QR Bas prokurorı A. DAUILBAEV mırzağa!

QR İşki İster ministri Q.QASIMOV mırzağa!

Memlekettik tildegi hattamağa eki ese ayıppwl şığarğandar – memleketke qarsılar!

14 şildede Qazaquni.kz wlttıq portalında «QAZAQSTANDA QAZAQ «QAZAQQA» QAZAQŞA söylegeni üşin AYIPTI BOLDI».  «Qazaqşanı öz ELİÑDE jazasıñ» deytin qostanaylıqtar özderin RESEYLİK sezine me?  http://www.qazaquni.kz/?p=38276  jäne  «ORISŞA  SÖYLESSEÑ – QWTILASIÑ, QAZAQŞA SÖYLESEÑ –TWTILASIÑ!..http://www.qazaquni.kz/?p=38496  attı maqalalar qoğamdıq rezonans tuğızıp, qalıñ eldiñ talqısına salınuda.

Aldımen  Qostanay oblıstıq «Qostanay tañı» gazetinde jarıq körgen, keyin Qazaquni.kz wlttıq portalında basılğan  jurnalist Jandos Jüsipbektiñ «Qazaq «qazaqqa» qazaqşa söylegeni üşin ayıptı boldı» attı maqalasındağı masqaraşılıq, general-mayor T.S. Matkenov basqaratın Qostanay oblısı İşki ister departamentiniñ serjantı   DOSMAILOV DÄULET  (surette) memlekettik tilge qarsı sayasat wstap, jol erejesin bwzğan Aqtolqın Jänibekovanı (joğarğı surette)   tek orıs tilinde ğana hattama toltıruğa mäjbürlegen! Memlekettik til turalı Atazañımız ayaqqa taptalğan. D.Dosmailovtıñ dörekiligi men öz qızmetin zañsız asıra paydalanuınıñ kesirinen A. Jänibekovanıñ densaulığına nwqsan kelgenin tömendegi “Qostanay tañı” gazetiniñ  videosı men qwjattardan ayqın  köruge boladı.

«ORISŞA hattama TOLTIRSAÑ 10 mıñ teñge, QAZAQŞA HATTAMA TOLTIRSAÑ, EKİ ESE ARTIQ 20 mıñ teñge TÖLEYSİÑ” -DEP, QAZAQ TİLİNİE – MEMLEKETTİK TİLGE QARSI ÜGİT JÜRGİZGENİ ÜŞİN MEMLEKETTİK QIZMETKER SERJANT DOSMAILOVTI JWMISTAN QUU BILAY TWRSIN, ÜSTİNEN QILMISTIQ İS QOZĞAU KEREK!

«Memlekettik tilde hattama toltırsañ-20 mıñ teñge, Resey tilinde toltırsañ 10 mıñ teñge ayıppwl töleu» turalı jarlıq şığarğandar – memleketke qarsılar! Bwnday masqaralıqqa basqa eşqanday söz joq!

Bwnday memlekettik tilimizge qarsı- memlekettik müddege qarsı jarlıqtı kim şığarğan? Bwl Qostanay oblısı İşki  ister departamenti basşısı T.S Matkenovtıñ  bwyrığı ma?  Joq, QR İşki ister ministri Q.Qasımov şığarğan ba, nemese  ministr münday swmdıqtı bile me?

Qostanay oblıstıq äkimdiginiñ resmi organı bolıp tabılatın «Qostanay tañı» oblıstıq gazetiniñ bas redaktorı J.Ayazbekovtıñ zañdılıqtı talap etip, swrau salğan hatına   äli künge deyin Qostanay oblıstıq İİD bastığı, policiya general-mayorı Tilegen Matkenov (oñ jaqtağı surette)  jauap bergen joq. Memlekettiñ zañdarınıñ saqtaluın qorğauı tiis general-mayor ne üşin osı uaqıtqa deyin zañdı bwzğan qızmetkerine şara qoldanbay,  Atazañdı qorğamay, Atazañdı talap etken azamatşanı qorğamay… otırğanı tüsiniksiz.

«Atazañdı ayaqqa taptağan qarauındağı qızmetkerin jazalap, qazaqşa tüsinik alıp, jwmıstan quu kerek!..» deydi aşınğan oqırmandar.  Serjanttarı memlekettik tildi sezbeydi eken, generaldarı (T.S.Matkenov) qazaqşa tüsinetin şığar dep ümittengemiz…. Biraq, biletinderdiñ aytuınşa, T.S.Matkenovtıñ özi de memlekettik tildi bilmeydi deydi!.. Sondıqtan bolar, ol memlekettik tilde jazılğan hattı tüsinbegesin, şetel tiline – Resey tiline audarıp bitpey jatqan bolar… Sondıqtan şığar,  ol qarauındağı özi siyaqtı  reseytildes qızmetkerin jazalay almay, olardan memlekettik tildi talap ete almay  otırğanı…

Memlekettik qızmetkerleri memlekettik tilde söylegeniñ üşin ayıptaytın paradokstı el älemde Qazaqstannan basqa eş jerde joq…

ATAZAÑDI  ayaqqa taptap, QAZAQ TİLİN QAZA TİLGE aynaldırğandar QIZMETTEN KETUİ TIİS!

