Serik Mwrathan. Alaşorda ükimeti jäne Şığıs Türkistan Qazaqtarı
Qazaq osı zamanğı tarihında öz ornın oyıp twrıp alğan, altı Alaştıñ armanın bölip-jarmay, ortaq kötergen, twtas Alaş wrandı Qazaqtıñ basın biriktirgisi kelgen birden-bir qozğalıs – Alaş Orda qozğalısı. Birden-bir ükimet ol – Alaş-Orda ükimeti. Alaş partiyası men Alaş orda ükimeti, Alaş qayratkerleri turalı ağa buın, orta buın qwlşına eñbektenip jür. Tipti sayasat sahınasına endi qadam basqan orta-jaña buın sayasatkerlerde öz imidjderin qalıptastırıp, halıq aldındağı bet-bedelin köteru üşin Alaşordaşılardı qalqan etetin kezge jettik. Bir esepten bwl da jetistik. Bizdiñ bügingi Qazaqstan qoğamında keşe auızğa alu qılmıs bolıp sanalğan Alaşordaşılardı zertteu, madaqtau, tanıtu abroy, märtebe bolsa odan artıq baqıt bar ma? Bwl da bolsa täñir bergen täuelsizdiktiñ bağa jetpes tartuı bolsa kerek.
