بۇعان دەيىن جازعانىمىزداي، قاجىمقان ءماسىموۆ «فازىل-گازى توپلى» قايىرىمدىلىق قورى قۇرىلتايشىلارىنىڭ ءبىرى بولعان. ول جالعان حاتتاما ازىرلەۋ ارقىلى اۋماعى 1074,8 شارشى مەتر بولاتىن عيماراتتى ءوزىنىڭ تۋعان باۋىرىنا ساتىپ جىبەرگەن. بورالداي اۋىلىنداعى وسىناۋ عيماراتتا بۇعان دەيىن الەۋمەتتىك جاعدايى تومەن وتباسىلاردان شىققان جانە اتا-اناسىنىڭ قامقورىنسىز قالعان جەتىم بالالار تۇرىپ كەلگەن.

ماسىموۆكە الدانىپ قالعان «فازىل-گازى توپلى» قورىنىڭ وزگە قۇرىلتايشىلارى – ىقلاس ەرلان، ولگۋن مەحمەت جانە باقىت دارياباەۆ مۇنان كەيىن سوتقا ارىزدانىپ، عيماراتتى ساتۋ تۋرالى حاتتامانى زاڭسىز دەپ تابۋىن سۇراعان. 3 مامىر كۇنى سۋديا اتالعان قۇجاتتىڭ راسىمەن دە قولدان جاسالعانىن راستاپ، عيماراتتى زاڭدى يەلەرىنە قايتارۋ تۋرالى شەشىم شىعاردى. سونداي-اق، پرەمەردىڭ اكەسى مەملەكەتكە سالىق رەتىندە 100 مىڭ تەڭگە تولەۋى ءتيىس. ال، 60 بالاعا ارنالعان بالالار ءۇيىنىڭ قوجايىندارى سوتتا ءادىل شەشىم شىعارعانى ءۇشىن سۋدياعا العىسىن ءبىلدىردى.

sn.kz