Keyingi kezde «Qazaq radiosınan» nemese «Şalqardan» «Bizdiñ ağay tamaşa» änin türli änşilerdiñ orındauında jii beriletinin bayqap jürmin. Bwl än bizdiñ jas kezimizde, ötken ğasırdıñ jetpisinşi jıldarında şıqqan bolatın. Ol kezde «äyel qwqığı» dürildep twrğan kez. Äzil-äjuası bar (sözi Ospanhan ağanıki), äueni ädemi (N.Tilendiev) än jwrt arasına tez taradı. Özi sol zamannıñ, sol uaqıttıñ talabımen jazılğan şığarma bolatın. Erkekterdiñ äyelderine qolğabıs jasauı, kömektesui özekti bolğan tws şığar. Onı ülken de ayttı, kişi de ayttı: Jeñgey ketse qıdırıp Keş keledi kün jürip Ağay üyde otıradı Şılpıldatıp kir juıp Bizdiñ ağay, bizdiñ ağay bizdiñ ağay tamaşa! Osı siyaqtı änderdiñ tärbiesi men ıqpalı bolar, bügingi genderlik sayasat twsında birqatar erkekter şın mäninde «şılpıldatıp kir juıp», «kespe kesip, nan ilep», «qwrt qaynatıp, may şayqap» ketti. Arada otız-qırıq jıl ötken soñ radiodan beriletin osı än qazir qwlağıma türpidey tietin bolıp jür. Änge eşqanday «pretenziyam» joq. Biraq büginde qazaq qoğamı «şılpıldatıp kir juatın» erkekke emes, bala-şağa asıraytın, qoğamnıñ jügin köteretin, wlttıñ namısın qorğaytın azamattarğa mwqtaj. «Şılpıldatıp kir juatın» jigitter ökinişke qaray aliment töleuge de qauqarsız. Änniñ özi de – sayasat, sözi de sayasat. Ötken ğasırdıñ 30-şı jıldarı Germaniyada ükimet basına kelgen Gitler radiodan äskeri änderdi twraqtı bergizudiñ arqasında eki jıldıñ işinde bükil nemis halqı qoldağan faşistik rejim qwrğanı este. Änniñ sözi mi astarında (podsoznanie) qaladı. Al bizde bükil qoğam bolıp erkek tärbieleytin, azamat qalıptastıratın twsta «Qazaq radiosı» men «Şalqardan» qazaq azamattarınıñ «orientaciyasın» «kir juuğa» bağıttaytın änder berudiñ qajeti joq dep esepteymin. Meniñ pikirim keybireulerge wnamauı da mümkin. Biraq wlt tağdırına qatıstı wsaq-tüyek bolmaydı dep esepteymin!