Donal'd Tramp Qasım-Jomart Toqaevtı qwttıqtadı
kerey.kz
Qazaqstan Respublikasınıñ Prezidenti lauazımına kirisuine oray, Qasım-Jomart Toqaevtıñ atına qwttıqtau jedelhattarı men hattar kelip tüsude-dep habarlaydı aqorda.
Amerika Qwrama Ştattarınıñ Prezidenti Donal'd Tramp Qazaqstannıñ Twñğış Prezidenti – Elbası Nwrswltan Nazarbaevpen birlesken jwmısın joğarı bağalay kelip, Qasım-Jomart Toqaevpen de osınday jemisti qarım-qatınas qalıptasatının asığa kütetinin atap ötken.
«Men Sizdi eliñizdiñ Prezidenti lauazımına kirisuiñizben qwttıqtağım keledi, sonday-aq Naurız meyramında Sizge, otbasıñız ben Qazaqstan halqına quanış pen ösip-örkendeu tileymin. Osı künderi köptegen amerikalıqtar men älem halıqtarı da osı tamaşa jañaru meyramın atap ötude. Biz elderimiz arasındağı qatınastarda ülken tabıstarğa qol jetkizdik jäne men olardıñ damuı jalğasatınına quanıştımın. Amerika halqı men biznesiniñ Qazaqstanmen ekonomikalıq ıntımaqtastıqtı damıtu üşin jaña bağıttardı izdeuin jalğastırıp jatqanın da alğausız aq köñilimmen baqılap otıramın. Naurız qwttı bolsın!», – delingen jedelhatta.
Bel'giya Koroli Filipp Qasım-Jomart Toqaevtı Qazaqstan Prezidenti lauazımına kirisuimen qwttıqtaydı jäne joğarı memlekettik qızmette ülken tabıstarğa jetuine şın jürekten tilektestigin bildiredi.
AQŞ Memlekettik departamenti resmi ökiliniñ orınbasarı Robert Palladino öziniñ mälimdemesinde Qazaqstannıñ Twñğış Prezidenti – Elbası Nwrswltan Nazarbaevtıñ AQŞ pen Qazaqstan arasındağı berik te serpindi qatınastarınıñ qalıptasuı men damuına qosqan ülesin joğarı bağalaydı.
«Qazaqstan üşin osınday tarihi künde biz zamanaui, egemen jäne ösip-örkendegen Qazaqstannıñ negizin qalauşı retindegi eñbegi zor dep sanaymız jäne onıñ ülgili öñirlik jäne jahandıq auqımda körsetken jauapkerşilikti basşılığın moyındaymız.
Biz sonımen qatar onıñ yadrolıq taratpau salasındağı aytarlıqtay eñbegine, denuklearizaciya jönindegi jahandıq küş-jiger jwmsaudağı köşbasşılığına, bilikti beybit jolmen berudegi ülgili is-äreketine jäne Qazaqstandağı, sonday-aq twtastay öñirdegi beybitşilik pen ösip-örkendeudi qamtamasız etu isine qosqan ülesine tañğala otırıp rizaşılığımızdı bildiremiz.
Biz Qazaqstannıñ jaña Prezidenti Qasım-Jomart Toqaevtı qwttıqtaymız jäne eki memleket arasındağı keñ kölemdi strategiyalıq äriptestikti tereñdetu boyınşa birlesken jwmıstar jalğasadı dep ümittenemiz. Sonday-aq bizderdiñ ekonomikalıq damu, sauda-sattıq pen investiciyalar, öñirlik jäne jahandıq qauipsizdikti qamtamasız etudegi wzaq merzimdi özara müddelerimiz jalğasadı dep senemiz», – delingen mälimdemede.
Germaniya Federativtik Respublikasınıñ Prezidenti Frank-Val'ter Ştaynmayer Qazaqstan men Germaniyanı äriptestik qatınastar baylanıstıratının, al ekijaqtı ıntımaqtastıq köpqırlı jäne serpindi baylanıstardıñ berik irgetasına negizdelgenin atap körsetedi. GFR Prezidenti Qazaqstannıñ öñirde aytarlıqtay jäne jauapkerşilikti röl atqaruın jalğastıratınına jäne Germaniyanıñ seriktesi bolıp qalatınına senim bildiredi.
Italiya Respublikasınıñ Prezidenti Serdjo Mattarella Italiya halqınıñ jäne jeke öziniñ atınan Qasım-Jomart Toqaevtı Qazaqstan Respublikasınıñ Prezidenti lauazımına tağayındaluımen qwttıqtap, Qazaqstan üşin mañızdı osı tarihi kezeñde joğarı mandatın tabıstı orındauğa tilektestigin bildiredi.
«Sizdiñ mandatıñız barısında Qazaqstan men Italiya arasındağı qatınastar ekijaqtı formatta da, sonday-aq Euroodaqpen qatınastar ayasında da keñ äri köpqırlı negizde nığaya beredi dep ümittenemin», delingen qwttıqtau hatında.
