Allağa degen senimine selkeu tüsirmegen Batırhan Şükenov
kerey.kz
Erdiñ jası – 52-de jüregi sır berip, dünieden ozğan, eldiñ süyiktisine aynalğan “A’Studio” tobınıñ darındı änşisi Batırhan Şükenov ömiriniñ soñğı kezinde bes uaqıt namaz oqımaqqa niettengenin bireu bilse, bireu bilmes. Ornı oysırap qalğan, qazaq öneriniñ qwyrıqtı jwldızınday ağıp öte şıqqan, qazasımen qalıñ eldiñ qabırğasın qayıstırıp ketken Batırhan Şükenovtıñ namaz oqitının marqwmnıñ közi tirisinde Qazaqstannıñ saz portalına bergen swhbatınan bildik. «Eger biz din jayında aytsaq, iman keltirsek – bwl oylanıp barıp jasalğan qadam der edim. Soñğı eki-üş jıldıñ köleminde meniñ töñiregimdegi adamdar bwrınnan tura jolğa tüsken adamdar boldı. Olarmen didarlasıp, tildesudiñ özi bir ğanibet, kökirek közimdi aştı. Özim de islam dinin ülken qızığuşılıqpen zerdeley bastadım. Bwl taqırıpta mağlwmat alu mümkindigi payda boldı – keñestik kezeñde bwl mümkin emes edi»,- degen edi marqwm ağınan aqtarılıp. Ol birte-birte namazğa jığılatının aytıp jürgen eken. «Namaz oqudı bastau, dini parızdardı naqtı orındau – şeşuşi qadam. Äli şeşim qabıldamasam da, jaqın arada den qoyatınıma ümit artamın. Qanşa degenmen meniñ ömirim osığan kelip tireldi. Men mwsılman otbasında ömirge keldim. Mağan islam jat emes. Bwl ana sütimen siñgen, tuğannan bar senim»,- degen edi ol sözin sabaqtap.
Islam.kz portalınıñ wjımı Batırhan Şükenovtıñ qazasına qayğırıp, tuğan-tuıstarına, elimizdiñ azamattarına köñil aytadı. Aldı – jarıq, artı – keniş bolğay marqwmnıñ. Peyişte nwrı şalqısın.
islam.kz
Pikir qaldıru