Jazuşı-publicist

Marat Bäydildawlı (Toqaşbaev):

QR Prezidenttigine kandidat retinde wsınılğan Hayrulla Ğabjalilovtı OSK saylau turalı zañğa säykes kelmeydi-mıs degen jeleumen tizimnen sızıp tastağanı mälim. 11- qazanda «Oralmandardıñ «Asar» birlestigi» respublikalıq qoğamdıq birlestigi wsınğan Hayrulla Ğabjalilov QR Prezidenttigine kandidat retinde tirkelu üşin tiisti barlıq qwjattarın tapsırğan. Biraq OSK türli ayla-şarğılar arqılı öz degenderine jetti. Aytar uäjderi: «Hayrulla Ğabjalilov QR azamatı emes jäne Qazaqstanda soñğı 24 jıl twrmağan». Hayrullanıñ tek Almatıda 46 jıldan beri twratını qwjat boyınşa däleldendi.

OSK-nıñ tağı bir şartı mülde qisınsız ekendigi bayqaladı. QR prezidenttigine ümitkerge «Saylau turalı» zañğa säykes qoyılatın talaptardıñ işinde «kandidattıñ memlekettik qızmette ne bolmasa saylanbalı memlekettik lauazımda keminde 5 jıl eñbek ötili boluğa tiis» degen ereje bar. İs jüzinde bwl talap Qazaqstan Konstituciyasınıñ 14-babınıñ 1-tarmağında: «Zañ men sot aldında jwrttıñ bäri teñ» ekendigi bayandı etilgen qağidağa qayşı. Al osı baptıñ 2-tarmağında: “Tegine, äleumettik, lauazımdıq jäne müliktik jağdayına, jınısına, näsiline, wltına, tiline, dinge közqarasına, nanımına, twrğılıqtı jerine baylanıstı nemese kez kelgen özge jağdayattar boyınşa eşkimdi eşqanday kemsituge bolmaydı» dep körsetilgen.

YAğni prezidenttikkke ümitkerden bes jıl memlekettik qızmette boluın talap etu bwl lauazımdıq negizde kemsituşilikke soqtırıp twr. «Saylau turalı» zañ erejeleri qoldanıstağı Konstituciyağa qayşı bolğandıqtan bwl talaptar üzildi-kesildi zañsız bolıp tabıladı. Sondıqtan zañ talaptarın orındaudan bwrın aldımen ol zañdardıñ ata zañğa säykestigi tekseriluge tiis!