Aqtöbedegi qıtay kompaniyasınıñ basşısı Berdibek Saparbaevtan öz kompaniyasın jappauın jalınıp swradı dep habarlaydı NUR.KZ tilşisi.

Qıtaydan kelgen 3-şi dərejeli qızmetkerlerin wstap, qazaqstandıq jwmısşılardı qısqartqan Çjan Czyun' jauap bere almay sastı. Bügin Aqtöbe oblısınıñ əkimi Berdibek Saparbaev “Wlı Qabırğa” mwnay kompaniyasınıñ bas direktorı Çjan Czyun' jasağan jwmıs esebin tıñdauğa bardı. Ötken jılı qwrdımğa ketkeli twrğandığı aytılğan kompaniya tağı  bir jıl  işinde eşteñe jasamağan bolıp şıqtı.

Əkim eş jwmıs jasamay, qızmetkerlerin qañğıtıp jibergen kompaniya basşısın sınğa aldı.

“Jwmıstı jaqsartu, jwmısşılar jalaqısın köteruge qatıstı kelisimşartqa otırdıq. Kelisimdegi 10 bölimniñ 6-uı orındalmağan. Kompaniya basşısına birneşe ret eskertu jasalındı. Ötken jılğı şığın 1 milliardtan asqan. Şığındardı taldau kerek. Kelisim-şarttı orındamasa,  onda moynına nege aladı? Üş jaqtı kelisimniñ 60 payızı orındalmağan. Bizde “dağdarıs” degen jaqsı sıltau bar. Dağdarıs tek sizderge keldi me? Qalğan mekemeler jolın tauıp jatır. Bwrğılau jwmısına qarap otıruğa bolmaydı.

Eger bwl kompaniya osınday qiındıqtar tuğızatın bolsa, bizge kerek emes. Aqtöbe bwl kompaniyasız qwlap qalmaydı. Ekonomikalıq jağdayın jaqsartpasa, jabu kerek. Biz jılda osı kompaniyadan qısqarğan adamdardı jwmıspen qamtamasız etip otırmız. Kompaniya jwmısşı jağdayın jaqsartpasa, bizge kerek emes”, – dedi oblıs əkimi.

Oblıs əkimi naqtı swraqtarğa jauap bere almay sasqalaqtap, kümiljip qalğan qıtay kompaniyasınıñ basşısına eskertu jasadı. Kompaniyada jwmısşılardı qısqartu eki esege azayğan. Mıñdağan qazaqstandıq mwnayşılar qısqartuğa wşırap jatqanda, kompaniyada üşinşi dərejeli qıtaylar əli jwmıs jasap jürgen bolıp şıqtı.

“Qazaqstandıq jwmısşılar qısqartılıp jatqanda, nege şetelden üşinşi, törtinşi dərejeli jwmısşılar əkelinedi? Mwnı qoyu kerek.  Eger Aqtöbede jwmıs jasağılarıñ kelse, jwmısşılardı qısqartudı qoyıñızdar”, – dedi oblıs basşısı. 

Mwnay kompaniyasınıñ basşısı da, ekonomikalıq jağdayına jauap beretin mamandarı da əkim qoyğan swraqtarğa naqtı jauap bere almay bastarın qasıp, kümiljip qaldı.

“Jwmısşılar jalaqısı 7 payızğa tömendegen, əleumettik tölemaqı azayğan. Ötken jıldıñ 12 ayında 6 ret osı kompaniya məselesi qaralğan. Kompaniya basşısınıñ jwmısında eş nətije joq.

“Jwmısşılardı qısqartu toqtatılsın” degen talabımız da orındalmay otır. Soñğı eki jılda jwmısşılar sanı eki esege qısqartılğan.  Bwlay bolmaydı”, – dedi Saparbaev.

Esteriñizge salsaq, “Wlı Qabırğa” mwnay kompaniyasınıñ basşısı ötken jılı Berdibek Saparbaevtan qazaq tilinde audarmaşı wstamağanı üşin söz estigen bolatın.

Bügingi jiında qıtay kompaniyasınıñ basşısı söz aldında bayandamasın orıs jəne qazaq tilinde jasay alatının ayttı.

“Qazaqşa söyleyin dep twrsız ba?”, – degen Berdibek Saparbaev tañdanısın jasıra alğan joq. Çjan Czyun' eki tilde de audarmaşı dayındap qoyğanın aytıp, qızmetkerleriniñ aldında külkige qaldı.

NUR.KZ