Bwl Deklaraciya eki el köşbasşıları kelissözderiniñ qorıtındısı boyınşa qabıldandı.

Memleketter basşıları qwjatta halıqaralıq beybitşilik pen qauipsizdikti qoldauğa jäne memleketter arasındağı dostıq qarım-qatınastardı damıtuğa bağıttalğan qağidattardı berik wstanatının rastadı.

Sonımen qatar Nwrswltan Nazarbaev pen R.Erdoğan Islam ıntımaqtastığı wyımına müşe elderdi memleketaralıq qatınastarda jäne qaqtığıstar men daulardı retteu mäselelerinde izgi niet pen erik-jiger tanıtu jäne sındarlı qadam jasau arqılı islam älemindegi qarım-qatınastıñ jaña paradigmasın qalıptastıruğa şaqırdı.

***

QAZAQSTAN RESPUBLIKASINIÑ

PREZIDENTİ NWRSWLTAN NAZARBAEV

PEN TÜRKIYA RESPUBLIKASINIÑ

PREZIDENTI REJEP TAYIP ERDOĞANNIÑ

ISLAM ÄLEMİNDEGİ TATULASU JÖNİNDEGİ

BİRLESKEN DEKLARACIYASI

Qazaqstan Respublikasınıñ Prezidenti Nwrswltan Nazarbaev pen Türkiya Respublikasınıñ Prezidenti Rejep Tayip Erdoğan 2016 jılğı         14-15 säuir aralığında Istanbwl qalasında ötetin Islam Intımaqtastığı Wyımınıñ 13-şi Islam sammiti konferenciyası qarsañında ötken Qazaqstan Respublikasınıñ Prezidenti Nwrswltan Nazarbaevtıñ Türkiya Respublikasına 2016 jılğı 13 säuirdegi jwmıs saparı ayasındağı ekijaqtı kelissözderdiñ qorıtındısı boyınşa,

2009 jılğı 22 qazanda qol qoyılğan Qazaqstan Respublikası men Türkiya Respublikası arasındağı Strategiyalıq äriptestik turalı kelisimdi basşılıqqa ala otırıp,

barlıq sayasi, ekonomikalıq jäne äleumettik aspektilerdi qamtitın      jan-jaqtı äriptestikti, sonday-aq ortaq tarihi jäne mädeni baylanıstardıñ negizinde qalıptasqan Qazaqstan men Türkiya halıqtarı jäne azamattıq qoğamdarı arasındağı tığız qarım-qatınastardı ilgeriletu maqsatın közdey otırıp,

Qazaqstan men Türkiya arasındağı ekijaqtı qarım-qatınastardı jäne ıntımaqtastıqtı odan äri damıtuda mañızdı röl atqaratın joğarı deñgeydegi özara saparlar men sayasi konsul'taciyalardı wdayı ötkizuge jäne qoldauğa beyildilik tanıta otırıp,

halıqaralıq beybitşilik pen qauipsizdikti qamtamasız etuge, sonımen birge memleketter arasındağı dostıq baylanıstar men ıntımaqtastıqtı damıtuğa bağıttalğan Birikken Wlttar Wyımı Jarğısınıñ jäne Islam Intımaqtastığı Wyımı Jarğısınıñ maqsattarı men qağidattarına beyildiligin rastay otırıp,

jahandıq qauip-qaterlerge, ekonomikalıq problemalarğa, konfessiyalar men örkenietter arasındağı qarama-qayşılıqtarğa, lañkestik pen wyımdasqan qılmıs qaterleriniñ teñdessiz därejede ösuine, sonday-aq migraciya, kedeyşilik problemalarına qarsı twrudağı birlesken is-äreketterdiñ qajettiligin tüsine otırıp,

halıqaralıq qatınastardıñ şapşañ transformaciyasınıñ epicentrinde qalıp otırğan islam äleminiñ şielenisterge tolı memleketaralıq qatınastardıñ naşarlauı, sonday-aq memleketter arasındağı ıntımaqtastıq deñgeyiniñ tömendeui sekildi problemalar orın alğan kezeñdi basınan keşirip jatqanın moyınday otırıp,

islam ümbetiniñ twtastığına qauip töndiretin jäne islam birligine ziyan keltiretin birqatar jetekşi mwsılman elderi arasındağı teketiresterdiñ küşeyip kele jatqanına alañdauşılıq bildire otırıp,

şeşimin tappağan tarihi problemalar, twraqsızdıq, lañkestikke qarsı küres mwsılman elderiniñ damu maqsattarına jwmsauğa bolatın orasan zor resurstarın zaya ketirip jatqanın atay otırıp,

