Marğwlan Seysembaev: Saylaudı baykottau arqılı sizder eşteñe däleldey almaysızdar
kerey.kz
Foto: Atameken Business Channel
Tanımal biznesmen, azamattıq belsendi Marğwlan Seysembaev alda kele jatqan kezekten tıs prezident saylauına öziniñ «Instagram» paraqşasında taldau jasadı. Köptegen adamdardıñ swraqtarına jauap beru üşin jäne köptegen bos söz ben ötirikten tazalau üşin men mına saylau nauqanı jöninde kişigirim taldau jasadım. Sonımen, bizde tört jol bar:
1. Dauıstı Toqaevqa beru. Onda sizder barlığı qalıptasqan küyde qala bergendi tañdaysıñdar. Öytkeni Toqaev özin Elbasınıñ sayasatın jalğastıruşı retinde köredi. Toqaev pen Qosanovtan basqa ümitkerler jäy qıdırıp jürgen jandar, sondıqtan olardı müldem qarastırmaymın.
2. Dauıstı Qosanovqa beru. Ol kisi turalı bilik pen radikaldı oppoziciya ärtürli söz aytuda. Bireuler onı Aqordaniki deydi, bireuler oppoziciya deydi. Sizdiñ bwl jöninde bilu kerek närseñiz, ol Qosanovtıñ twlğası emes, ol sizderdiñ qalıptasqan jağdayğa qarsı ekeniñizdi bildirudiñ zañdı jäne örkenietti jolı ekendigi. Sizderdiñ elimizdegi özgeriske degen talabıñızdı bildiru jolı. Iya, bilik sizderdiñ dauıstarıñızdı “wrlauı” mümkin. Biraq, eger köp adam Qosanovqa dauıs berse, exit pool arqılı qanşa dauıs wrlanğanın köruge boladı. Jäne bilik olarğa qanşama adam qarsı ekenin körip özgeristerge jol aşuı mümkin. Biraq, esteriñizde bolsın, bwl tek qana mümkindik! Meniñ boljauım boyınşa bwl joldıñ özgeristerge aparu mümkindigi 33%. Bwl jol meniñ oyımşa 67% eşqanday özgeriske äkelmeydi. 3. Baykottau. Bwl üşinşi jol. Eger siz saylauğa qatıspasañız, onda Toqaev 100% jeñedi. Ol basım dauıspen jeñgen soñ, öziniñ jeñisin “bwl xalıqtıñ şın tañdauı” dep esepteydi de, bilikke qarsı şığıp jürgen adamdardı jäy kişkentay ğana Äblyazovtıñ toptarı dep qudalaydı. Qanşa xalıqtıñ özgeriske degen talaptarı bar ekenine közi jetpeydi. Qayta bilik saylau üderisine aralasıp dauıs wrlamaydı. Onı körgen halıqaralıq baqılauşılar saylau ädil türde ötti dep aytadı. Baykottau arqılı sizder eşteñe däleldey almaysızdar. Europa qanşa baqırsa da bizdiñ bilik oğan pısqırmaydı da. Barlığı bwrıñğı qalpında jüre beredi. Baykottau tek qana xalıqtıñ basım böligi jasağanda ğana tiimdi. Al xalıq onday auızbirşilik körsetpese, onda onıñ özgeristerge äkelu mümkindigi 10-20% aspaydı.
Bwnı aurudıñ denesine jasalatın kürdeli operaciyamen salıstıruğa boladı. Artı ne bolatının eşkim bilmeydi. Auru müldem jazılıp adam jañarıp, jasarıp ketui de mümkin, biraq auruı jazılmay ölip te ketui mümkin. Ärine, şet elde jürgen keybir qandastarımızğa bwl eñ qolaylı jol, öytkeni olarğa bwl elge oraludıñ jalğız jolı. Tarixta barlıq revolyuciyalar jaqsılıqqa äkelgen joq. Köptegen revolyuciyalar özderiniñ basında qoyğan maqsattarına jetken joq. Bizge bwl jol qanşalıqtı kerek ekenin özderiñiz oylanıñızdar.
Körip otırsız ğoy, aldımızda qiın tañdaular twr. Mümkindigimiz köp te emes. Biraq bäribir bizdiñ tañdauımız bar. Esteriñizde bolsın, eger siz sanalı türde öziñiz tañdau jasamasañız, onda siz üşin basqa bireu tañdau jasaydı. Keyin renjimeñiz. Saylaudan keyin bizdiñ qanşa tañdauımız bolatının siz qazirgi tañdauıñızben şeşesiz. Men eşbir jolğa ügittep jatqan joqpın. Bwl jäy taldau.
Esdäulet Qızırbekwlı
“The Qazaq Times”
Pikir qaldıru