سۋ تۋرالى “ۋاعىز”
kerey.kz
عالىم بوقاشتىڭ facebook پاراقشاسىنان الىندى
“قارا سۋ ىشسەڭ، جۇرەگىڭ قارايادى”، “شيكى سۋ ىشسەڭ، شيكىوكپە بولىپ قالاسىڭ”، “سۋ ىشكەنشە، شاي ءىش”، “تەرلەپ تۇرىپ سۋ ىشپە، ءىشىڭ قاتادى”، “جۇگىرىپ ءجۇرىپ سۋ ىشپە، ىشەگىڭ تۇيىلەدى” دەگەن سياقتى قاعيداتتاردى بەرىك ۇستاناتىن قازاق اۋىلدارىنان شىققان وسىنداعى دوس-جارعا ايتار ءبىر كەڭەسىم بار. ەندى بۇل وتىرىك فالسافامەن بالالارىڭدى ۋلاماڭدار:) كۇنىنە ءبىر جارىم-ەكى ليتر سۋ ىشپەگەن بالا سۋارىلماعان شىبىق قۇساپ قاتىپ-سەمىپ قۋراپ قالادى. شاي مەن كوفە كەرىسىنشە اعزاداعى سۇيىقتىقتى ايداپ شىعادى (كۇنىنە ءبىر مارتە قانىپ ىشكەندە تۇرعان ەشتەڭە جوق، ارينە). بالالار تاڭەرتەڭ تۇرا سالىپ تاڭعى اسقا دەيىن كەم دەگەندە 150-200 گرامم سۋ ءىشسىن، بۇكىل اعزاسى مايلانىپ، اسقازانى جايلانىپ تۇرادى، تابەتى اشىلادى، ميى سەرگيدى. تەرلەپ-تەپشىپ جۇمىس ىستەپ جاتسا، يا اعىل-تەگىل بولىپ ويناپ جۇگىرىپ جۇرسە، دورباسىنداعى سۋ بوتەلكەسىن ۇنەمى “ەمىپ” ءجۇرسىن. 70 پايىز سۋدان تۇراتىن اعزاسىنان تەرمەن شىققان سۋدىڭ ورنىن بىردەن تولتىرىپ وتىرسىن. كىتاپ وقىپ، جازۋ جازىپ وتىرعاندا دا تۋرا سولاي سۋ ءىشسىن. “تەرلەگەن جوقپىن عوي” دەپ ويلاماسىن. وي ەڭبەگى اعزاداعى سۇيىقتىقتى ىشتەن ءتىپتى قاتتى جاندىرىپ جىبەرەدى. بالانى iPhone-ىمەن بىرگە شاعىن سۋ بوتەلكەسىن قولىنان تاستامايتىنداي ەتىپ “دۋالاپ” تاستاۋ كەرەك. سول كەزدە بارىپ ءدۇر كوتەرىلىپ، جايقالىپ وسكەنىن بايقايسىز. اعزاسىنداعى سۋ مولشەرى قالپىنا كەلگەندە ەكى بەتى نارتتاي قىزارىپ، كوزدەرى جانىپ، دەل-سال قالپى جوعالىپ، ۇرشىقشا شىرق ءۇيىرىلىپ شىعا كەلەدى. ايتپەسە سوۆەت بۋىنى قۇساپ جۇرەدى، ەرىكتى تۇردە ءوزىن سۋدان قىسىپ، قىرىققا جەتپەي قۋراپ، ومىرتقاسىنىڭ شەمىرشەگىنە دەيىن كەبىرسي جارىلىپ (“گرىجا ديسكا” دەگەن – سول), بەلى شويىرىلىپ، ويى شاشىراپ:) ايتپاقشى، سۋ دەگەندە كادىمگى قارا سۋدى، يا فيلتردەن عانا وتكەن شيكى سۋدى ايتىپ وتىرمىن. قايناق سۋ ەمەس. سول قارا سۋدىڭ ەمدىك قاسيەتتەرىن تۇگەل بىلگىلەرىڭىز كەلسە، مىنا جاپون عالىمىنىڭ عالامات ەڭبەگىن وقىپ شىعىڭىزدار. بۇگىنگى ۋاعىزىمنىڭ تەگىن ەمەس ەكەنىنە كوزدەرىڭىز جەتە تۇسەدى:)
The True Power of Water: Healing and Discovering Ourselves
پىكىر قالدىرۋ