Oyan, namıs
kerey.kz
Törimizge şığıp alğan köp jwldız,
“Älem bizden, aqıl swrayd “-dep jürmiz.
On qazekem, bir orısqa täueldi,
Jüz orıstı basqaradı, bir Qırğız.
Toqımımız qalıñ biraq solayma?
Erjetpesten qılau qondı samayğa.
Köşe tolı jügensizder jortaqtap,
Qazan nege, tapsırıldı qwmayğa.
Şaqalağın tastay salar tas jolğa,
Aynalıppız mılqau kereñ tastarğa.
Boyjetkenge oyı ketken, aqsaqal,
Aqıl aytad, bwzıldı dep jastarğa…
Ene köksau, kelin merez, wl jaman,
Otı öşken, izgilik joq, kül qoğam.
Ana tilin jetkize almas jetesiz,
Basqaruda ekrandı kil nadan.
Nekesizdik teksizdiktiñ tamırı,
Alla sözi aqiqattıñ dabılı.
Üysizderdiñ ıqtasını toqal tam,
Ölilerdiñ artıq odan qabiri.
Meyirimnen tonaldı jwrt adasıp,
Bay-mänaptiñ twrar jayı qalaşıq.
Qwlıqınınıñ qwlı bolğan topastar,
Jwrttıñ keled maltasına talasıp.
Aykezbe me, ne qwtırğan top mınau,
Jağdayı joq, tek auılda köp twmau.
Aq jağalı atqa mingen ağalar,
Ayta almaydı, “osı auıldı östim- au.”
Kim ayıptı, bärimizde kina bar,
Qoldan jasap, ornatıppız jın aral.
Qwmarpazdıq, Naşaqorlıq meñdese,
Qoğamıñnıñ körkeyui düdämal.
Wnasımdı jasadıqpa bir amal,
Tek tileymiz, ter şığarmay qora mal.
Adamdardan alşaqtasa adal ar,
Kirmelerdiñ josınına tonalar.
Şetke sattıq, şırıldağan säbidi,
Tıñdamadıq haq jaratqan Näbidi.
Ata-anasın tıñdamağan qarındas,
Özge jwrttıñ esiginde nalidı.
Dindi atasa, tırjalañdar qoraştar,
Üdey tüsken, Qwday dese talastar.
Qayırımsız adamdardan, tili joq,
Meyirimdi körinedi ağaştar.
Aldarqatu, aldap satu bar bolsa,
Közsiz erlik sekiredi jar bolsa.
Bügin köziñ toymağanı nege esep,
Erteñ jatar, qarañğı kör tar bolsa.
Baba sözi, hadispenen tamırlas,
Nege aynıdıñ, bolmısıñnan bauırlas.
Din Arabqa jiberildi deppe ediñ,
Külli Adamzat, jaratılğan tağdırlas.
Küpir oydıñ, köp boladı älegi,
Jaqsılıqtıñ köp ärqaşan bereri.
Özge wlttan, bizdiñ qazaq kem emes,
Oy aytatın, kim bar bizdey öreli.
Kögeday Şämerhan
Pikir qaldıru