Biıldıñ tört ayı boyınşa Qazaqstan «orta tabıs twzağınan» qwtılıp otır. Eger osı körsetkişti jıl ayağına deyin wstay alsaq, onda mwnay bağası qwlağan uaqıtta işki jalpı önimdi 6 payızğa ösire alğan «fenomenaldı ekonomika» iesi atanamız.

Bizge mwnay kömektespese, ösim neniñ esebinen keldi?

2025 jılğı qañtar-säuir aralığında Qazaqstan ekonomikasınıñ ösui 6% boldı. Eñ mıqtı impul'sti kölik jäne tasımal salası berip otır. Osı sala 22,4 payızğa ösken. Biz jaña temir joldarın paydalanuğa beru arqılı temirjoldağı jük tasımalın jaqsı arttırğanbız. YAğni köbirek jük tasi bastadıq. Bwl elimizdiñ tranzittik logistikalıq biznesti jaqsı jolğa qoyğanın bayqatadı. Onımen qatar, tranzittik qwbır arqılı şikizat tasudı da jaqsı damıttıq.

Tasımaldan keyin qattı öskeni – qwrılıs salası. Ondağı naqtı jwmıs köleminiñ indeksi 16,2 payızğa artqan. Qwrılıs toqtap twrğan joq. Köptegen öñirlerde nısandar boy köterip keledi. Qwrılıstıñ mul'tiäseri auqımdı ekenin eskersek, osı salanıñ damuı otandıq material öndirisine de qoldau körsetude.

Biz üşin şikizattıq ekonomikadan ketip, mwnayğa degen täueldilikten qwtıludıñ negizgi mümkindigin öñdeu önerkäsibi ğana bere aladı. Öñdeu salasındağı ösim 7,2% boldı. Onıñ işinde tamaq önimderin öñdeu 12%-ğa, temeki önimderin şığaru 26,3%-ğa, himiyalıq önimderdi öndiru 11,2%-ğa jäne maşina jasau 11,2%-ğa artıp otır.

Himiyada jaqsı ösuimizge älemdik alpauıt Henkel kompaniyasınıñ öz keñsesin Reseyden Qazaqstanğa köşirui kädimgidey ıqpal etti. Alpauıttıñ Qonaev qalasındağı himiya zauıtı öndiristik quatın artırıp, qazirgi tañda Qazaqstanda şığarılğan önim bükil Ortalıq Aziya men Kavkazdı qamtıp otır.

Temekide Filipp Morris Almatı oblısındağı zauıtında IQOS stikterin öndire bastadı. Däl osı Almatı oblısında älemdegi törtinşi iri oyınşı KT&G öz zauıtın aşıp, jwmısqa kirisip ketti.

Oljas Bektenovtıñ däuirinde Qazaqstan mwnayğa degen bası bütin täueldilikten aqırındap qwtıla bastağan siyaqtı. Biz 30 jıl boyı «osını nege istemeske» dep keldik. Endi mwnay ğasırınıñ ayaqtaluına degen dayındığımızdı jalğastıra beru qajet. Jaqın jıldarı bizdiñ ekonomikalıq qwrılımda şiki mwnay ülesin 15 payız deñgeyine deyin tüsire alsaq, şikizattıq bağıttan öñdeuşi bağıtqa transformaciyanı sätti ayaqtadıq dep eseptey alamız. Biraq ol üşin äli köp şarua tındıru qajet.

Aybar Oljaev