«…Kenesarı eş bilikti moyındamay, emin-erkin öz jerinde wstatpay jür. Jaqtastarı aq kigizge köterip, han saylap alğan. Öz atınan hat jazıp, arnayı mörimen tañbalaydı. Qoqandıqtar men hiualıqtarğa soğıs jariyalap, Sırdıñ jağasındağı halıqtardan  (hiualıq) salıq jinap otıradı. Keñ qwlaş ömir süredi. Bwhara ämiri han dep tanıp, öz bayrağın berip, moldanı jiberipti. Kenesarı öziniñ pañdılığı men törelik minezimen bwl dalağa öte qauipti. Jan-jağı birauızdan bağınıp, äskeri de erjürek, hanı üşin ölimge de bara alatın sarbazdardan qwralğan. Äsker işi öte qatal tärtipte. Jaqın sarbazdarı (oqqağarları) tas tüyin qarulanğan. Ärqaysısında wzın nayza, mıltıq ne vintovka, pistolet jäne qılışı bar. Mıltıq pen qılıştı Bwqaradan nemese Hiuadan aldıradı.

Bwl äskerdiñ jüzbası men onbası basşılıq etetin öz toptarı, öz bayrağı bar. Şayqastıñ aldında eki qatarğa twrıp, är jüzdiktiñ bayraqtarı sol şeptiñ ortasına alınadı. Jasıl tüsti bolıp keletin bas bayraq, bar äskerdiñ däl ortasına ornalastırıladı. Onıñ aynalasın 5-10 adam qorşap, oqıs jağdayda bayraqtı qwlatpas üşin kerekti amal jasaydı. Tipti kerek deseñiz, wrıs alañında qiındıq tuıp jatsa, Kenesarınıñ özi bas bayraqtı alıp, «attanğa» salıp, batırlarına ruh beredi.

Qolbasşınıñ atası, Orta jüzdiñ hanı bolsa kerek. Bwl jasaqtıñ mingen twlparları iriktelgen, qay jaqtan alıp qarasaq ta artıq, basım. Şabuılda nemese şeginiste är sarbazdıñ astında eki twlpardan boladı…»

Ştabs-kapitan Fomakotıñ Orınbor vedomstvanıñ

Qazaq dalasın bayandau hatınan, 1844 jıl.

Audarğan Rüstem Nürken.

namys.kz