay 25 tonnağa artıq tielgen qıtaydıñ 40 tonnalıq kölikterin tas jolğa jibergen. Meniñ biluimşe, olar kar'erlerde jwmıs isteuge arnalğan. Biz joldar kötermeytin jükterdi tas joldar arqılı tasımaldap, öz ıdısımızğa özimiz tükiremiz. Bir qolımızben jasap, ekinşi qolımızben büldiremiz”, – dep öz oyımen bölisti Begentaev jäne öz tolğanısın suretimen tüyindedi.

Meyram Begentaevtıñ Facebook jelisindegi paraqşasınan alınğan suret

“Rul'de otırğanda oy köp keledi. Meniñ oyıma mınau keldi. Joldar – kez kelgen eldiñ küretamırı. Biz jolda bir-birimizge jürgizuşilik dästürmen kömegimizdi körsetemiz, jolda MAI qızmetkerleri twrsa belgi beremiz. Biraq bwl özara kömek pe? Jaqında mağan bireu bir oqiğanı aytıp berdi, bir bedeldi adam jıldamdıqtı asırğanı üşin wstalğan balasın kezekti ret aqtap alıptı. Eñ soraqısı, jigit bosap şıqqannan keyin 20 minut ötkende jol apatına tüsken. Aytuınşa, äkesi balasın öz qolımmen öltirdim dep özin jazğıradı eken. Sondıqtan joldağı kezekti bir majordı körip, ata-anasına janım aşıp ketti”, – dep jazdı deputat.

Odan äri ol demalıs orındarındağı qoqıs mäselesi turalı ayttı.

“Bingo, biz Balqaş köline qaray jol tarttıq! Bwğan deyin aytqanımday – demalıs töñirekti tazartudan bastaldı. Qasımızda demalıp jatqandardıñ qoldau körsetkenin ayta ketudiñ özi jağımdı (tipti ülken qızım sıpırdı, biz olarğa osılayşa ülgi bolğan şığarmız?)”, – dep öz oyımen bölisti Begentaev.

Ol Çelyabinskten kelgen turistermen aytqan äñgimesi turalı jazdı, deputat olarmen Balqaşta jolığıptı.

“Şayandardı wstağanşa äñgimelesudiñ säti tüsti. Jigitterdiñ ol jerde üş kün boyı twrıp jatqandarı anıqtaldı. Basında olar demalıs orındarınıñ birine toqtaptı, al kelesi küni ol jerden ketip qalğan. Sonımen qatar, Balqaş jağalauında da tağılıqqa tap bolıptı, olar da aynalanı qoqıstan wzaq tazartqan. Olardıñ altauı eresek adamdar jäne tört bala bar (üş otbası – üş bauır jwbaylarımen jäne balalarımen). Aytularınşa, jağalaudan sıranıñ jüz şölmegin terip alıptı, olar bir qarudan atılğan eken (bwl degeniñiz jağajayda swmdıq qoy!!!) Elim üşin qattı wyaldım, sebebi olar bizdiñ qonaq qoy, onı özderine aytıp, moyındadım da. Olar bılay dep jauap berdi: “Eşteñe etpeydi, mwnday köptegen jerde kezdesedi”, – dep ayaqtadı äñgimesin deputat.

Meyram Begentaevtıñ Facebook jelisindegi paraqşasınan alınğan suret

Eske sala keteyik, deputat öziniñ sayahatı jöninde 23 şilde küni äleumettik jeli arqılı habarladı. Sodan beri ol barlıq äserimen äleumettik jeli arqılı bölisip jür.

Meyram Begentaevtıñ Facebook jelisindegi paraqşasınan alınğan suret

Tengrinews.kz