Al, bizdiñ biluimizşe, Qazaqstan Respublikası İİM-nen keletin  tilderdi damıtu boyınşa nwsqaulıqtarda «kezekşi bölim jəne kez kelgen bölimşe qızmetkerleri telefon arqılı memlekettik tilde jauap beruleri tiisti» dep jazılğan. «Zañ bwzuşılıqtarğa birinşi basşı jauaptı» dep körsetilgen. Kez kelgen wyımdastırılğan is şaralar memlekettik tilde jürgizilsin dep ayqın jazılğan. Sonda T.S. Matkenov bastağan qostanaylıq policeyler üşin İşki İster ministri Q.Qasımovtan keletin nwsqaulıqtardıñ kök tiındıq qwnı joq pa?

“HATTAMANI QAZAQŞA TOLTIRAMIN” degen Aqtolqın Jänibekovağa : “OSI UAQITQA DEYİN QOSTANAYDA ORISŞA ÜYRENİP ALMAYSIÑ BA?” – degendi TUĞALI BERİ QAZAQSTANDA TWRSA DA, ÖZİ “QAZAQ” BOLSA DA, QAZAQŞA QAQPAYTIN serjant DOSMAILOV qalay beti bülk etpey aytadı deysiñ, qanıñ qarayıp…  «Qazaqşanı öz ELİÑDE jazasıñ» deytin DOSMAILOV DÄULET bastağan qostanaylıqtar özderin äli RESEYLİK sezine me sonda?

Maqala saytta jarıq körip, Feysbuk sekildi  äleumettik jelilerde jappay jariyalanğan soñ, kerekulik belgili til qayratkeri Ruza Beysenbaytegiden bastap, köptegen azamattar Qostanay policiyasına telefon jaudırdı. Ol memlekettik mekemeden memlekettik tilde bir de bir söz esti almağan oqırmandar ızasında şek joq. Tipti, bir  mayor Mahmudov degen sauatsız policey  Ruza Beysenbaytegi telefon şalıp osı mäseleniñ män-jayın swrağanda, orısşa «A kto otmenil russkiy yazık?!» özine qarsı dürse qoya beripti… Masqara, olar orıs tilin memlekettik til dep oylap, (bälkim,  Qazaqstannıñ 25 jıldan beri Täuelsiz el ekenin de bilmeytin boluı kerek) äli solay ömir süredi eken!.. Äli de solay oylap jürgen 90 payız memlekettik qızmetkerler üşin resmi aqparat bere keteyik.  Kezinde M.Şahanov bastağan bir top Mäjilis deputattarınıñ saualına Qazaqstan RespublikasıKonstituciyalıq Keñesi 2007 j. 23 aqpandağı № 3 qosımşa qaulısın şığarıp: ” Memlekettik wyımdarda jäne jergilikti özin-özi basqaru organdarında orıs tili resmi türde qazaq tilimen ten qoldanıladı degen konstituciyalıq norma orıs tiline ekinşi memlekettik til märtebesi beriletinin bildirmeydi”- dep,  resmi jauap bergen.

20 şildedegi sotqa Qostanay oblıstıq İşki ister departamentinen eşkim kelmegen. Endi sot 30 şildege, sağat 11-00-ge qaldırıldı. Aqtolqınmen söyleskenimizde Memlekettik tilge qarsı küresuşi memlekettik qızmetker, serjant D.S. Dosmailov “Aytqandarımdı eşqanday moyındamaymın, sen jeñilesiñ”-dep jatır eken…

Memlekettik qızmettegi Memlekettik tildi bilmeytinder Konstituciyanı bwzadı. Endeşe, 1.Zañdı bilmeytin, 2.Zañdı bwzatın, 3.Zañğa qarsı jwmıs istep, QAZAQ TİLİN QAZA TİLGE AYNALDIRĞAN  Qostanay oblıstıq policiyası serjantı Dosmailov Däulet jauapqa tartılıp, bastığı, özi de memlekettik tildi bilmeytin general-mayor T.S. Matkenov otstavkağa ketui kerek!

Qostanaylıq namıstı er azamattar, barsıñdar ma?!.  Qazaqtıñ bir qızın memlekettik tilin qorğap, Atazañdı talap etkeni üşin jazıqsız jalğız şırıldatıp qoymay, sotqa qatısıp, ädildiktiñ ornauına qoldau bildiriñizder!

Qazıbek ISA

«Qazaq üni» gazeti,

Qazaquni.kz