Majarstan Prezidenti YAnoş Ader öziniñ jedelhatında majar jäne qazaq halıqtarı arasındağı izgi dostıqtı saqtau men nığaytu birinşi kezektegi mañızğa ie ekenin ayta kelip, Majarstannıñ eki el arasındağı jaqın qatınastar men özara qwrmetke qwrılğan ıntımaqtastıqtı äri qaray damıtuğa dayın ekenin atap körsetedi.
Ukraina Prezidenti Petr Poroşenko Qasım-Jomart Toqaevtıñ käsibiligi men ömirlik täjiribesi Qazaqstannıñ äri qaray damuına, memleket retinde irgesi beki tüsuine jäne halıqaralıq arenadağı bedelin bekemdeuge ıqpal etetinin atap ötedi.
«Ortaq küş-jiger nätijesinde qol jetkizilgen dostıq pen özara qwrmet bizdiñ elderimizdi äri qaray da özara tiimdi ıntımaqtastıqqa jetelep, ekijaqtı jäne halıqaralıq mindettemelerimizdi naqtı orındauğa alğışart jasaytınına senemin», – delingen jedelhatta.
Majarstan Prem'er-ministri Viktor Orban öziniñ hatında majar ükimeti aldağı uaqıtta da Qazaqstanmen köpjaqtı strategiyalıq ıntımaqtastıqtı damıtuğa bağıt wstanatınına sendiredi.
Birikken Wlttar Wyımınıñ Bas hatşısı Antoniu Guterriş Qasım-Jomart Toqaevtı Qazaqstan Respublikasınıñ Prezidenti lauazımına kirisuimen qwttıqtay kelip, BWW jüyesinde ülken qwrmetke ie adamnıñ osınday lauazımğa tağayındalğanı tek rizaşılıq sezimin tudıratının erekşe ataydı.
«Sizben tığız ıntımaqtastıqtı asığa kütemin. Özara tüsinistigimiz Qazaqstannıñ Sırtqı ister ministri bolıp twrğan keziñizde qwrıluına öziñiz atsalısqan BWW-nıñ Ortalıq Aziyadağı Öñirlik ortalığı qızmeti ayasında da jalğasatınına eş kümän keltirmeymin. Qazaqstan öz halqı men Ortalıq Aziya halıqtarınıñ ösip-örkendeui üşin de Ornıqtı damu maqsattarınıñ belsendi jaqtauşısı rölin saqtap qaladı dep ümittenemin», – delingen qwttıqtau hatında.
Sonday-aq Qasım-Jomart Toqaevtıñ atına Qazaqstan Prezidentiniñ lauazımına kirisuine oray qwttıqtau hattarı men jedelhattarın Pol'şa Respublikasınıñ bwrınğı prezidenti Aleksandr Kvas'nevskiy, WQŞW Bas hatşısınıñ mindetin atqaruşı Valeriy Semerikov, BWW Bas hatşısınıñ orınbasarı YUriy Fedotov, Türki tildes memleketter ıntımaqtastıq keñesiniñ Bas hatşısı Bağdat Ämireev, YAdrolıq sınaqtarğa jappay tıyım salu turalı şart wyımınıñ Atqaruşı hatşısı Lassina Zerbo, Halıqaralıq energetika hartiyasınıñ Bas hatşısı Urban Rusnak, Horvatiyanıñ bwrınğı sırtqı ister ministri Budimir Lonçar, Rumıniya Parlamenti deputattarı palatası törağasınıñ orınbasarı Florin Iordake, Bükilälemdik öner jäne ğılım akademiyasınıñ Qwrmetti prezidenti Ivo Şpaus, Jeneva Diplomatiya jäne halıqaralıq qatınastar mektebiniñ prezidenti Kolum Merfi, sonday-aq BWW-nıñ Ortalıq Aziya boyınşa Bosqındar isteri jönindegi agenttiginiñ öñirlik ökildiginiñ bwrınğı öñirlik üylestiruşisi Saber Azam da joldadı.
1 pikir
Ğaliy Baysımaq
Nazarbayevdin kezenindegi Qazaq-American araqatinasi jaqsi qalliptasti. Ogan sòz joq. Elimizge san turli AQS càpitali jetkizilip ishki economykan’in damiwina ulken septigin tiygizdi. Jàne de erkin sawda-sattiqqa jol ashielip bizneske còptegen mumkindikter qaliptasti. Osin’in bari tounqysh prezident sayasati jemisi. Al càzirgi prezidentimiz de àlemdik sayasatta òzindik salmaqy bar dyplomatialiq jolda càsiby qalieptasqan toulga. Sondiqtan Qasim Jomart Toqaydin àlemdik sayasatta jaqsi joldan shataspasina senim bar. D.Trump basshieliqy men Aq Orda ortaq màmilede jumis jasay bereri aniq. Ekeuara ortaq jobalardi àri qaray damita beriwge qos tarap ta dayin dep sanaymin. Àsirese mounay-gaz salasinda Chevron Extion mobil taqy basqa còptegen awqimdi jobalar jetkilikti-aq. Qazaq Eli àrqashanda Qourama Stattarmen intimaqtastiq ornatiwga interes tanitadi. D.Trumpdin Qazaqstanga keliwin asiega cuterimiz aniq. Washington-Nour Soultan araqatinasi jogari dengeyde damy tussin dep tileymin.