فوتو: NUR.KZ
قىتايدان كەلگەن 3-ءشى دəرەجەلى قىزمەتكەرلەرىن ۇستاپ، قازاقستاندىق جۇمىسشىلاردى قىسقارتقان چجان تسزيۋن جاۋاپ بەرە الماي ساستى. بۇگىن اقتوبە وبلىسىنىڭ əكىمى بەردىبەك ساپارباەۆ “ۇلى قابىرعا” مۇناي كومپانياسىنىڭ باس ديرەكتورى چجان تسزيۋن جاساعان جۇمىس ەسەبىن تىڭداۋعا باردى. وتكەن جىلى قۇردىمعا كەتكەلى تۇرعاندىعى ايتىلعان كومپانيا تاعى ءبىر جىل ىشىندە ەشتەڭە جاساماعان بولىپ شىقتى.
Əكىم ەش جۇمىس جاساماي، قىزمەتكەرلەرىن قاڭعىتىپ جىبەرگەن كومپانيا باسشىسىن سىنعا الدى.
“جۇمىستى جاقسارتۋ، جۇمىسشىلار جالاقىسىن كوتەرۋگە قاتىستى كەلىسىمشارتقا وتىردىق. كەلىسىمدەگى 10 ءبولىمنىڭ 6-ۋى ورىندالماعان. كومپانيا باسشىسىنا بىرنەشە رەت ەسكەرتۋ جاسالىندى. وتكەن جىلعى شىعىن 1 ميللياردتان اسقان. شىعىنداردى تالداۋ كەرەك. كەلىسىم-شارتتى ورىنداماسا، وندا موينىنا نەگە الادى؟ ءۇش جاقتى كەلىسىمنىڭ 60 پايىزى ورىندالماعان. بىزدە “داعدارىس” دەگەن جاقسى سىلتاۋ بار. داعدارىس تەك سىزدەرگە كەلدى مە؟ قالعان مەكەمەلەر جولىن تاۋىپ جاتىر. بۇرعىلاۋ جۇمىسىنا قاراپ وتىرۋعا بولمايدى.
فوتو: NUR.KZ
ەگەر بۇل كومپانيا وسىنداي قيىندىقتار تۋعىزاتىن بولسا، بىزگە كەرەك ەمەس. اقتوبە بۇل كومپانياسىز قۇلاپ قالمايدى. ەكونوميكالىق جاعدايىن جاقسارتپاسا، جابۋ كەرەك. ءبىز جىلدا وسى كومپانيادان قىسقارعان ادامداردى جۇمىسپەن قامتاماسىز ەتىپ وتىرمىز. كومپانيا جۇمىسشى جاعدايىن جاقسارتپاسا، بىزگە كەرەك ەمەس”، – دەدى وبلىس əكىمى.
وبلىس əكىمى ناقتى سۇراقتارعا جاۋاپ بەرە الماي ساسقالاقتاپ، كۇمىلجىپ قالعان قىتاي كومپانياسىنىڭ باسشىسىنا ەسكەرتۋ جاسادى. كومپانيادا جۇمىسشىلاردى قىسقارتۋ ەكى ەسەگە ازايعان. مىڭداعان قازاقستاندىق مۇنايشىلار قىسقارتۋعا ۇشىراپ جاتقاندا، كومپانيادا ءۇشىنشى دəرەجەلى قىتايلار ءəلى جۇمىس جاساپ جۇرگەن بولىپ شىقتى.
“قازاقستاندىق جۇمىسشىلار قىسقارتىلىپ جاتقاندا، نەگە شەتەلدەن ءۇشىنشى، ءتورتىنشى دəرەجەلى جۇمىسشىلار əكەلىنەدى؟ مۇنى قويۋ كەرەك. ەگەر اقتوبەدە جۇمىس جاساعىلارىڭ كەلسە، جۇمىسشىلاردى قىسقارتۋدى قويىڭىزدار”، – دەدى وبلىس باسشىسى.
مۇناي كومپانياسىنىڭ باسشىسى دا، ەكونوميكالىق جاعدايىنا جاۋاپ بەرەتىن ماماندارى دا əكىم قويعان سۇراقتارعا ناقتى جاۋاپ بەرە الماي باستارىن قاسىپ، كۇمىلجىپ قالدى.
فوتو: NUR.KZ
“جۇمىسشىلار جالاقىسى 7 پايىزعا تومەندەگەن، əلەۋمەتتىك تولەماقى ازايعان. وتكەن جىلدىڭ 12 ايىندا 6 رەت وسى كومپانيا مəسەلەسى قارالعان. كومپانيا باسشىسىنىڭ جۇمىسىندا ەش نəتيجە جوق.
“جۇمىسشىلاردى قىسقارتۋ توقتاتىلسىن” دەگەن تالابىمىز دا ورىندالماي وتىر. سوڭعى ەكى جىلدا جۇمىسشىلار سانى ەكى ەسەگە قىسقارتىلعان. بۇلاي بولمايدى”، – دەدى ساپارباەۆ.
ەستەرىڭىزگە سالساق، “ۇلى قابىرعا” مۇناي كومپانياسىنىڭ باسشىسى وتكەن جىلى بەردىبەك ساپارباەۆتان قازاق تىلىندە اۋدارماشى ۇستاماعانى ءۇشىن ءسوز ەستىگەن بولاتىن.
بۇگىنگى جيىندا قىتاي كومپانياسىنىڭ باسشىسى ءسوز الدىندا بايانداماسىن ورىس جəنە قازاق تىلىندە جاساي الاتىنىن ايتتى.
“قازاقشا سويلەيىن دەپ تۇرسىز با؟”، – دەگەن بەردىبەك ساپارباەۆ تاڭدانىسىن جاسىرا العان جوق. چجان تسزيۋن ەكى تىلدە دە اۋدارماشى دايىنداپ قويعانىن ايتىپ، قىزمەتكەرلەرىنىڭ الدىندا كۇلكىگە قالدى.
NUR.KZ
پىكىر قالدىرۋ