Qazaqstan sırtqı ister ministriniñ orınbasarı Roman Vasilenko nemistiñ Deutsche Welle basılımına bergen swhbatında Qazaqstannıñ sırtqı sayasatı turalı ayta kele, “respublika Reseydiñ de, AQŞ-tıñ da, Qıtaydıñ da közqarasın wstanbaydı” dep mälimdep, Qazaqstannıñ köpvektorlı sayasattan aynımaytının atap ötken.

Onıñ sözinşe, Qazaqstan Ukrainadağı jağdayğa baylanıstı wstanımın naqtı belgilep alğan.

“Ol – memleketterdiñ aumaqtıq twtastığı qwrmetteluge tiis dep körsetilgen BWW jarğısı. Onıñ işinde, ärine, Ukraina da bar. Bwl wstanım barlıq seriktesimizge tüsinikti. Biz Reseydiñ de, AQŞ-tıñ da, Qıtaydıñ da wstanımın alğa şığarmaymız. Biz Qazaqstanıñ wstanımındamız, sırtqı sayasatımızdıñ negizinde özimizdiñ wlttıq müddemiz jatır” deydi sırtqı ister ministriniñ orınbasarı.

Onıñ sözinşe, Qazaqstan “Qıtay wsınğan 12 punktten twratın “beybit josparğa” da qoldau bildirgen. Ministrdiñ orınbasarı “eger osı jospar nemese halıqaralıq qauımdastıqtıñ özge de küş-jigeri qantögisti toqtatıp, janjaldı diplomatiyalıq jolmen retteuge mümkindik tuğızatın bolsa, tek quanamız. Eki tarap qajet etse, öz rölimizdi atqaruğa dayınbız” degen.

Qazaqstan Reseydiñ Ukrainağa aşqan soğısın resmi türde ayıptamağan, biraq Ukrainanıñ aumaqtıq twtastığın moyındağan.

Biıl aqpanda BWW-ğa müşe elder Resey äskerin Ukrainadan äketuge tiis degen mäsele boyınşa qararğa dauıs bergende, Qazaqstan qalıs qalğan.

Azat Europa / Azattıq radiosı