är memlekettiñ kez-kelgen basqa memlekettiñ işki isterine aralaspau jönindegi mindettemesi halıqtardıñ özara beybit ömir süruin qamtamasız etudiñ mañızdı şartı bolıp tabılatınına kämil sene otırıp,

barlıq memleketter üşin halıqaralıq beybitşilik, qauipsizdik jäne ädilettilikke qauip töndirmey, özderiniñ şielenisterin Birikken Wlttar Wyımınıñ Jarğısına säykes beybit jolmen şeşu ortaq mañızdılıqqa ie ekendigin eskere otırıp,

älem halıqtarınıñ beybit jäne güldengen bolaşağı üşin öz jauapkerşiligin sezine otırıp jäne memleketter men halıqtar arasındağı dostıq qarım-qatınastardı ilgeriletu, olardıñ qauipsiz jäne beybit ömir süruin qamtamasız etuge nietin basşılıqqa ala otırıp,

halıqaralıq qatınastardağı tözimdiliktiñ mañızdılığın, özara tüsinistikke jetudiñ, beybitşilikke tönetin qaterlerdi joyudıñ jäne ıntımaqtastıqtı nığaytudıñ qwralı retindegi dialogtıñ eleuli rölin atay otırıp,

islam äleminiñ türli öñirlerinde orın alıp otırğan sayasi, ekonomikalıq jäne gumanitarlıq problemalar ayasında Türkiya Respublikasınıñ Istanbwl qalasında Islam Intımaqtastığı Wyımı 13-şi Islam sammiti konferenciyası ötkiziluiniñ mañızdılığın atay otırıp,

13-şi Islam sammiti konferenciyasınıñ «Ädilettilik pen beybitşilik birlik pen ıntımaqtastıq üşin» taqırıbın nazarğa ala otırıp,

tömendegidey uağdalastıqtarğa qol jetkizdi:

1. Memleketter şekaralarınıñ mızğımastığı, aumaqtıq twtastıq pen egemendikti qwrmetteu, basqa memleketterdiñ işki isterine aralaspau, memleketaralıq qatınastardağı daular men qaqtığıstardı beybit kelissözder arqılı şeşu jönindegi Birikken Wlttar Wyımınıñ jäne Islam Intımaqtastığı Wyımınıñ bastı qağidattarın rastaymız.

2. Islam birligi ruhına beriktigimizdi tağı da rastaymız jäne Islam Intımaqtastığı Wyımına müşe memleketterdi memleketaralıq qatınastarda jäne özara qaqtığıstar men daulardı şeşu jolında izgilik pen sındarlı wstanım tanıtu arqılı islam älemindegi qatınastardıñ jaña paradigmasın qalıptastıruğa şaqıramız.

3. Islam Intımaqtastığı Wyımına müşe memleketterdi eñ aldımen ortaq qwndılıqtar men müddelerge bastı nazar audara otırıp, islam älemindegi memleketaralıq problemalarğa reviziya jasau üderisin bastauğa şaqıramız.

4. Islam Intımaqtastığı Wyımına müşe memleketterdi Islam älemindegi tatulasu üderisin qoldauğa jäne onı tayau jıldardağı islam ümbetiniñ jaña sayasi twğırnaması retinde qarastıruğa şaqıramız.

5. Birikken Wlttar Wyımınıñ jäne Islam Intımaqtastığı Wyımınıñ halıqaralıq qaqtığıstardıñ aldın aludağı jäne olardı beybit joldarmen şeşudegi jetekşi rölin, sonday-aq Islam Intımaqtastığı Wyımınıñ islam älemindegi tatulasu üderisin ilgeriletudegi basqa halıqaralıq jäne öñirlik wyımdarmen ıntımaqtastığın qoldaymız.

6. Islam älemindegi tatulasu üderisin ilgeriletu mindetin Islam Intımaqtastığı Wyımına jükteudi wsınamız jäne bastamanıñ maqsattarına qol jetkizuge bağıttalğan wsınıstardı dayındau maqsatımen Islam Intımaqtastığı Wyımı Bas hatşısınan osı saladağı jağdayğa tereñ taldau jasaudı swraymız.

7. Islam älemindegi tatulasu taqırıbın Islam Intımaqtastığı Wyımı Sırtqı ister ministrleri keñesiniñ jäne Memleket pen ükimet basşıları sammitteri otırıstarınıñ kün tärtibindegi twraqtı mäselesi retinde bekitudi wsınamız.

8. Islam Intımaqtastığı Wyımına müşe memleketterdi halıqaralıq qatınastardağı şielenisti bäseñdetu üşin naqtı qadamdar jasau jäne qordalanğan problemalardı türli konsul'taciya tetikterin qalıptastıru jolımen şeşu, diplomatiyalıq missiyalardıñ, parlamentaralıq dialogtardıñ, ükimettik emes wyımdardıñ äleuetin qoldanu arqılı islam älemindegi tatulasu bastamasın naqtı is jüzine asıru üşin üles qosuğa şaqıramız.

2016 jılğı 13 säuir, Istanbwl

Aqorda baspa söz qızmeti