Armyandar ne üşin bas köterdi?
kerey.kz
Armyandardıñ tayauda Erevandağı bas köteruin bireuler “ekinşi Maydan” dese, endi bireuler “türli-tüsti revolyuciyanıñ tağı bir türi” dep tauıp, tanıp otır. Al şın mäninde, armyandar nege bas köterdi?
Bwl bas köterudi, bir sözben aytqanda, “Reseyge qarsılıq” dep aytuğa äbden boladı. Iä, iä, Reseyge qarsılıq. Reseydiñ sayasi qısımına qarsılıq. Bwğan armyandardıñ Bagramyan alañındağı bas köterude aytqan narazılıqtarı tolıq kuä bola aladı.
“Orıstar bizge eski äskeri qaru-jaraqtarın sattı da, däl eki aydan keyin äzirbayjandarğa su jaña, eñ soñğı ülgidegi qaru-jarağın sattı. Mwnısı nesi? Qarabaq mäselesi uşığıp twrğan kezde orıstardıñ osınday ekijaqtı, ekijüzdi oyın oynauğa qalay däti bardı?!”.
“Ukraindar jaqında özderiniñ äskeri salasında tazalau jwmıstarın jürgizdi. Olar osı saladağı orıspiğıldı, orısqoldı kadrlardıñ bärin jwmıstan qudı. Bwl rette özgeni eseptemegende, tek generaldardıñ sapınan 40-qa juıq adam qızmetten ketti. Bizge de osınday tazalau jürgizu kerek. Bizdiñ äskeri salada da orıspiğıldı, orısqoldı kadrlar az emes. Osılardıñ kesirinen Reseydiñ Armeniyada äli künge deyin äskeri poligondarı jabılğan joq”.
“Ras, mıñdağan armyandar Reseyde jwmıs isteydi. Olar osılayşa özderiniñ Armeniyadağı otbasın asırap otır. Biraq, bwl mäsele Reseydiñ Armeniyağa strategiyalıq äriptes emes, jarılqauşı retinde mwrın şüyire qarauına jol bermeui kerek…”.
“Eger Armeniyanıñ Europa elderine tike şığuına, tikeley baylanıs jasauına kedergi keltiretin bolsa, jalpı Armeniyanıñ özge eldermen qarım-qatınas jasauına belgili bir därejede böget keltiretin bolsa, onda bizge mwnday Euraziyalıq odaqtıñ kök tiınğa da keregi joq…”.
Sonımen birge armyan ziyalıları (bas köteruşilerdiñ basım köpşiligi – ziyalılar) Armeniyanıñ qazirgi biligine mınanday talap qoydı: “Kreml'men belgili bir ara qaşıqtıqtı wstau”. Soğan qarağanda, Armeniyanıñ qazirgi biligi keybir mänis-mäseleler jöninde Kreml'men auız jalasıp ketken de siyaqtı.
Ämirhan MEÑDEKE
zhasalash.kz
Pikir qaldıru